កីឡា
Beckham ផ្តល់គណនី Instagram មានអ្នកគាំទ្រជាង៧១លាននាក់ដល់វេជ្ជបណ្ឌិតនៅអ៊ុយក្រែន
កាលពីថ្ងៃអាទិត្យ ទី២០ ខែមីនា អតីតតារាបាល់ទាត់ឆ្នើម David Beckham បានប្រកាសថា លោកបានកំពុងផ្តល់គណនី Instagram របស់ខ្លួនទៅឲ្យវេជ្ជបណ្ឌិតអ៊ុយក្រែន អ្នកស្រី Iryna សម្រាប់ពេលវេលានៃការរំលេចការងារដ៏អស្ចារ្យដែលវេជ្ជបណ្ឌិតដ៏ល្អ និងបុគ្គលិកសុខាភិបាលកំពុងជួយសង្គ្រោះអាយុជីវិតមនុស្សអំឡុងពេលការវាយប្រហាររបស់រុស្ស៊ី។
អ្នកស្រីវេជ្ជបណ្ឌិត Iryna បានចែករំលែករឿងរ៉ាវ និងរូបភាពដ៏សោកសង្វេគអំពីការងាររបស់អ្នកស្រីជាមួយនឹងស្ត្រីមានផ្ទៃពោះ អ្នកម្តាយថ្មី និងទារកនៅមន្ទីរពេទ្យកុមារ Perinatal ប្រចាំតំបន់នៅទីក្រុងកៀវ។
ជុំវិញរឿងរ៉ាវលើ Instagram ជាច្រើន អ្នកស្រីបានបង្ហាញពីបន្ទប់ក្រោមដីដ៏តូចចង្អៀតដែលស្ត្រីមានផ្ទៃពោះ និងអ្នកម្តាយថ្មីទាំងអស់ត្រូវបានជម្លៀសចេញនៅថ្ងៃទី១នៃវិបត្តិផ្ទុះឡើង។ ក្រុមវេជ្ជបណ្ឌិតកំពុងព្យាបាលទារកនៅក្នុងបន្ទប់សង្គ្រោះបន្ទាន់ ហើយរឿងរ៉ាវផ្ទាល់ខ្លួនដូចជាអ្នកស្រី Yana និងកូនប្រុសទើបកើតឈ្មោះ Mykhailo ដែលបានសម្រាលក្នុងថ្ងៃទី២នៃសង្គ្រាមផ្ទុះឡើងដែលមានបញ្ហាដង្ហើម។
អ្នកស្រី Iryna បាននិយាយថា ៖«ថ្ងៃទី១គឺពិតជាពិបាកខ្លាំងណាស់។ យើងខ្ញុំបានជួបថាតើធ្វើការយ៉ាងណានៅពេលមានការទម្លាក់គ្រាប់បែក និងការវាយប្រហារពីអាកាស។ វាមានរយៈពេល៣ម៉ោងជាមួយគ្នាដ៏រន្ធត់។ ជាអកុសល យើងមិនអាចយកចេញទារកដែលកំពុងព្យាបាលនៅបន្ទប់សង្គ្រោះបន្ទាន់ក្រោមដីបានទេ ពីព្រោះពួកគេត្រូវការឧបករណ៍ជំនួយជីវិត»។
អ្នកស្រីបានបន្ថែមថា ៖«យើងខ្ញុំប្រហែលជាប្រឈមនឹងហានិភ័យនៃជីវិតរបស់ពួកយើង ប៉ុន្តែយើងមិនគិតទាំងស្រុងនោះទេ។ យើងខ្ញុំស្រឡាញ់ការងារ… ក្រុមវេជ្ជបណ្ឌិត និងគិលានុប្បដ្ឋាកនៅទីនេះ យើងព្រួយបារម្ភ យើងយំ តែគ្មាននរណាម្នាក់ក្នុងចំណោមពួកយើងបោះបង់ចោលទេ»។
នៅក្នុងចំណងជើងលើ Instagram អតីតតារាបាល់ទាត់ឆ្នើមអាយុ៤៦ឆ្នាំបានសរសេរថា ៖«ថ្ងៃនេះ ខ្ញុំកំពុងផ្តល់ឲ្យគណនីសង្គមរបស់ខ្ញុំទៅឲ្យអ្នកស្រី Iryna ប្រធានមន្ទីរពេទ្យកុមារ Perinatal នៅទីក្រុងកៀវ ដែលជាកន្លែងអ្នកស្រីកំពុងជួយស្ត្រីសម្រាលកូន»។
ឯកអគ្គរដ្ឋទូត UNICEF តាំងពីឆ្នាំ២០០៥ ក៏បានជំរុញឲ្យអ្នកគាំទ្ររបស់លោកចំនួន៧១.៥លាននាក់ផ្តល់នូវអ្វីដែលពួកគេអាចគាំទ្រដល់កិច្ចខិតខំប្រឹងប្រែងនៅប្រទេសអ៊ុយក្រែន។ «អរគុណដល់ជំនួយរបស់លោកអ្នក ឧបករណ៍អ៊ុកស៊ីសែនដែលពួកគេទទួលបានគឺកំពុងជួយសង្គ្រោះទារកក្នុងស្ថានភាពដ៏រន្ធត់»៕
ប្រែសម្រួល៖ វីរបុត្រ
ប្រភព៖ CNA
-
សន្តិសុខសង្គម៦ ថ្ងៃ agoទុរេនរាប់តោននៅផ្សារភូពុយ អនុញ្ញាតឱ្យបន្តលក់ ក្រោយមន្ត្រីជំនាញប្រមូលសំណាក និងសាកសួរប្រភពនាំចូល
-
សេដ្ឋកិច្ច៤ ថ្ងៃ agoរដ្ឋាភិបាលហាមឃាត់ក្រុមហ៊ុនផលិតស្រា និងភេសជ្ជៈផ្ដល់រង្វាន់តាមក្រវិលកំប៉ុង ចាប់ពីដើមខែតុលា ឆ្នាំនេះ
-
ព័ត៌មានជាតិ៣ ថ្ងៃ agoក្រសួងវប្បធម៌ ព្រមានចាត់វិធានការច្បាប់លើជនដែលនៅតែបន្តកែច្នៃ ប្រើគ្រឿងលម្អយកគំរូគ្រឿងឥស្សរិយយស«ព្រះរាជមហាកណ្ឋាភណ្ឌគ្រងរាជសម្បត្តិ»
-
ព័ត៌មានជាតិ៥ ថ្ងៃ agoអ្នកជំនាញ ទាញសញ្ញាបន្ទាត់ក្រហម វិបត្តិនយោបាយផ្ទៃក្នុងថៃអាចផ្ទេរមកជម្លោះព្រំដែនសារជាថ្មី
-
ព័ត៌មានជាតិ៦ ម៉ោង agoក្រសួងសុខាភិបាល ត្រៀមបង្ការ និង ទប់ស្កាត់ការនាំចូលជំងឺឆ្លង ហាន់តា នៅអាកាសយានដ្ឋានអន្តរជាតិតេជោ
-
ព័ត៌មានជាតិ៣ ថ្ងៃ agoថៃលុបMoU 2001៖ សម្ដេចតេជោប្រាប់ថៃថា កុំបបួលកម្ពុជាចរចាទ្វេភាគីទៀត ត្រូវដឹកដៃគ្នាទៅរកយន្តការអន្តរជាតិ
-
ព័ត៌មានជាតិ៦ ម៉ោង agoប្រព័ន្ធហ្វឹកហ្វឺនអាវុធជាអំណោយរបស់ឥណ្ឌា នឹងរួមចំណែកលើកកម្ពស់សមត្ថភាពកងទ័ពជើងគោកកម្ពុជា
-
កីឡា៣ ថ្ងៃ agoអ្នកគាំទ្រប្រមាណ ៧ ពាន់នាក់ទស្សនាការប្រកួតមិត្តភាព រវាងក្រុមតារាកម្ពុជា និងសសយក ខេត្តបន្ទាយមានជ័យ