សន្តិសុខសង្គម

ឆេះខ្សែភ្លើង ១១ រ៉ូឡូធំៗ នៅបរិវេណអគ្គិសនីក្រុងស្ទឹងត្រែង គិតជាប្រាក់អស់ ៥ ម៉ឺនដុល្លារ

បានផុស

២ years មុន

នៅ

ថ្ងៃអង្គារ ១៥ មីនា ២០២២

ដោយ

ខ្សែភ្លើង ១១ រ៉ូឡូធំៗ ដែលគិតជាទឹកប្រាក់ប្រមាណជាង ៥ ម៉ឺនដុល្លារអាមេរិក ត្រូវអគ្គិភ័យឆាបឆេះមិនដឹងពីមូលហេតុ មន្ត្រីអគ្គិសនីកំពុងធ្វើការឆែកពិនិត្យរូបភាពតាមប្រព័ន្ធការមេរ៉ាសុវត្ថិភាព។ ហេតុការណ៍នេះ បានកើតឡើងនៅវេលាម៉ោង ១២ និង ៣០ នាទី កាលពីថ្ងៃទី ១៤ ខែមិនា ឆ្នាំ ២០២២ នេះ នៅក្នុងបរិវេណអង្គភាពអគ្គិសនី ស្ថិតនៅកណ្តាលក្រុងស្ទឹងត្រែង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ស៊ា ប៉ាច ប្រធានសាខាអង្គភាពអគ្គិសនីកម្ពុជាប្រចាំខេត្តស្ទឹងត្រែងបានបញ្ជាក់ថា ការឆេះនេះយើងមិនទាន់ដឹងពីមូលហេតុនៅឡើយទេ យើងកំពុងពិនិត្យរូបភាពតាមប្រព័ន្ធកាមេរ៉ា ជាការខូចខាតទ្រព្យសម្បត្តិសារធារណៈដ៏ធំមួយ ក្នុងពេលដែលអង្គភាពអគ្គិសនីកំពុងបង្កើនការតបណ្ដាញភ្លើងជូនប្រជាពលរដ្ឋប្រប្រាស់ឱ្យដល់ទីជនបទ។ លោកបន្តថា ការបង្កឱ្យខូចខាតទ្រព្យសម្បត្តិសាធារណៈនេះ បើគិតជាទឹកប្រាក់អស់ប្រមាណជាង ៥ ម៉ឺនដុល្លារ ករណីឆេះនេះផ្នែកជំនាញ កំពុងធ្វើការស្រាវជ្រាវដើម្បីកំណត់មុខសញ្ញាជនសង្ស័យ យកមកអនុវត្តតាមនីតិវិធី។ ប្រធានសាខាអង្គភាពអគ្គិសនី បានបន្តថាករណីនេះ ផ្នែកជំនាញកំពុងធ្វើការស្រាវជ្រាវមើលរូបភាពតាមប្រព័ន្ធកាមេរ៉ាសុវត្ថិភាព ហើយបើតាមការពិនិត្យជាក់ស្ដែងនៅមុនពេលឆេះមាន មនុស្សចូលលួចកាត់ខ្សែភ្លើង ហើយពេលចេញទៅវិញមានភ្លើងឆេះតាមក្រោយតែម្តង។

សូមបញ្ជាក់ថា ករណីបង្កឲ្យមានអគ្គិភ័យឆេះដុំខ្សែភ្លើងនេះ មិនបានបង្កផលប៉ះពាល់ដល់ផ្ទះប្រជាពលរដ្ឋនៅជិតនោះទេ ដោយប្រើរថយន្តពន្លត់អគ្គិភ័យប្រើអស់ចំនួន ៥ ឡាន ទើបរលត់ហេតុការនេះមន្ត្រីជំនាញសង្ស័យថា មានអ្នកជក់បារីហើយបោះចោលផ្តេសផ្តាស់ទៅក្នុងបរិវេណនោះតែម្តងទើបបណ្តាលឱ្យឆេះស្មៅ និងសំរាមហើយរាលដាលដល់ខ្សែភ្លើងបែបនេះ៕

អត្ថបទ៖ ងិនលីម

Related Topics:

Up Next

ខាតបង់ប្រាក់រាប់លានរៀលទាំងព្រឹក ក្រោយមន្ត្រីជំនាញក្រសួងសាធារណការធ្វើការផាកពិន័យ

Don't Miss

ចុះឆក់ត្រីទាំងកណ្តាលអធ្រាត្រ ភ្លាត់ស្នៀត ត្រូវឆ្លងចរន្តឆក់ខ្លួនឯងស្លាប់