សន្តិសុខសង្គម

រថយន្តបុកម៉ូតូ ស្លាប់មនុស្ស ២ នាក់ នៅស្រុកជីក្រែង

បានផុស

៩ ខែ មុន

នៅ

ថ្ងៃអាទិត្យ ១៤ កក្កដា ២០២៤

ដោយ

រថយន្តម៉ាក ford មួយគ្រឿង ដឹកអ្នកដំណើរបោះពួយលឿនបុកម៉ូតូ ក្នុងទិសដៅច្រាសគ្នា បណ្ដាលឲ្យមនុស្សចំនួន ២ នាក់ ស្លាប់នៅនឹងកន្លែង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ហេតុការណ៍ដ៏រន្ធត់នេះ បានកើតឡើងកាលពីវេលាម៉ោង ២០ និង ៣០ នាទី ថ្ងៃទី ១៣ ខែកក្កដា ឆ្នាំ ២០២៤ ម្សិលមិញ នៅលើផ្លូវជាតិលេខ ៦ ភូមិថ្នល់កែង ឃុំស្ពានត្នោត ស្រុកជីក្រែង ខេត្តសៀមរាប។

សមត្ថកិច្ចបានឲ្យដឹងថា ករណីគ្រោះថ្នាក់ចរាចរណ៍នេះ រវាងរថយន្តម៉ាកហ្វត ពាក់ស្លាកលេខភ្នំពេញ 2BT- 8024 ទិសដៅពីកើតទៅលិច និង ម៉ូតូម៉ាក C125 ពាក់ស្លាកលេខភ្នំពេញ 1KH -8098 ទិសដៅពីលិចទៅកើត (បញ្ច្រាសទិសគ្នា) បណ្តាលឲ្យស្លាប់មនុស្សចំនួន ០២ នាក់។

សមត្ថកិច្ចបានបន្តថា ជនរងគ្រោះទី ១-ឈ្មោះ ធំ ផល្លី ភេទប្រុស អាយុ ៣២ ឆ្នាំ ទីលំនៅភូមិរកា ឃុំកំពង់ក្តី ស្រុកជីក្រែង អ្នករួមដំណើរ (ស្លាប់)។ ទី ២-ឈ្មោះ អ៊ុយ ឆើត ភេទប្រុស អាយុ ២៤ ឆ្នាំ ទីលំនៅភូមិអូរខ្លុង ឃុំពង្រក្រោម ស្រុកជីក្រែង អ្នកបើកបរម៉ូតូ (ស្លាប់)។ ចំណែកឯអ្នកបើកបររថយន្ត បានរត់គេចខ្លួនបាត់ស្រមោលតែម្ដង។

ចំពោះករណីនេះដែរ សមត្ថកិច្ចជំនាញ កំពុងស្រាវជ្រាវបន្ត។ ដោយឡែកវត្ថុតាងរថយន្ត និងម៉ូតូ ត្រូវបានយកមករក្សាទុកនៅអធិការនគរបាលស្រុកជីក្រែង ដើម្បីចាត់ការទៅតាមផ្លូវច្បាប់៕

អត្ថបទ ៖ ជុន កុសល