សន្តិសុខសង្គម

បង្ក្រាបក្មេងទំនើង២៦នាក់ រកឃើញម្នាក់វិជ្ជមានកូវីដ-១៩

បានផុស

៤ years មុន

នៅ

ថ្ងៃព្រហស្បតិ៍ ២៤ កុម្ភៈ ២០២២

ដោយ

ក្រោមការបញ្ជារបស់លោក ស្វាយ សំអ៊ាង អភិបាលខេត្តស្ទឹងត្រែង កម្លាំងអាវុធហត្ថខេត្តស្ទឹងត្រែងក្រោមការសម្របសម្រួលពីលោក ជា សុភ័ក្ត្រ ព្រះរាជអាជ្ញារងសាលាដំបូងខេត្តស្ទឹងត្រែង បានចុះបង្ក្រាបក្មេងទំនើងរយៈពេលបីថ្ងៃចាប់ពីថ្ងៃ២១ ដល់ថ្ងៃទី ២៣កុម្ភៈ ឃាត់ខ្លួនក្មេងទំនើងចំនួន២៦នាក់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកឧត្តមសេនីយ៍ត្រី អៀង វ៉ាន់ឌី មេបញ្ជាការអាវុធហត្ថខេត្តស្ទឹងត្រែង បានបញ្ជាក់ថា ក្រុមក្មេងទំនើងដែលសមត្ថកិច្ចបង្ក្រាបខាងលើ តែងតែជិះម៉ូតូដេញគ្នា ប្រសេកប្រសាចតាមដងផ្លូវនៅពេលយប់ ប្រើហិង្សានិងរំខានដល់ការរស់នៅ ធ្វើឲ្យប្រជាពលរដ្ឋមានការភ័យខ្លាច។

លោកឧត្តមសេនីយ៍ត្រីបានបន្តឲ្យដឹងទៀតថា ក្នុងប្រតិបត្តិការបង្ក្រាបក្មេងទំនើងរយៈពេលបីថ្ងៃកម្លាំងអាវុធហត្ថបានឃាត់ខ្លួនក្មេងទំនើងចំនួន២៦នាក់ ដកហូតម៉ូតូអត់ពន្ធកែច្នៃខុសលក្ខណៈបច្ចេកទេស១១គ្រឿងនិងកាំបិតចំនួន២ផងដែរ។

លោកឧត្តមសេនីយ៍ត្រីបន្តថា ក្នុងចំណោមក្មេងទំនើងចំនួន២៦នាក់ ៥នាក់ពាក់ព័ន្ធនឹងប្រើប្រាស់គ្រឿងញៀន និង៨នាក់ពាក់ព័ន្ធក្នុងករណីប្រើហិង្សាដោយចេតនា ត្រូវបានកសាងសំណុំរឿងបញ្ជូនទៅសាលាដំបូងខេត្តស្ទឹងត្រែង។ចំណែក ៨នាក់ផ្សេងទៀតត្រូវបានធ្វើការអប់រំឲ្យអាណាព្យាបាលមកធានាយត្រឡប់យកទៅវិញ។

ក្នុងនោះក៏មានជនសង្ស័យម្នាក់ជាអនីតិជនអាយុ១៦ឆ្នាំធ្វើតេស្តរហ័សវិជ្ជមានជំងឺកូវីត-១៩ ករណីនេះត្រូវបានលោក ជា សុភ័ក្ត្រ ព្រះរាជអាជ្ញារងនៃអយ្យការអមសាលាដំបូងខេត្តស្ទឹងត្រែងឱ្យគ្រូពេទ្យយកទៅព្យាបាលនៅមណ្ឌល និងឱ្យឪពុកម្តាយធ្វើការធានាពេលព្យាបាលជាសះស្បើយត្រូវយកមកបង្ហាញខ្លួនចំពោះមុខសមត្ថកិច្ចដើម្បីបន្តនីតិវិធី៕

អត្ថបទ៖ ងិនលីម