សន្តិសុខសង្គម
កម្លាំងអាវុធហត្ថចុះជួយជម្លៀសពលរដ្ឋត្រូវជំនន់ទឹកភ្លៀងជនលិច
រតនគីរី ៖ លោកមេបញ្ជាការកងរាជអាវុធហត្ថខេត្តរតនគិរី ដឹកនាំកម្លាំងចុះជួយជម្លៀសប្រជាពលរដ្ឋ ទៅទីទួលមានសុវត្ថិភាព បន្ទាប់ពីផ្ទះសម្បែងរបស់ពួកគាត់ ដែលរស់នៅតាមដងទន្លេស្រែពក ត្រូវបានជន់លិច ខណៈភ្លៀងធ្លាក់នៅតែបន្តរាល់យប់រាល់ថ្ងៃមិនឈប់នោះ។
នៅថ្ងៃទី១១ ខែសីហា ឆ្នាំ២០២២ លោកឧត្តមសេនីយ៍ត្រី ថាវ យ៉េន មេបញ្ជាការកងរាជអាវុធហត្ថខេត្ត បានដឹកនាំកម្លាំងក្រោមឱវាទចុះជួយអន្តរាគមន៍សម្រួលដល់បងប្អូនប្រជាពលរដ្ឋ ដែលរងគ្រោះដោយសារទឹកជំនន់លិច លំនៅឋាននិងជួយដឹកជញ្ជូនសម្ភារទ្រព្យសម្បត្តិ ក៏ដូចជាសត្វពាហនៈរបស់ពួកគាត់ ទៅរកទីទួលសុវត្ថិភាព។
លោកឧត្តមសេនីយ៍ត្រី ថាវ យ៉េន កំពុងមមាញឹកក្នុងការដឹកជញ្ជូនទ្រព្យសម្បត្តិ និងទាំងប្រជាពលរដ្ឋផងនោះ លោកក៏បានដាក់បញ្ជាដល់កងកម្លាំងអាវុធហត្ថទាំងអស់ ត្រូវយកចិត្តទុកដាក់ខ្ពស់ ក្នុងការចុះជួយសង្គ្រោះបងប្អូនប្រជាពលរដ្ឋ ឲ្យបានទាន់ពេលវេលា មិនត្រូវបណ្ដែតបណ្ដោយឲ្យប្រជាពលរដ្ឋមានគ្រោះថ្នាក់ដោយសារទឹកជំនន់នេះឡើយ។ ត្រូវតែទ្រាំ២៤ម៉ោង លើ ២៤ម៉ោង ជាប់ជាប្រចាំ ព្រមទាំងសម្ភារសង្គ្រោះដូចជាទូកការណូត ប្រេង ឲ្យបានគ្រប់គ្រាន់ ទ្រាំ បង្ការគ្រប់គោលដៅ ដែលកំពុងរងផលប៉ះពាល់ដោយសារជំនន់ទឹកភ្លៀងនាពេលនេះ។
លោកឧត្តមសេនីយ៍ត្រី ថាវ យ៉េន ក៏បានណែនាំដល់បងប្អូនប្រជាពលរដ្ឋ ឲ្យមានការប្រុងប្រយ័ត្នខ្ពស់ចំពោះសុវត្ថិភាពផ្ទាល់ខ្លួន និងថែរក្សាទ្រព្យសម្បត្តិឲ្យបានល្អ ជាពិសេស គឺកូនចៅតូចៗ ត្រូវតែ
ប្រុងប្រយ័ត្នឲ្យបានខ្ពស់ ព្រោះទឹកកំពុងឡើងខ្លាំង អាចនឹងមានហានិភ័យចំពោះពួកគាត់ ម្យ៉ាងវិញទៀត ក៏ត្រូវប្រុងប្រយ័ត្ន ចំពោះសត្វអាសេរពឹស ព្រមទាំងសុខភាពរបស់ពួកគាត់ផងដែរ។
គួរបញ្ជាក់ថា នៅក្នុងខេត្តរតនគិរី ថ្ងៃទី១១ ខែសីហា ឆ្នាំ២០២២នេះ មានភ្លៀងធ្លាក់២៤ម៉ោងទាំង ៩ក្រុង. ស្រុក។ ចំណែកកំពស់ទឹកទន្លេស្រែពក ស្រុកលំផាត់ ឡើងដល់ ១២.៦០ ក្នុងកំរិតកំពស់ទឹកប្រកាសអាសន្ន ១២.៥០។ ចំណែកទន្លេសេសាន វើនសៃវិញ កំពស់ទឹក ៥.៣២m ក្នុងកំរិតប្រកាសអាសន្ន ៨.៥០m។ ដូច្នេះ ទន្លេស្រែពក ស្រុកលំផាត់ និងស្រុកកូនមុំ ជន់លិចបណ្ដើរៗហើយ ចំណែកទន្លេសេសាន ពុំទាន់ជន់លិចនៅឡើយទេ៕
ដោយ ៖ វុទ្ធឦសាន
-
ព័ត៌មានជាតិ៧ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៧ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?