សន្តិសុខសង្គម
សមត្ថកិច្ចបំភ្លឺថា ស្ត្រីម្នាក់ដែលបាន Comment ព័ត៌មានមិនពិត ទាក់ទងនឹងមន្ត្រីអគ្គិភ័យ មិនត្រូវបានដាក់ទោសអ្វីទេ
សមត្ថកិច្ចរាជធានីភ្នំពេញ បានបញ្ជាក់ថា ស្ត្រីម្នាក់ដែលបាន Comment ព័ត៌មានមិនពិត ទាក់ទងនឹងមន្ត្រីអគ្គិភ័យ មិនត្រូវបានចោទប្រកាន់ ឬដាក់ទោសអ្វីនោះទេ។ ការបញ្ជាក់នេះ បន្ទាប់ពីមានគណនីហ្វេសប៊ុកមួយ បានផ្សព្វផ្សាយរូបស្ត្រីខាងលើនេះ ជាមួយស្ត្រីមួយរូបទៀតថា សមត្ថកិច្ចចោទប្រកាន់ និងបញ្ជូនទៅពន្ធនាគារ។
ក្រុមការងារព័ត៌មាន និងប្រតិកម្មរហ័ស នៃស្នងការដ្ឋាននគរបាលរាជធានីភ្នំពេញ នៅល្ងាចថ្ងៃទី ១ ខែកុម្ភៈ ឆ្នាំ ២០២២ នេះ បានចេញសេចក្ដីបំភ្លឺមួយ ទាក់ទងទៅនឹងការចុះផ្សព្វផ្សាយ ព័ត៌មានមិនពិត គ្មានមូលដ្ឋានច្បាស់លាស់ របស់គណនីហ្វេសប៊ុកឈ្មោះ Srey Chamroeun ដែលធ្វើឲ្យប្រជាពលរដ្ឋ និងមជ្ឈដ្ឋានទូទៅ មានការយល់ច្រឡំ លើសមត្ថកិច្ច។
បើតាមសមត្ថកិច្ច ក្នុងរូបភាពនេះ គឺជាមនុស្ស ២នាក់ផ្សេងគ្នា និងរឿង ២ដាច់ដោយឡែកពីគ្នា ដោយស្ត្រីពាក់អាវពណ៌ខ្មៅ ដែលមានឈ្មោះ វង្ស លក្ខ័ណា ជាបុគ្គល ដែលបាន Comment ព័ត៌មានមិនពិតទាក់ទងទៅនឹងមន្ត្រីអគ្គិភ័យ ក្នុងគោលបំណងអាក្រក់បង្ខូចចកិត្តិយស របស់មន្ត្រីអនុវត្តច្បាប់ ហើយបុគ្គលរូបនេះ ក៏បានចូលខ្លួនសារភាពកំហុស។
ចំពោះករណីស្ត្រីរូបនេះ សមត្ថកិច្ចបានអប់រំណែនាំ និងធ្វើកិច្ចសន្យា ហើយដោះលែងឲ្យត្រឡប់ទៅផ្ទះវិញហើយ ដោយមិនបានដាក់ទោសអ្វីឡើយ មិនដូចការចុះផ្សាយបំពុលព័ត៌មាន របស់គណនីហ្វេសប៊ុកឈ្មោះ Srey Chamroeun ដែលថា ស្ត្រីរូបនេះត្រូវបានសមត្ថកិច្ចចោទប្រកាន់ និងបញ្ជូនទៅពន្ធនាគារ។
សមត្ថកិច្ច បានឲ្យដឹងបន្តថា ចំពោះស្ត្រីម្នាក់ទៀត ដែលពាក់អាវពណ៌ក្រហម មានឈ្មោះ ឈឹម ស៊ីថរ គឺជាមេដឹកនាំធ្វើចលនាញុះញង់ អុកឡុក បង្កឲ្យមានភាពវឹកវរធ្ងន់ធ្ងរ ដល់សន្តិសុខសង្គម គឺត្រូវបានសមត្ថកិច្ច ឃាត់ខ្លួនបញ្ជូនទៅតុលាការ ហើយតុលាការក៏បានចេញដីកាឃុំខ្លួន ផងដែរ។
ជាមួយគ្នានេះ សមត្ថកិច្ច បានអំពាវនាវដល់ប្រជាពលរដ្ឋ មុននឹងផ្សព្វផ្សាយព័ត៌មានអ្វីមួយ គួរតែស្រាវជ្រាវឲ្យបានដឹងច្បាស់ជាមុនសិន ចៀសវាងការចុះព័ត៌មានមិនពិត ដែលធ្វើឲ្យមជ្ឈដ្ឋានទូទៅមានការយល់ច្រឡំ៕
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១១ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ