សន្តិសុខសង្គម
កម្លាំងស្នងការដ្ឋាននគរបាលខេត្តរតនគីរី ស្វែងរកជនល្មើសឈូសដីពលរដ្ឋអស់ជាង ១ហិកតា
កម្លាំងនគរបាលនៃស្នងការដ្ឋាននគរបាលខេត្តរតនគីរី បានកំពុងស្វែងរកក្រុមជនល្មើសដែលជួលត្រាក់ទ័រលួចឈូសឆាយដីប្រជាពលរដ្ឋនៅស្រុកបរកែវ។
ការស្រាវជ្រាវនេះបានធ្វើឡើង យោងតាមពាក្យបណ្តឹងសុំអន្តរាគមន៍របស់ជនរងគ្រោះចំនួន ១០ នាក់ ដែលបានដាក់ចូលទៅកាន់ស្នងការខេត្តនាពេលថ្មីនេះ ខណ:ដែលមានជនសង្ស័យបានជួលត្រាក់ទ័រចូលមកឈូសឆាយដីជិត ១ ហិកតា ដែលជាកម្មសិទ្ធិមានដីការក្សាការពារហើយ។
ចៅក្រមសាលាដំបូងខេត្តរតនគីរីកាលពីពេលកន្លងទៅនេះ បានចុះអនុវត្តដោយគោរពតាមសាលដីការបស់សាលាឧទ្ធរណ៍លើដីទំហំសរុបជាង ៣០ ហិកតាស្ថិតនៅទីតាំងផ្សេងៗគ្នា។ តែជនល្មើសបានឈូសចូលជាង ១ ហិកតាស្ថិតភូមិតឺយ ឃុំទីងចាក់ ស្រុកបរកែវ ខេត្តរតនគីរី។
ជនរងគ្រោះជាម្ចាស់ដីចំនួន ១០ នាក់តំណាងឲ្យ ៣០ គ្រួសារបានលើកឡើងថា មានក្រុមហ៊ុនឯកជនចំនួនពីរបានមកវិនិយោគលើដំណាំកៅស៊ូនៅក្នុងស្រុកបរកែវ និងស្រុកអូរជុំក្នុងខេត្តរតនគីរីនិងបានធ្វើឲ្យប៉ះពាល់ដល់ដីប្រជាពលរដ្ឋចំនួន ៣០ គ្រួសារ ហើយសាលាឧទ្ទរណ៍បានចេញដីកាហាមឃាត់ធ្វើសកម្មភាពលើកដីនេះ។
លោក ធី ស្មៀនឃុំទីងចក់ បានឲ្យដឹងនៅថ្ងៃទី៦ ខែមីនា ឆ្នាំ២០២៣នេះ ថា មេឃុំជាអ្នកឲ្យគាត់ដាក់ត្រាក់ទ័រចូលឈូសឆាយពិតមែន។ តែការជួលត្រាក់ទ័រឈូសឲ្យឈូសយកជួលឲ្យទៅប្រជាពលរដ្ឋ។
លោកស្មៀនឃុំបានបញ្ជាក់ថា គាត់មិនបានដឹងថាដីនេះមានទំនាស់ប្តឹងផ្តល់គ្នានោះទេ ហើយពេលនេះទើបគាត់ដឹងនិងឈប់ឈូសឆាយបន្តទៀត។ លោកបញ្ជាក់ថា នៅពេលទទួលដំណឹងថាដីខាងមានដីការក្សាការពារលោកមិនបន្តឈូសឆាយទៀតទេ។
ទោះបីយ៉ាងណាអ្នកសារព័ត៌មានមិនអាចសុំការពន្យល់ពីលោកមេឃុំទីងចក់បាននៅឡើយទេ ជុំវិញការយកត្រាក់ទ័រឈូសឆាយចូលយកដីចម្ការកៅស៊ូរបស់ពលរដ្ឋអស់ជាង ១ ហិកតាទាំងថ្ងៃ។
កាលពីថ្ងៃទី១៣ ខែមិថុនា ឆ្នាំ២០១៣ លោក ឡុច ឡៅ ចៅក្រមសាលាដំបូងខេត្តរតនគីរីនិងលោក រស់ សារ៉ា បានចុះអនុវត្តដីកាសម្រេច លេខ:០៥ ក្រប/ដកសចុះថ្ងៃទី២៩ ខែមិនាឆ្នាំ២០១៣របស់សាលាឧទ្ធណ៍ ដោយមានការចូលរួមពីភាគីជនរងគ្រោះតំណាងដោយលោក លុន ស៊ីណាត ម្ខាស់ចម្ការកៅស៊ូនិងតំណាងចម្ការកៅស៊ូស្រុកបរកែវ៕
អត្ថបទ៖ វុទ្ធឦសាន
-
ព័ត៌មានអន្ដរជាតិ៥ ថ្ងៃ ago
ក្មេងស្រីហ្វីលីពីន-កូរ៉េ ដែលត្រូវសេដ្ឋីឌូបៃយកទៅចិញ្ចឹម ពេលនេះមានស្ថានភាពបែបណាហើយ?
-
ជីវិតកម្សាន្ដ៤ ថ្ងៃ ago
លេចមុខតួឯកប្រុសក្នុងរឿង “កងដៃចាំស្នេហ៍” ស្នាងភ្នួស សុំឲ្យគ្រប់គ្នាអហោសិកម្ម
-
ចរាចរណ៍៥ ថ្ងៃ ago
ករណីបុករះស្លាប់៤នាក់នៅស្ពានអាកាសឫស្សីកែវ មានម្នាក់ជានិស្សិតពូកែជំនាញស្ថាបត្យកម្ម និងនគរូបនីយវិទ្យា
-
ព័ត៌មានអន្ដរជាតិ៣ ថ្ងៃ ago
យន្តហោះក្រុមហ៊ុនអាកាសចរណ៍ Jetstar មួយគ្រឿង បុកគ្នាជាមួយរថយន្តសន្តិសុខអាកាសយាដ្ឋាន
-
ព័ត៌មានជាតិ៥ ថ្ងៃ ago
គម្រោងទឹកស្អាតធំបំផុតចាយទុនជាង ១០០ លានដុល្លារនៅបាក់ខែង គ្រោងចាប់ផ្តើមសាងសង់
-
ព័ត៌មានជាតិ២ ថ្ងៃ ago
មន្រ្តីក្រសួងបកស្រាយវីដេអូរថភ្លើងបើកលើផ្លូវជាតិ ពលរដ្ឋសង្ស័យបើកខុសបច្ចេកទេស
-
ព័ត៌មានជាតិ៥ ថ្ងៃ ago
ទឹកស្ទឹងសង្កែខាងក្រោមទំនប់សាលាតាអន រីងគោក ពលរដ្ឋប្រឈមការដឹកជញ្ជូនបើកបរកាណូតមិនបាន
-
ព័ត៌មានជាតិ១ សប្តាហ៍ ago
ក្រុមហ៊ុនឡូជីស្ទីកលំដាប់ពិភពលោក មានកប៉ាល់ដឹកទំនិញជាង៦០០ គ្រោងពង្រីកការវិនិយោគនៅកម្ពុជាបន្ថែម