សន្តិសុខសង្គម
ចាប់ជនសង្ស័យ ៣ នាក់ ពីបទចាប់ជំរិតយកលុយ ៣០ ម៉ឺនដុល្លារ
ក្រុមជនសង្ស័យប្លន់ចាប់ជំរិតយកលុយប្រមាណ ៣០ ម៉ឺនដុល្លារពីជនជាតិចិនដូចគ្នា ក្នុងចំណោមបក្ខពួកគ្នា០៤នាក់ត្រូវកម្លាំងព្រហ្មទណ្ឌនៃស្នងការដ្ឋាននគរបាលខេត្តពោធិ៍សាត់សហការជាមួយនាយកដ្ឋាននគរបាលព្រហ្មទណ្ឌក្រសួងមហាផ្ទៃចាប់បានចំនួន០៣នាក់ដោយម្នាក់បានរត់គេចខ្លួន បន្ទាប់ពីមានពាក្យបណ្ដឹងជនរងគ្រោះ។
ហេតុការចាប់ជំរិតទារប្រាក់ បានកើតឡើងនៅក្រុមហ៊ុន MDS វេលាម៉ោង ១២៖៣០ យប់ថ្ងៃទី ១៩ ខែតុលា ស្ថិតក្នុងភូមិសង្គមថ្មី ឃុំថ្មដា ស្រុកវាលវែង ខេត្តពោធិ៍សាត់ ដោយកម្លាំងនគរបាលជំនាញចាប់បាននៅទីតាំ២កន្លែង ទី១នៅប្រលានយន្តហោះពោធិ៍ចិនតុងនិងទី២នៅប្រលានយន្តហោះប្រទេសថៃ។
លោកឧត្ដមសេនីយ៍ត្រី ម៉ូ លីដា ស្នងការរងនៃខេត្តពោធិ៍សាត់ប្រាប់ថាដោយមានពាក្យបណ្ដឹងពីបុរសជនរងគ្រោះឈ្មោះ XIAO អាយុ ៣៣ ឆ្នាំ ថា ជនសង្ស័យទាំង៤នាក់បានចូលក្នុងក្រុមហ៊ុន ចាប់គ្រៀកខ្លួនយកចុងកាំបិតមុខស្រូចភ្ជង់បំពង់កអូសឡើងឡាន បើកផុតចេញពីក្រុមហ៊ុន ពួកវាបានសួរកលេខកូដទូដែកដោយយកលុយអស់ជាង ៩ ម៉ឺនដុល្លារ ពីក្នុងទូដែក និងសម្ភារប៉ាស្ព័រជាច្រើននិងលេបថប១គ្រឿង និងមេម៉ូរី ១ទូរស័ព្ទដៃ២គ្រឿងរបស់ជនរងគ្រោះ បាញ់លុយចេញតាម (U ) អស់១៩ម៉ឺនដុល្លារ រូចហើយគ្នាវាទាំងបួននាក់បើកឡានមកតាមផ្លូវដល់ព្រៃស្ងាត់ក៍ទាញរូបគេចុះពីឡានហើយចងនឹងដើមឈឺចោលក្នុងព្រៃ រូចគេចខ្លួនអស់ដោយខ្លួនបានរើស្រាយចងណងរូចហើយពឹងឲ្យជូនទៅរកមិត្តភ័ក្ដិប្ដឹងនគរបាលតែម្ដង។
លោកឧត្ដមសេនីយ៍ត្រីបន្តថា ក្រោយពេលទទួលពាក្យបណ្ដឹងជនរងគ្រោះភ្លាមនិងដោយមានការចង្អុលពីលោកស្នងការខេត្ត លោកបានបញ្ជារកម្លាំងជំនាញនិងធ្វើការទំនាក់ទនងទៅនាយកដ្ឋាននគរបាលព្រហ្មទណ្ឌក្រសួងមហាផ្ទៃ ដើម្បីចំណាត់ការលើករណីនេះ រហូតដល់វេលាម៉ោងជាង១០ ព្រឹក ចាប់បានម្នាក់នៅព្រលានយន្តហោះពោធិ៍ចិតុង និងនៅវេលាម៉ោង៤ ល្ងាច ថ្ងៃដដែលទី១៩ ខែតុលា ឆ្នាំ២០២២ចាប់បាន២នាក់ទៀត នៅព្រលានយន្តហោះប្រទេសថៃ ហើយក៍បានបញ្ជូនជនសង្ស័យទាំង៣នាក់ មកស្នងការរដ្ថាននគរបាលខេត្តពោធិ៍សាត់។
បុរសជនសង្ស័យទាំង ៣ នាក់ទី១ ឈ្មោះ WU.BO អាយុ៣៣ឆ្នាំ ទី២ ឈ្មោះ JIANG.JUNCAI អាយុ២៤ឆ្នាំ និងទី៣ឈ្មោះ JIANG,CHEGCAI អាយុ២៥ឆ្នាំ។ និងម្នាក់បានរត់គេចខ្លួន។
បច្ចុប្បន្ន សមត្ថកិច្ចកំពុងកសាងសំណុំរឿងបញ្ជូនជនសង្ស័យទាំង ៣ នាក់ទៅតុលាការ។
អត្ថបទ៖ លាន គ្រន
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង