ជនរងគ្រោះ២នាក់ម្តាយកូនធ្លាក់ទឹកសមុទ្របាត់ខ្លួនពេលកំពុងនេសាទ

ក្រុមគ្រួសារអ្នកនេសាទ២នាក់ម្តាយកូនបានធ្លាក់ទឹកលិចបាត់ក្នុងសមុទ្រ ខណៈទូកនេសាទ១គ្រឿងដែលមនុស្សជិះសរុបចំនួន៦នាក់កំពុងអូសត្រី និងមឹកកាលពីម៉ោង១៨និង៣០នាទី ថ្ងៃទី០១ ខែតុលា ឆ្នាំ២០២៣ នៅចំណុចចន្លោះ លេខដាវ (17.13)  Lat=10°17’11″N  Long=103°13’12″E ចន្លោះកោះតាង និងកោះពីរ ស្ថិតនៅភូមិ​សាស្ត្រ​សង្កាត់កោះរ៉ុងសន្លឹម ក្រុងកោះរ៉ុង ខេត្តព្រះសីហនុ។

យោងតាមរបាយការណ៍សមត្ថកិច្ចបានឲ្យដឹងថា បើតាមសាច់ញ្ញាតិម្ចាស់ទូកបានបញ្ជាក់ថា មុនកើតហេតុនៅលើទូកមានមនុស្សចំនួន៦នាក់
១.ឈ្មោះ ជិន ហុង ភេទប្រុស អាយុ៤៨ឆ្នាំជនជាតិខ្មែរ ត្រូវជាប្តីជនរងគ្រោះ កំពុងបើកទូករកប្រពន្ធនិងកូនស្រី
២.ឈ្មោះ ជិន ដា ភេទស្រី អាយុ៥ឆ្នាំ ត្រូវជាកូន
៣.ឈ្មោះ បាត់ទី កាន់ទូ ភេទស្រី អាយុ២៤ឆ្នាំ ជនជាតិវៀតណាម (បាត់ខ្លួន)
៤.ឈ្មោះ ជិន ឌី ភេទស្រី អាយុ៣ឆ្នាំ (បាត់ខ្លួន)
៥.ឈ្មោះ​ ជិន ណាង ភេទប្រុស អាយុ១៩ឆ្នាំ ជនជាតិខ្មែរ
៦.ឈ្មោះ មិនា ភេទប្រុស អាយុ២៧ឆ្នាំ(កូនដៃទូក)

អ្នកទាំងអស់មានទីលំនៅបច្ចុប្បន្នភូមិ៣ សង្កាត់៣ ក្រុង/ខេត្ត ព្រះសីហនុ(ក្នុងទំនប់ផែរ៉ូយ៉ាល់ចាស់)។

ក្រោយកើតហេតុភ្លាមកម្លាំងនគរបាលចរាចរណ៍ផ្លូវទឹកបានទាក់ទងតាមរយៈ whatsApp ប្រព័ន្ធព័ត៌មានលើផ្ទៃសមុទ្រ
ជាមួយកម្លាំងពាក់ព័ន្ធផ្សេងៗលើផៃសមុទ្រ៖
-​អូប័រ​ក្រុមសង្រ្គោះ​របស់​អ្នកឧកញ៉ា​ ទៀ វិចិត្រ​
-កងការពារកោះតាងលេខ3​បញ្ជាការដ្ឋាន​ការពារ​កោះ​ឆ្នេរ​,
-ស្នាក់ការ​សន្តិសុខ​កោះតាង​ទីបញ្ជាការជួរមុខ​
-​នគរបាល​ការពារ​ព្រំដែន​ទឹក និងប្រជានេសាទដើម្បីជួយស្វែងរក​ជនរងគ្រោះ​។​ សមត្ថកិច្ចបានឲ្យដឹងថា គិតមកដល់ម៉ោង១១និង៤៥នាទីនេះ ជនរងគ្រោះទាំង២នាក់ម្តាយកូននេះ ក្រុមសមត្ថកិច្ចមិនទាន់រកឃើញនៅឡើយទេ៕

អត្ថបទ៖ ស៊ុយ ចាន់ធា