កីឡា
ប្រតិភូ គ្រូបង្វឹក និងអត្តពលិកប៉េតង់១២នាក់ ចូលរួមការប្រកួតជើងឯកពិភពលោក នៅអេស្ប៉ាញ
សហព័ន្ធកីឡាប៉េតង់ និងប៊ូលកម្ពុជា នឹងបញ្ជូនគណៈប្រតិភូ គ្រូបង្វឹក និងកីឡាករ-កីឡាការិនីចំនួន១២នាក់ ទៅចូលរួមព្រឹត្តិការណ៍ការប្រកួតជើងឯកប៉េតង់ពិភពលោក “The 2021 World Triplets Precisions Shooting Champion ships” ដោយមានការរៀបចំឡើងចំនួន ៣ ជើងឯកពិភពលោកចូលគ្នាតែម្តង នៅទីក្រុង Santa ប្រទេសអេស្ប៉ាញ ដែលនឹងប្រព្រឹត្តទៅចាប់ពីថ្ងៃទី១២ ដល់ ថ្ងៃទី២១ ខែវិច្ឆិកា ឆ្នាំ២០២១។
លោក អ៊ឹម ផាត គ្រូបង្វឹកបុរសបានប្រាប់ឲ្យដឹងថា ការប្រកួតប្រទេសអេស្ប៉ាញបែង ចែកចេញជា ៣ព្រឹត្តិការណ៍ គឺនារី បុរស និងយុវជន ចំណែកកម្ពុជាយើងត្រៀមនឹងបញ្ជូនតែ២ប្រភេទទេ គឺបុរស និងនារី លើ២វិញ្ញាសា ៣ទល់៣ និងវាយយកពិន្ទុ ក្រោមការដឹកនាំដោយលោក សុខ សប្បាយណា ជាប្រធានប្រតិភូ និងលោក អ៊ិន គឹមស្រ៊ុន អនុប្រធានប្រតិភូ។ លោកគ្រូបង្វឹករូបនេះបន្តថា ចំពោះកីឡា ករមានចំនួន៤នាក់ គឺមានកីឡាករ សុខ ចាន់មាន កីឡាករ ថោង ឈឿន កីឡាករ ញ៉ែម បូរ៉ា និងកីឡាករ ស៊ីន វង។ ចូលរួមប្រកួតបុរសលើ២វិញ្ញាសា ៣នាក់ទល់៣ នាក់ គឺកីឡាករ សុខ ចាន់មាន កីឡាករ ថោង ឈឿន កីឡាករ ញ៉ែម បូរ៉ា និងកីឡាករ ស៊ីន វង ហើយវិញ្ញាសាវាយយកពិន្ទុគឺកីឡាករ សុខ ចាន់មាន ដោយសារកីឡាករ សុខ ចាន់មាន ជាអតីតម្ចាស់មេដាយមាសពិភពលោកកាលពីឆ្នាំ២០១៦ លើវិញ្ញាសាវាយយកពិន្ទុ។
![](https://www.kampucheathmey.com/wp-content/uploads/2021/11/IMG_20211102_123636-1024x682.jpg)
លោក សុខ ម៉ុង គ្រូបង្វឹកផ្នែកនារី ក៏បានប្រាប់ឲ្យដឹងដែរថា កីឡាការិនីមានចំនួន៤នាក់ គឺមានកីឡាការិនី អ៊ុក ស្រីមុំ កីឡាការិ នី អ៊ុន ស្រីយ៉ា កីឡាការិនី ស្រ៊ាង សុរ៉ាឃីម និងកីឡាការិនី ឃួន យ៉ារី។ ចំពោះនារីប្រកួតលើ២វិញ្ញាសា គឺ៣នាក់ទល់៣នាក់ គឺកីឡាការិនី អ៊ុក ស្រីមុំ កីឡា ការិនី អ៊ុន ស្រីយ៉ា កីឡាការិនី ស្រ៊ាង សុរ៉ាឃីម និងកីឡាការិនី ឃួន យ៉ារី។ បញ្ជាក់ កីឡាការិនី អ៊ុក ស្រីមុំ ជាអតីតម្ចាស់មេ ដាយមាសពិភពលោកលើវិញ្ញាសានារី១ នាក់ទល់១នាក់។
![](https://www.kampucheathmey.com/wp-content/uploads/2021/11/IMG_20211102_123642-1024x682.jpg)
គួររម្លឹកថា កម្ពុជាដណ្តើមបានមេដាយ មាសកម្រិតពិភពលោកជាច្រើនគ្រឿងមកហើយ ដូចជាវីរកីឡាការិនី កែ ឡេង ម្ចាស់មេដាយមាសពិភពលោក៣ជំនាន់ កីឡា ការិនី អ៊ុក ស្រីមុំ ម្ចាស់មេដាយមាសពិភព លោក កីឡាករ សុខ ចាន់មាន ម្ចាស់មេ ដាយមាសពិភពលោក វិញ្ញាសានារី៣នាក់ទល់៣នាក់ ម្ចាស់មេដាយសំរិទ្ធនៅប្រទេសចិន វិញ្ញាសាចម្រុះបុរស និងនារី ម្ចាស់មេ ដាយប្រាក់គឺកីឡាករ ញ៉ែម បូរ៉ា និងកីឡាការិនី ស្រ៊ាង សុរ៉ាឃីម និងវិញ្ញាសាបុរស ៣នាក់ទល់៣នាក់ធ្លាប់ឡើងដល់វគ្គ៨ ក្រុម៕
អត្ថបទ៖ វិសិទ្ធ
-
សន្តិសុខសង្គម៧ ថ្ងៃ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
សន្តិសុខសង្គម៧ ថ្ងៃ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម៧ ថ្ងៃ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៦ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ៧ ថ្ងៃ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+៤ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
សេដ្ឋកិច្ច៣ ថ្ងៃ ago
ការវិនិយោគរបស់ក្រុមហ៊ុនជប៉ុន កំពុងជួយរុញឱ្យកំណើនសេដ្ឋកិច្ចកម្ពុជាកាន់តែងើបឡើងបន្ថែមទៀត
-
ព័ត៌មានជាតិ១ ថ្ងៃ ago
អ្នកនាំពាក្យទទូចដល់អ្នកប្រើបណ្តាញសង្គមបញ្ឈប់ចែកចាយជាបន្ទាន់ និងលុបចេញរាល់មាតិកាដែលពាក់ព័ន្ធឃាតកម្មឃោរឃៅ