សន្តិសុខសង្គម
បែកធ្លាយអធិការរងស្រុកបាទី កាងវង់ល្បែងស៊ីសងជាច្រើនក្នុងមូលដ្ឋាន
ប្រភពបែកធ្លាយបានអោយដឹងថា វង់ល្បែងជាច្រើនកន្លែងនៅក្នុងស្រុកបាទី ខេត្តតាកែវ មានដូចជា សង្វៀនជល់មាន់ វង់អាប៉ោង និងជល់មាន់តាមទូរទស្សន៍ដោយណាត់ភ្នាល់ស៊ីសងលុយរាប់លាន កំពុងពេញនិយម ហើយពួកគេបើកបានយ៉ាងរលូន គឺប្រើឈ្មោះ មេ ឡូ ។
ប្រភពបានបន្តអោយដឹងទៀតថា ឈ្មោះ ពៅ បានបើកសង្វៀនជល់មាន់១កន្លែង តាមបណ្តោយផ្លូវរទេះភ្លើង ស្ថិតនៅឃុំត្រពាំងសាប ស្រុកបាទី លេងភ្នាល់រាល់ថ្ងៃ តែនៅពេលអ្នកកាសែតទៅដល់ពួកគេប្រាប់ អ្នកកាសែតថា ទីតាំងនេះជារបស់លោក ឃុត ឡូ អធិការរងស្រុកបាទី ចង់ថតអីថតទៅ ផ្សាយអីផ្សាយទៅ មានការអីលោក ឃុត ឡូ ជាអ្នកដោះស្រាយ ។
ប្រភពច្បាស់ការណ៍បានបញ្ជាក់ទៀតថា ទីតាំងជល់មាន់អនឡាញដ៏ធំមួយទៀតជារបស់ឈ្មោះ ម៉ុក ជាមន្ត្រីអាវុធហត្ថចូលនិវត្តន៍ នៅកណ្ដាលវាលស្រែនៃឃុំកណ្ដឹង ក៏យកឈ្មោះលោក ឃុតឡូ នេះទៅកាងអោយដែរ។ និយាយពីវង់អាប៉ោងរបស់ឈ្មោះ ជង នៅក្នុងទឹកដីឃុំពត់សរ ស្រុកបាទី ក៏បែកធ្លាយថា លោក ឃុត ឡូ ជាអ្នកកាងអោយដែរ និយាយអោយចំសេដ្ឋកិច្ចវង់ល្បែង១ស្រុកបាទី គឺជារបស់លោក ឃុត ឡូ ទាំងអស់។
ប្រភពបានបន្តទៀតថា ហេតុផលអ្វីបានជាលោក ឃុត ឡូ អធិការរងស្រុកបាទី ក្ដោបសេដ្ឋកិច្ចវង់ល្បែងបាន ១-លោក ឃុត ឡូ ជាអ្នកញៀនល្បែងគ្រប់ប្រភេទ និងមានកូនចៅជាច្រើនជាអ្នកញៀនល្បែង ជាអ្នកណាត់ ក្រុមអ្នកញៀនល្បែងអោយមកលេងតាមគោលដៅនៃទីតាំងដែលបានបង្កើតរួចហើយ បើលោក ឃុត ឡូ ណាត់និងបើកអោយលេង គឺក្រុមអ្នកលេងមានភាពកក់ក្ដៅធានាថា មានសុវត្តិភាព ព្រោះអ្នកដែលបង្ក្រាបល្បែង ស៊ីសងឈ្មោះ ឃុត ចិត្ត្រា អធិការរងព្រហ្មទណ្ឌស្រុកបាទី ជាកូនប្រុសបង្កើតរបស់លោក ឃុត ឡូ ដូច្នេះ នេះជាសេនារិយោល្បែងក្នុងស្រុកបាទីទាំងមូល។
ពាក់ពន្ធ័ករណីខាងលើ កម្ពុជាថ្មីមិនអាចទាក់ទងលោក ឃុត ឡូ ដែលគេចោទថាជាអ្នកនៅពីក្រោយការកាងវង់ល្បែង ហើយអ្នកយកព័ត៌មានយើងមិនអាចសុំការបំភ្លឺពីលោក ឆាយ កែវមន្នី អធិការស្រុកបាទីបានដែរ។ កន្លងមកលោកធ្លាប់អោយដឹងថា លោកមិនប៉ះពាល់លុយល្បែងទេ ដឹងថាមានលេងកន្លែងណា លោកដាក់កម្លាំងចុះទៅភ្លាម។
ជុំវិញបញ្ហាខាងលើនេះ សង្ឃឹមលើលោកឧត្តមសេនីយ៍ត្រី ឈាង ផាន់ណារ៉ា ស្នងការនគរបាលខេត្តតាកែវ និងត្រួតពិនិត្យបង្ក្រាបករណីបើកទីតាំងល្បែងស៊ីសងខុសច្បាប់នេះ ។ បើមិនបង្ក្រាបទេ ពលរដ្ឋនឹងអស់ជំនឿលើសមត្ថកិច្ចនគរបាល ដែលជាមន្ត្រីអនុវត្តច្បាប់ បែរជាយកតួនាទីទៅបើកល្បែងស៊ីសងខុសច្បាប់ទៅវិញ៕
អត្ថបទ៖ ឆៃ យ៉ា
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៧ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?