យ៉ាងហោចណាស់មនុស្សចំនួន ៩ នាក់បានរងរបួស និងស្លាប់បាត់បង់ជីវិត នៅក្នុងហេតុការណ៍គ្រោះថ្នាក់ចរាចរណ៍ដោយរថយន្តបានបើកមកបុកម៉ូតូក្នុងទិសដៅស្របគ្នាពីខាងក្រោយ នៅលើកំណាត់ផ្លូវជាតិលេខ៥៥ ចន្លោះគីឡូម៉ែតលេខ ១១៤ និង ១១៥ ស្ថិតក្នុងភូមិកណ្ដាល ឃុំអន្លង់រាបស្រុកវាលវែង ខេត្តពោធិ៍សាត់។

អធិការនគបាលស្រុកវាលវែង បានប្រាប់ឱ្យដឹង នៅថ្ងៃទី៩ ខែវិច្ឆិកា ឆ្នាំ២០២២ នេះថា ហេតុការណ៍នេះបានកើតឡើងនៅរសៀលថ្ងៃទី ៨ ខែវិច្ឆិកា បានបណ្តាលឱ្យមនុស្ស ១ នាក់ បានស្លាប់ និង ៨ នាក់ ផ្សេងទៀត រងរបួសធ្ងន់-ស្រាលត្រូវបានដឹកយកទៅសង្គ្រោះបន្ទាន់ នៅមណ្ឌលសុខភាព ឃុំប្រមោយ។

នគបាលស្រុកវាលវែងបានអោយដឹងទៀតថា ជនរងគ្រោះជាអ្នកបើកបរម៉ូតូមានគ្នាចំនួន ៣នាក់៕