សន្តិសុខសង្គម
តារាអនឡាញម្នាក់ គំរាមសម្លាប់អ្នកដទៃត្រូវចាប់ខ្លួន
ភ្នំពេញ ៖ តារាអនឡាញលក់ផលិតផលម្នាក់ កាលពីថ្ងៃទី២២ ខែមិថុនា ឆ្នាំ២០២២ ត្រូវបានកម្លាំងសមត្ថកិច្ចកងរាជ អាវុធហត្ថធ្វើការឃាត់ខ្លួនបញ្ជូនមកសាលាដំបូងរាជធានីភ្នំពេញ ពាក់ព័ន្ធនឹងអំពើលួច ធ្វើឲ្យខូចខាតដោយចេតនា និង បទគំរាមកំហែងថា នឹងសម្លាប់។
ជនសង្ស័យឈ្មោះ លាង សម្បត្តិ ភេទប្រុស អាយុ៣៣ ឆ្នាំ មុខរបរ អ្នកតាមអនឡាញ មានទីលំ នៅភូមិច្រេះ សង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ។
លោក ស៊ិត វណ្ណៈ ព្រះរាជអា ជ្ញារង នៃអយ្យការអមសាលាដំបូងរាជធានីភ្នំពេញ កំពង់បើកការស៊ើប សួរ។ ដើមចមពីការឃាត់ខ្លួនអ្នកទំនិញតាមអនឡាញរូបនេះ បញ្ជូនមកតុលាការត្រូវបានគេដឹង មានស្ត្រីម្នាក់មានមុខរបររកស៊ីលក់ប្រេងឆា កាហ្វេរ៉េឌីង និង លក់ផលិតផលថែរក្សាសម្រាស់មកពីប្រទេសកូរ៉េ និងថៃ ជាដើមបណ្តឹង។ ដោយអាជីវកម្មរកស៊ីមានការរីកចម្រើន និងការងាររវល់មមាញឹកផងនោះ ស្ត្រីជាដើមបណ្តឹងបានជ្រើសរើសបុគ្គលិកម្នាក់ឈ្មោះ លាង សម្បត្តិ (ជនសង្ស័យ) យកមកធ្វើការផ្នែកម៉ូដែលថតបង្ហាញលក់ផលិតផលតាមប្រពន្ធអនឡាញ និង លក់លើទីផ្សារនានា ដោយបានផ្តល់ប្រាក់ខែ៣០០ដុល្លារអាមេរិកក្នុង១ខែ ព្រមទាំងផ្គត់ផ្គង់កាហូបចុក និងកន្លែងស្នាក់នៅ ។ ចាប់តាំងពីថ្ងៃទី២៧ ខែមេសា ឆ្នាំ២០២២ ឈ្មោះ លាង សម្បត្តិ ចូលធ្វើការគេបានធ្វើខ្លួនឲ្យល្អដើម្បីឲ្យថៅកែជឿទុកចិត្ត តែទីបំផុតឆ្លៀតឱកាសលួចយកកូនសោចូលបន្ទប់ថៅកែ លួចលុយអស់ប្រមាណ ៣៥ ០០០ ដុល្លារអាមេរិក និងគ្រឿងអល្ល័ងការមួយចំនួនព្រមទាំងធ្វើឲ្យខួចខាតរថយន្ត FORD XL T ១គ្រឿងទៀត។
ក្រោយកើតមានរឿងនេះហើយ ដើមបណ្តឹងបានព្យាយាមទាក់ទងរកការដោះស្រាយជាមួយជនសង្ស័យដែរ តែបែរជាជនសង្ស័យបង្ហោះសារតាមបណ្តាញសង្គមហ្វេសប៊ុកគំរាមកំហែងថា នឹងសម្លាប់ទៅវិញ ដោយទង្វើជនសង្ស័យធ្វើដូច្នោះទើបស្ត្រីដើមបណ្តឹង សម្រេចចិត្តដាក់ពាក្យបណ្តឹងឲ្យសមត្ថកិច្ចចាត់ការតាមផ្លូវច្បាប់។ ជនសង្ស័យបានឆ្លើយនៅសមត្ថកិច្ច ក៏ដូចចំពោះមុខអយ្យការ ប្រហាក់ប្រហែលទៅ និងពាក្យបណ្តឹងរបស់ជនរងគ្រោះដែរថា ខ្លួនបានចូលធ្វើការជាមួយថៅកែស្រីតាំងពីអំឡុងឆ្នាំ២០២១ ជាអ្នកដើរម៉ូតថតស្ពតលក់ផលិតផល និង បើកបររថយន្ត ទទួលបាន ប្រាក់ខែ ១ ០០០ ដុល្លារអាមេរិក។ ជនសង្ស័យក៏បានទទួលស្គាល់ ការពិតគឺបានលួចលុយថៅកែចំនួន ១៣ ០០០ ដុល្លារ និងវាយបំបែកកញ្ចក់រថយន្ត ព្រមទាំងគំរាមថា សម្លាប់ប្រាកដមែន៕
ដោយ ៖ មករា
-
ព័ត៌មានជាតិ២ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៥ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៥ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៤ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សន្តិសុខសង្គម១ ថ្ងៃ ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
សន្តិសុខសង្គម៧ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ជីវិតកម្សាន្ដ១ សប្តាហ៍ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ
-
សេដ្ឋកិច្ច៧ ថ្ងៃ ago
មួយឆ្នាំៗ វៀតណាម ប្រឈមខាតបង់ដំណាំជិត៣ពាន់លានដុល្លារ ដោយសារទឹកប្រៃ ហូរចូលដីបង្កបង្កើនផល