កីឡា
បង្ហើបដំណឹង អ្នកបន្តវេនដឹកនាំក្លិបភ្នំពេញក្រោន ជំនួសឧកញ៉ា ឬទ្ធី សំណាង
លោកជំទាវ ភូ ឈាលីន ភរិយាលោកឧកញ៉ា ឬទ្ធី សំណាង អតីតប្រធានក្លិបបាល់ទាត់ភ្នំពេញក្រោន អាចនឹងចូលមកដឹកនាំក្លិបរហស្សនាម សឹង្ហក្រហម បន្តពីស្វាមីដែលបានទទួលមរណភាពកាលពីថ្ងៃទី១១ ខែឧសភា ឆ្នាំ២០២២ កន្លងទៅដោយរោគគាពាធ។
កាលពីល្ងាចថ្ងៃទី១៦ ខែឧសភា ឆ្នាំ២០២២ លោកជំទាវ ភូ ឈាលីន រួមទាំងក្រុមគ្រួសារ និងអ្នកគាំទ្រជាច្រើន បានចូលរួមក្នុងការគោរពវិញ្ញាណក្ខន្ធ លោកឧកញ៉ា នៅកីឡដ្ឋាន Smart RSN ជាទីដែលលោកបង្កើតឱ្យមានកីឡដ្ឋានបាល់ទាត់នៅទីនេះផ្ទាល់ ក៏ដូចជាបណ្ដុះកីឡាករល្អៗជាច្រើន។
នៅក្រោយបញ្ចប់ការគោរពវិញ្ញាណក្ខន្ធរបស់លោកឧកញ៉ាតំណាងលោកជំទាវ បានបញ្ជាក់ថានឹងបន្តកេរដំណែលរបស់លោកឧកញ៉ា ឬទ្ធី សំណាង។ បន្ថែមលើសពីនេះអ្នកស្នេហាវិស័យកីឡាបាល់ទាត់ ជាពិសេសអ្នកគាំទ្រក្លិប បានសម្ដែងការគាំទ្រដល់លោកជំទាវ ភូ ឈាលីន ក្នុងការឱ្យដឹកនាំក្លិប ដើម្បីបន្តបង្កើតប្រវត្តិសាស្ត្របន្ថែមទៀត។ យ៉ាងណាមិញក្លិបមិនទាន់បញ្ជាក់ច្បាស់ថាប្រធានក្លិបថ្មីជាអ្នកណានៅឡើយនោះទេ ដោយអាចរង់ចាំរហូតដល់ចប់សព្វគ្រប់កម្មវិធីបុណ្យរបស់លោកឧកញ៉ានាពេលដ៏ខ្លីខាងមុខ។
ករណីនេះ ប្រសិនបើលោកជំទាវពិតជាប្រកាសថានឹងបន្តធ្វើជាប្រធានក្លិបជាផ្លូវការ នោះបានន័យថានៅកម្ពុជា មានក្លិបចំនួន ៣ហើយ ដែលមានប្រធានក្លិបជាស្ត្រី ពោលគឺបន្ទាប់ពីក្លិបបឹងកេត មានលោកស្រី ពុធ ធីតា ជាប្រធាន និងក្លិបវិសាខា មានលោកជំទាវ កែវ សួនសុភី ជាប្រធានក្លិប។
គួររំឮកថា លោកឧកញ៉ា ឬទ្ធី សំណាង ប្រធានក្លិបក្លិបបាល់ទាត់ភ្នំពេញក្រោន បានទទួលអនិច្ចកម្ម វេលាម៉ោង ៨:១០នាទីព្រឹកថ្ងៃទី១១ ខែឧសភា ឆ្នាំ២០២២ នេះដោយរោគាពាធ ខណៈមរណភាពរបស់រូបលោកត្រូវបានអ្នកស្នេហាវិស័យបាល់ទាត់កម្ពុជា សម្ដែងការសោកស្ដាយជាខ្លាំង ដ្បិតលោកបានរួមចំណែកក្នុងវិស័យនេះច្រើនលើសពីការរំពឹងទុក។
នេះជាការបាត់បង់ដ៏ធំធេងមួយសម្រាប់បាល់ទាត់ជាតិ នូវបុរសដែលត្រូវបានគេចាត់ទុកថាមានឆន្ទះ និងស្រលាញ់វិស័យកីឡាបាល់ទាត់ ចង់រួមចំណែកអភិវឌ្ឍន៍បាល់ទាត់កម្ពុជាពិតៗ យ៉ាងសស្រាក់សស្រាំអស់រយៈពេលច្រើនជាង ១០ឆ្នាំមកនេះ ចាប់តាំងពីលោកចូលមកគ្រប់គ្រងក្លិបបាល់ទាត់ភ្នំពេញក្រោន នៅឆ្នាំ២០០៨៕
អត្ថបទ៖ មន្នីរ័ត្ន
-
ព័ត៌មានជាតិ៣ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ១៥ ម៉ោង ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ៦ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៦ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៥ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សន្តិសុខសង្គម២ ថ្ងៃ ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
សន្តិសុខសង្គម២២ ម៉ោង ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល
-
ព័ត៌មានជាតិ១ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ