សន្តិសុខសង្គម

ប្តីប្រពន្ធឌុបគ្នាទៅមន្ទីរពេទ្យ ដើម្បីសម្រាលមិនទាន់ដល់ផង ប្រពន្ធក៏សម្រាលលើម៉ូតូផ្អើលប្រជាពលរដ្ឋជួយ

បានផុស

២ years មុន

នៅ

ថ្ងៃព្រហស្បតិ៍ ១៨ កក្កដា ២០២៤

ដោយ

ភ្នំពេញ ៖ ប្តីប្រពន្ធមួយគូរ ជិះម៉ូតូដឹកគ្នាទៅមន្ទីរ ដើម្បីសម្រាលកូន តែមិនទាន់ទៅមន្ទីរពេទ្យផង ស្ត្រីជាប្រពន្ធបានសម្រាលនៅលើម៉ូតូ បង្កភ្ញាក់ផ្អើលដល់បងប្អូនប្រជាពលរដ្ឋ នាំគ្នាជួយសង្គ្រោះបឋម។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ហេតុការណ៍នេះបង្កភ្ញាក់ផ្អើលកាលពីវេលាម៉ោង ០២ នឹង ២០នាទីរសៀលថ្ងៃទី១៨ ខែកក្កដា ឆ្នាំ២០២៤ ស្ថិតនៅតាមបណ្តោយផ្លូវជាតិលេខ០២ ក្នុងសង្កាត់ចាក់អង្រែលើ ខណ្ឌមានជ័យ រាជធានីភ្នំពេញ។

តាមប្រភពព័ត៌មានពីបុរសជាប្តីបានប្រាប់ឱ្យដឹងថា គាត់កំពុងធ្វើសំណង់ដូចសព្វមួយដង នៅការដ្ឋានមួយកន្លែងខណៈនោះគាត់ទទួលបានទូរស័ព្ទពីប្រពន្ធថា ប្រពន្ធគាត់ជិតគ្រប់ខែហើយ ។ លុះភ្លាមៗ គាត់បានសុំច្បាប់មេ ទៅយកប្រពន្ធដើម្បីយកទៅសម្រាលនៅមន្ទីរពេទ្យ ប៉ុន្តែនៅពេល កំឡុងពេលឌុបប្រពន្ធ ធ្វើដំណើរទៅមន្ទីរពេទ្យ ក៏ស្រាប់តែ ប្រពន្ធរបស់គាត់ឈឺពោះសម្រាលកូនលើម៉ូតូបាត់ទៅហើយ។ ទើបភ្លាមៗនោះ គាត់ឈប់ម៉ូតូនៅលើចិញ្ចើមផ្លូវ អោយបងប្អូនប្រជាពលរដ្ឋ នាំគ្នាជួយសង្គ្រោះ នឹងបន្តទាក់ទងទៅរថយន្តសង្គ្រោះ។

ក្រោយកើតហេតុ ម្តាយនឹងកូនប្រុស ត្រូវបានក្រុមគ្រូពេទ្យដឹកយកទៅមណ្ឌលសុខភាពចាក់អង្រែ ដើម្បីមើលថែទាំអោយទារកមានសុខភាពល្អផងដែរ៕

អត្ថបទ ៖ រដ្ឋា