Connect with us

កីឡា

កីឡាសិស្សបឋមសិក្សាថ្នាក់ជាតិ ប្រកួតឡើងវិញក្រោយខកខាន ២ឆ្នាំ

បានផុស

នៅ

បន្ទាប់ពីខកខានរៀបចំការប្រកួតរយៈពេល ២ ឆ្នាំដោយសារកូវីដ-១៩ កីឡាសិស្សបឋមសិក្សាថ្នាក់ជាតិ បានត្រលប់មកដំណើរការឡើងវិញ ជាមួយនឹងកីឡាចំនួន ៨ ប្រភេទដាក់ឱ្យប្រកួត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅក្នុងកិច្ចប្រជុំ ព្រឹកថ្ងៃទី២៩ ខែមេសា ឆ្នាំ២០២២ នៅមជ្ឈមណ្ឌលជាតិហ្វឹកហ្វឺនកីឡា ស្តីពីការរៀបចំការប្រកួតកីឡាសិស្សបឋមសិក្សាថ្នាក់ជាតិ ឆ្នាំ២០២២ លោក សុខ សប្បាយណា បានកោតសរសើរ និងវាយតម្លៃខ្ពស់ចំពោះការខិតខំរៀបចំត្រៀមលក្ខណៈ ការប្រកួតនេះយ៉ាងយកចិត្តទុកដាក់ខ្ពស់។

លោក ហួត សេងទ្រី ប្រធាននាយកដ្ឋានរៀបចំ និងគ្រប់គ្រងព្រឹត្តិការណ៍កីឡា នៃក្រសួងអប់រំ យុវជន និងកីឡា បានគូសបញ្ជាក់ថា គោលបំណងចម្បងនៃការប្រកួតកីឡាសិស្សបឋមសិក្សាថ្នាក់ជាតិនេះ ត្រូវបានចាត់ទុកថា ជាការប្រមូលផ្ដុំកីឡាករ កីឡាការិនីជាសិស្សានុសិស្ស ដែលស្រឡាញ់វិស័យកីឡាឱ្យមានឱកាសបានចូលរួមប្រកួតប្រជែង ចែករំលែកបទពិសោធន៍ បង្កើនភាពសប្បាយរីករាយ ពង្រឹងកាយសម្បទាមាំមួន បង្កើនកម្លាំង បញ្ញាស្មារតីឈ្លាសវៃ និងជៀសផុតពីអំពើអសកម្មផ្សេងៗនៅក្នុងសង្គម។

ប្រធាននាយកដ្ឋានរៀបចំ និងគ្រប់គ្រងព្រឹត្តិការណ៍កីឡារូបនេះ បានលើកបង្ហាញពីការជំរុញឱ្យកីឡាករ កីឡាការិនី ជាសិស្សបឋមសិក្សាអាចនឹងក្លាយជាថ្នាលនៃមូលដ្ឋានគ្រឹះ ក្នុងការបន្តអភិវឌ្ឍសមត្ថភាពស្របតាមទេពកោសល្យ ព្រមទាំងអាចឈានដល់ការចូលរួមប្រមូលផ្ដុំជាមួយក្រុមជម្រើសជាតិកម្ពុជា នាថ្ងៃអនាគត។

គួរបញ្ជាក់ថា ការប្រកួតកីឡាសិស្សបឋមសិក្សាថ្នាក់ជាតិ ឆ្នាំ២០២២ នឹងប្រព្រឹត្តទៅរយៈពេល ៩ ថ្ងៃ ចាប់ពីថ្ងៃទី២៩ ខែមេសា ដល់ថ្ងៃទី៨ ខែឧសភា ឆ្នាំ២០២២ នៅរាជធានីភ្នំពេញ ដែលបានកំណត់យកប្រភេទកីឡាសក្តានុពលចំនួន ៨ រួមមាន កីឡាបាល់ទាត់ បាល់ទះ បាល់បោះ អត្តពលកម្ម វាយសី វាយកូនឃ្លីលើតុ តេក្វាន់ដូ WT និងតេក្ចាន់ដូ IFT ស្មើនឹង ៣៤ វិញ្ញាសា សរុប ៤២៩ មេដាយ ដែលមានប្រតិភូ គ្រូបង្វឹក កីឡាករ កីឡាការិនីចូលរួមប្រកួតសរុប ១ ៦៧៧ នាក់ មកពី ២៥ រាជធានីខេត្ត៕

អត្ថបទ៖ មន្នីរ័ត្ន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ១២ នាទី មុន

កម្ពុជា នឹងទទួលបន្ទុកការចំណាយទាំងអស់ ប្រសិនបើមានការចរចាសម្រេច COC នៅភ្នំពេញ

ព័ត៌មានជាតិ១២ នាទី មុន

សម្ដេចតេជោ​ អំពាវនាវ​ឱ្យពលរដ្ឋ​ និង​គណបក្សនយោបាយ​​ឃោសនា​រកសំឡេង​ឆ្នោត​ដោយថ្លៃថ្នូរ​ គ្មានអំពើហិង្សា

ព័ត៌មានអន្ដរជាតិ៣៣ នាទី មុន

លោក Zelensky ៖ ពិភពលោកកំពុងគិតខុសលើ អ៊ុយក្រែន ថានឹងត្រូវ រុស្ស៊ី កម្ទេចរយៈពេល ៣ ថ្ងៃ

ព័ត៌មានអន្ដរជាតិ៣៦ នាទី មុន

អាមេរិក​​ហៅ​​​ដំណើរ​​ទស្សន​កិច្ច​​របស់​​ប្រធាន​​សិទ្ធិ​មនុស្ស​ UN​ ទៅ​​ចិន​​​ជា​​កំហុស​​ឆ្គង

ព័ត៌មានជាតិ៣៩ នាទី មុន

សម្ដេចតេជោ ហ៊ុន សែន ត្រៀមចាកចេញពីប្រទេសស្វីស វិលត្រឡប់មក កម្ពុជា នៅថ្ងៃនេះ

Sokha Hotels

ព័ត៌មានពេញនិយម