សន្តិសុខសង្គម

ឃាត់ខ្លួនក្មេងទំនើង១៤នាក់ នៅស្រុកពួក ក្រោយដេញកាប់បុរសម្នាក់ឲ្យរករបួសធ្ងន់

បានផុស

២ years មុន

នៅ

ថ្ងៃចន្ទ ២០ ឧសភា ២០២៤

ដោយ

សៀមរាប ៖ ក្មេងទំនើងប្រុសស្រី ១៤ នាក់ ត្រូវបានសមត្ថកិច្ចឃាត់ខ្លួនក្រោយពីដេញកាប់បុរសជាកម្មករម្នាក់ឲ្យរងរបួសធ្ងន់។ ហេតុការណ៍បានកើតឡើង នៅវេលម៉ោង ២០និង៣០ នាទី ថ្ងៃទី១៨ ខែឧសភា ឆ្នាំ២០២៤ នៅចំណុចលើផ្លូវកៅស៊ូភូមិតាជេត ឃុំសំរោងយា ស្រុកពួក ខេត្តសៀមរាប។

លោកឧត្តមសេនីយ៍ទោ ហួត សុធី ស្នងការនគរបាលខេត្តសៀមរាប បានឲ្យដឹងនៅរសៀលថ្ងៃទីខែឧសភាឆ្នាំ២០២៤នេះថា ករណីហិង្សា ដោយចេតនាមានស្ថានទម្ងន់ទោស នេះ បង្កឡើងដោយក្រុមជនសង្ស័យ មានគ្នាប្រហែល ១៥ ទៅ ២០នាក់ជិះ ម៉ូតូប្រហែល១០គ្រឿង បានជិះដេញតាមជនរងគ្រោះ ពីចំណុចគល់ស្ពានJPA មកដល់ចំណុចកើតហេតុ ជនរងគ្រោះ បានដួលម៉ូតូបណ្តាលឱ្យបាក់ជើង រួចហើយជនសង្ស័យ ក៏បានកាប់ទៅលើជនរងគ្រោះ បន្ថែមចំបាតជើងខាងស្តាំ បណ្ដាលឲ្យរបួសធ្ងន់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកបន្តថា ជនរងគ្រោះឈ្មោះ រុន សំរេច ភេទប្រុស អាយុ ១៨ឆ្នាំ មុខរបរ កម្មករលក់ទឹកកក ក្នុងក្រុងសៀមរាប មានទីលំនៅភូមិកំភេម ឃុំកែវពណ៌ ស្រុកពួក ខេត្តសៀមរាប។

លោកបន្តថា ក្រោយកើតហេតុ កម្លាំងកម្លាំងនគរបាល អាវុធហត្ថ និងប្រជាការពារភូមិ បានចេញស្ទាក់តាមផ្លូវសំខាន់ៗ ក៏ប្រទះឃើញក្មេងទំនើងមួយក្រុម ចេញពីភូមិសាស្ត្រទឹកដី សង្កាត់ក្របីរៀល ចូលមកទឹកដីស្រុកពួក ដោយឃើញមានកាន់កាំបិតផង កម្លាំងសមត្ថកិច្ចបានសហការគ្នាស្ទាក់ឃាត់បាន នៅវេលាម៉ោង ០១យប់ថ្ងៃទី១៩ ខែឧសភាឆ្នាំ២០២៤ ចំណុចភូមិសាស្ត្រវត្តមេជ្រៃ ភូមិពាមតាអួរ ឃុំកែវពណ៌ ស្រុកពួក ខេត្តសៀមរាប។

ក្នុងប្រតិបត្តិការបង្ក្រាប សមត្ថកិច្ច បានឃាត់ខ្លួនបានចំនួន ១៤នាក់ ស្រី ០១នាក់ ម៉ូតូ ០៩គ្រឿង កាំបិតផ្គាក់ ០១ដើម។

បន្ទាប់ពីឃាត់ខ្លួនក្រុមជនសង្ស័យទាំងនោះរួចមក សមត្ថកិច្ចក៏បាននាំយកទៅសាកសួរ និងស្រាវជ្រាវរកគូកន ដើម្បីអនុវត្តនីតិតាមច្បាប់៕

ដោយ ៖ ជុន កុសល