កីឡា
CAMSOC ជំរុញបំផ្ទុះប្រព័ន្ធផ្សព្វផ្សាយ ដំណើរឆ្ពោះទៅស៊ីហ្គេម-អាស៊ានប៉ារ៉ាហ្គេម ឆ្នាំ ២០២៣
នៅពហុកីឡដ្ឋានជាតិមរតកតេជោ នាព្រឹកថ្ងៃទី ០៧ ខែឧសភា ឆ្នាំ ២០២២ មានការរៀបចំសន្និសីទសារព័ត៌មាន ស្តីពីដំណើរឆ្ពោះទៅព្រឹត្តិការណ៍ SEA-Games & ASEAN PARA-Games ឆ្នាំ២០២៣ ដោយមានការអញ្ជើញចូលរួមពីសំណាក់ឯកឧត្តម ខៀវ កាញារីទ្ធ រដ្ឋមន្ត្រីក្រសួងព័ត៌មាន, ឯកឧត្តម វ៉ាត់ ចំរើន អគ្គលេខាធិការ នៃគណៈកម្មាធិការជាតិអូឡាំពិកកម្ពុជា និងជាអគ្គលេខាធិការ CAMSOC និងភាគីពាក់ព័ន្ធដទៃទៀត។
ជាមួយគ្នានេះផងដែរ ក្រសួងព័ត៌មាន ក៏ដូចជាគណៈកម្មាធិការជាតិរៀបចំការប្រកួតកីឡាអាស៊ីអាគ្នេយ៍ លើកទី ៣២ នៅកម្ពុជា បានជំរុញប្រព័ន្ធផ្សព្វផ្សាយក្នុងស្រុកទាំងអស់ ឱ្យបំផ្ទុះការផ្សព្វផ្សាយដំណើរឆ្ពោះទៅស៊ីហ្គេម-អាស៊ានប៉ារ៉ាហ្គេម ឆ្នាំ ២០២៣ ដែលកម្ពុជាធ្វើជាម្ចាស់ផ្ទះ។
ឯកឧត្តម ខៀវ កាញារីទ្ធ រដ្ឋមន្ដ្រីក្រសួងព័ត៌មាន បានជំរុញឲ្យស្ថានីយវិទ្យុ ទូរទស្សន៍ និងប្រព័ន្ធផ្សព្វផ្សាយទាំងអស់ ចូលរួមផ្សព្វផ្សាយអំពីដំណើរឆ្ពោះទៅការប្រកួតកីឡាស៊ីហ្គេម និងអាស៊ានប៉ារ៉ាហ្គេម ឆ្នាំ ២០២៣ ឲ្យបានផុសផុលបំផុត ដើម្បីជំរុញព្រឹត្តិការណ៍ជាប្រវត្តិសាស្ដ្រនៅកម្ពុជានេះ ឲ្យទទួលបានជោគជ័យទាំងអស់គ្នា។
«ស៊ីហ្គេម ឆ្នាំ២០២៣ កម្ពុជាយើងបានរង់ចាំអស់ ៦៤ ឆ្នាំ អ៊ីចឹងមានន័យថា ជាព្រឹត្តិការណ៍ស៊ីហ្គេមប្រចាំជីវិត ព្រោះ ៦៤ ឆ្នាំ យើងទើបធ្វើម្ចាស់ផ្ទះបានម្ដងនេះ។ អាចថា មួយជីវិតយើងបានស្គាល់តែម្ដងប៉ុណ្ណោះនៅស្រុកខ្មែរយើង។ អ៊ីចឹងវាជាព្រឹត្តិការណ៍ប្រវត្តិសាស្ដ្រប្រចាំជីវិតរបស់យើង។ យើងត្រូវនាំគ្នាធ្វើឲ្យបានល្អបំផុត»។ ឯកឧត្តម ខៀវ កាញារីទ្ធ បានសង្កត់ធ្ងន់។
ឯកឧត្តម វ៉ាត់ ចំរើន ក៏បានបញ្ជាក់បន្ថែមផងដែរជុំវិញគំនិតនៅក្នុងការផ្សព្វផ្សាយ ដោយផ្ដោតសារៈសំខាន់ស៊ីហ្គេម ហើយធ្វើយ៉ាងណាឱ្យទាក់ទាញ។ «នៅក្នុងព្រឹត្តិការណ៍ប្រទេសនីមួយៗ ទីក្រុងនីមួយៗ ដែលធ្វើម្ចាស់ផ្ទះគឺជាពេលវេលា ជាឱកាសដ៏កម្រមួយ ដែលគេស្វែងរកកេរ្តិ៍ឈ្មោះ ដែលយើងហៅថា ‘Games Legacy’ គឺសំដៅទៅលើកេរ្តិ៍ឈ្មោះម្ចាស់ផ្ទះនៃហ្គេមនីមួយៗឡើងមួយកម្រិត ទៅកម្រិតអន្តរជាតិ កម្រិតពិភពលោក»។ ប្រសាសន៍របស់ឯកឧត្តម។
ដោយឡែក ឯកឧត្តម ផុស សុវណ្ណ ប្រតិភូរាជរដ្ឋាភិបាលកម្ពុជា ទទួលបន្ទុកជាអគ្គនាយកនៃអគ្គនាយកដ្ឋានព័ត៌មាន និងសោតទស្សន៍ និងជាប្រធានគណៈកម្មការព័ត៌មាន និងផ្សព្វផ្សាយ នៃគណៈកម្មាធិការជាតិ CAMSOC ក៏បានបង្ហើបពីគម្រោងរៀបចំវគ្គបណ្ដុះបណ្ដាលសារព័ត៌មាន ពិសេសពិធីករ-ពិធីការិនី និងអ្នកសារព័ត៌មានកីឡា ដើម្បីបានស្វែងយល់កាន់តែច្បាស់អំពីប្រភេទកីឡានីមួយៗ ហើយធ្វើការផ្សព្វផ្សាយប្រកបដោយក្រមសីលធម៌ និងវិជ្ជាជីវៈ ក្នុងន័យលើកកម្ពស់កីឡាករ-កីឡាការិនី និងកិច្ចខិតខំប្រឹងប្រែង ដើម្បីឆ្ពោះទៅរកភាពជោគជ័យទាំងអស់គ្នា នាឆ្នាំ២០២៣ ផងដែរ៕
អត្ថបទ៖ មន្នីរ័ត្ន
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៧ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៧ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង
-
ព័ត៌មានអន្ដរជាតិ១ សប្តាហ៍ ago
ថ្ងៃពិសេសកូនប្រុសម្ដង ភរិយាសេដ្ឋី Ambani ពាក់គ្រឿងអលង្ការតម្លៃ ៦៦.៥ លានដុល្លារបង្អួតភ្នែកមហាជន