ទូកនេសាទមួយគ្រឿងបានលិចនៅជិតកោះថាស ចន្លោះកោះរ៉ុងសន្លឹមកាលពីវេលាម៉ោង ៣៖៣០ នាទី រំលងអាធ្រាតឈានចូលថ្ងៃទី ៣០ ខែមករា ឆ្នាំ២០២៣នេះ ដោយសារខ្យល់កន្ត្រាក់ និងរលក។

លោកឧកញ៉ា ទៀ វិចិត្រ បានឱ្យដឹងថា មានករណីលិចទូកនេសាទមួយគ្រឿង ដែលបណ្តាលឲ្យបាត់ខ្លួនមនុស្សចំនួន២នាក់ ពេលនេះលោកឧកញ៉ាកំពុងបញ្ជូនអូប័រល្បឿនលឿនរបស់ក្រុមហ៊ុន GTVC ចំនួន៤គ្រឿង ដើម្បីរុករកជនរងគ្រោះនៅលើផ្ទៃសមុទ្រ។

ទូកនេសាទនេះ ជាទូកម៉ាស៉ីនប្រភេទគោយន្តបានលិចនៅចំណុចលេខដាវ 37.22 ជិតកោះថាស ខណៈម្ចាស់ទូកបញ្ជាក់ថា នៅលើទូកនេសាទដែលលិចនោះមានមនុស្សចំនួន០២នាក់​ មានឈ្មោះ ស្រេម ជាអ្នកបើកទូក​ និងកម្មករទូកម្នាក់ទៀត មិនទាន់ស្គាល់ឈ្មោះ​។

បច្ចុប្បន្នលោកឧកញ៉ា ទៀ វិចិត្រ កំពុងបញ្ជូនអូប័រល្បឿនលឿនរបស់ក្រុមហ៊ុន GTVC ចំនួន៤គ្រឿង សហការជាមួយសមត្ថកិច្ច ស្វែងរកបន្ត ទោះបីជាការស្វែងរកក្នុងលម្ហសមុទ្រ៕