កីឡា
សុខ ធី ទទួលបានប្រាក់ជាង១សែនបាតពីការប្រកួតឈ្នះថៃកាលពីយប់ថ្ងៃចន្ទ
អ្នកលេងគុនខ្មែរ សុខ ធី ហៅ កាកា ទទួលបានប្រាក់តម្លៃខ្លួន និងប្រាក់ឧបត្ថម្ភផ្សេងជាង១សែនបាត បន្ទាប់ពីបានប្រកួតឈ្នះកីឡាករថៃ ផេតហ្វូកាស អែតសាន់ប៉ាតង ក្នុងកម្មវិធី U Muay នៅសង្វៀនធំរបស់ប្រទេសថៃគឺ Rajadamnern កាលពីយប់ថ្ងៃចន្ទ ទី២០ ខែមិថុនា ឆ្នាំ២០២២។
សុខ ធី បានប្រាប់ថា ៖«ប្រាក់ក្រៅដែលទទួលបានជាការឧបត្ថម្ភជាង៩០០០០បាត តម្លៃខ្លួនឡើងប្រកួតបាន៤៥០០០បាត។ រួមទាំងថ្លៃខ្លួនផង និងប្រាក់ឧបត្ថម្ភក្រៅផង ខ្ញុំទទួលបាន ១៣៥០០០បាត»។
និយាយការប្រកួតលើសង្វៀនវិញ ២ទឹកដំបូង កីឡាករ ផេតហ្វូកាស បានរន្ទះជើងឆ្វេងទាត់ផ្ទួនៗលើ សុខ ធី ប៉ុន្តែអ្នកលេងគុនខ្មែររូបនេះបានយកទប់ និងការពារជាប់រហូត។ សម្រាប់ការទាត់ផ្ទួនៗនេះបានធ្វើឲ្យអ្នកគាំទ្រមួយចំនួនមើលឃើញថា សុខ ធី អាចនឹងឈឺដៃ ហើយអាចសង្ឃឹមតិចក្នុងការទទួលបានជ័យជម្នះ។
ទោះបីជាយ៉ាងណា សម្រាប់ការប្រកួតក្នុងទឹកទី៣ និងទី៤ ជាឱកាសរបស់ សុខ ធី ក្នុងការវ៉ៃសម្រុកដើម្បីយកប្រៀប។ កីឡាករកម្ពុជាមានភរិយាខ្មែររូបនេះបានប្រាប់ថា ៖«ពីរទឹកដំបូង ខ្ញុំមើលថា គេមកក្បាច់មិចមុន។ ដល់ពេលខ្ញុំកត់សំគាល់ទៅ ក្បាច់គេមានតែទាត់ឆ្វេង កែងឆ្វេង វ៉ៃឆ្វេង ដល់ពេលចូលទឹក៣ ខ្ញុំដើរចូលជាប់ខ្លួន ប្រើកណ្តាប់ដៃ ទាត់ និងកែង ហើយខ្ញុំរឹងជាងគេ។ ខ្ញុំត្រូវអត់អស់ គេត្រូវ គេអស់»។
ជាការពិត កីឡាករ ផេតហ្វូកាស ទន់ជ្រាយនៅក្នុងទឹកទី៣ និងទី៤ដែលត្រូវបាន សុខ ធី ទាត់ និងកាច់ឲ្យដួលដែលជាចំណុចប្រៀបមួយដែរ។ ដូច្នេះចៅក្រមបានកាត់សេចក្តីឲ្យរូបអ្នកលេងគុនខ្មែរទទួលបានជ័យជម្នះដោយពិន្ទុ៕
អត្ថបទ៖ វីរបុត្រ
-
សេចក្ដីជូនដំណឹង៦ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៤ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច៦ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
កីឡា៧ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
សន្តិសុខសង្គម៥ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម
-
ព័ត៌មានអន្ដរជាតិ៦ ថ្ងៃ agoពូទីន គេចមិនឆ្លើយរឿងកាន់អំណាចដល់ឆ្នាំ២០៣៦ ហើយប្រាប់ថា «មានតែព្រះទេទើបដឹង»
-
ព័ត៌មានជាតិ៧ ថ្ងៃ agoសម្តេចធិបតី៖ ទម្លាប់ខ្ញុំវាយតម្លៃការងារផ្អែកលើលទ្ធផលជាក់ស្តែង មិនមើលតែរបាយការណ៍ល្អៗពីថ្នាក់ក្រោមនោះទេ
-
ព័ត៌មានជាតិ១ សប្តាហ៍ agoផ្លូវទៅតំបន់អេកូទេសចរណ៍អារ៉ែង ឈានទៅចាក់ក្រាលកៅស៊ូស្ទើរបញ្ចប់ ១០០%