Connect with us

សន្តិសុខសង្គម

កងកម្លាំងពលតូច២កងចុះជួយសង្គ្រោះប្រជាពលរដ្ឋ​រងគ្រោះ​ដោយទឹកជំនន់

បានផុស

នៅ

​វរសេនីយ៍ត្រី ម៉ែន មូលី មេបញ្ជាការវរសេនាតូចលេខ៥៣៣ កងពលតូចថ្មើរជើងលេខ៥៣ នៅព្រឹកថ្ងៃទី ២៨ ខែកញ្ញា ឆ្នាំ ២០២២នេះ បានដឹកនាំកម្លាំងអន្តរាគមន៍ចំនួន៥០នាក់ ចុះជួយប្រជាពលរដ្ឋរងគ្រោះដោយទឹកជំនន់ទាន់សភាពការណ៍នៅចំណុចស្រែមួយរយ ស្ថិតនៅភូមិបួរ ឃុំបួរ ស្រុកភ្នំព្រឹក ខេត្តបាត់ដំបង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

វរសេនីយ៍ត្រី ម៉ែន ម៉ូលី បានរាយការណ៍ថា អនុវត្តតាមបទបញ្ជាឧត្តមសេនីយ៍ត្រី កែវ សេងលន មេបញ្ជាការកងពលតូចថ្មើរជើងលេខ៥៣ លោកបានដឹកនាំកម្លាំងភ្លាមៗចុះដល់គោល ដើម្បីជួយ​សង្គ្រោះប្រជាពលរដ្ឋរងគ្រោះដោយសារទឹកជំនន់ជន់លិចស្ថិតនៅក្មុងភូមិសាស្ត្រខាងលើចំនួន២៨​គ្រួសារ ស្មើចំនួន១២១នាក់។

​លោកបន្តថា ទឹកជន់ហូរឡើងខ្លាំងហួសការស្មាន តែទោះយ៉ាងណាលោក​បានដឹកនាំកម្លាំង​ជួយ​សង្គ្រោះ ដោយដឹកជញ្ជូនពួកគាត់តាមទូកបានមកដល់ទីទួលសុវត្ថិភាពបានចំនួន២៨គ្រួសារ ហើយ​ក៏កំពុងព្យាយាមបន្តជួយសង្គ្រោះប្រជាពលរដ្ឋជាច្រើនគ្រួសារទៀតនៅចំណុចបឹងពពូល ស្ថិតនៅ​ក្នុងភូមិសាស្ត្រ ភូមិបួរ ឃុំបួរ ស្រុកភ្នំព្រឹកខេត្តបាត់ដំបង។

​គួរបញ្ជាក់ថា រហូតមកដល់ពេលនេះ មិនមានប្រជាពលរដ្ឋណាម្នាក់​ទទួលគ្រោះថ្នាក់​ដោយសារ​ទឹក​ជំនន់នោះទេ៕

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម