ព័ត៌មានជាតិ
កម្ពុជា ពង្រឹងសមត្ថភាពកីឡា ការ៉ាតេ ត្រៀមប្រកួតកីឡាស៊ីហ្គេម លើកទី៣១
លោក វ៉ាត់ ចំរើន អគ្គលេខាធិការគណៈកម្មាធិការជាតិ អូឡាំពិកកម្ពុជា និងជាអគ្គលេខាធិការខេមរៈសហព័ន្ធកីឡាការ៉ាតេដូកម្ពុជា បានឱ្យដឹងថា កម្ពុជា មានគ្រូបរទេស ជួយហ្វឹកហ្វឺនដល់កីឡា ការ៉ាតេកម្ពុជា ដើម្បីត្រៀមខ្លួនចូលរួមប្រកួតកីឡាស៊ីហ្គេម លើកទី៣១ នៅប្រទេសវៀតណាម នាពេលខាងមុខ ។
អគ្គលេខាធិការគណៈកម្មាធិការជាតិ អូឡាំពិកកម្ពុជា លោក វ៉ាត់ ចំរើន បានឱ្យដឹងអំពីការ៉ាតេកម្ពុជា នៅក្នុងការចូលរួមប្រកួតកីឡា ស៊ីហ្គេម លើកទី៣១ នៅប្រទេសវៀតណាមឆ្នាំ២០២១ ខាងមុខនេះថា បើតាមការពិនិត្យមើលនៅក្នុងសកម្មភាពបច្ចេកទេស និងសមត្ថភាពរបស់កីឡាករ ការ៉ាតេកម្ពុជា បច្ចុប្បន្ន គឺពិបាករកមេដាយបានណាស់ ក្នុងការប្រកួតកីឡាស៊ីហ្គេម នៅវៀតណាម។ លោកថា វាអាចនឹងរកមេដាយបានត្រឹមសំរិទ្ធ តែបើសម្លឹងទៅរកមេដាយមាស គឺមិនអាចទៅរួចនោះទេ ។
លោក វ៉ាត់ ចំរើន បានបន្តទៀតថា ទោះជាយ៉ាងណា ការ៉ាតេ កម្ពុជា សព្វថ្ងៃ គឺមានគ្រូជំនាញជនជាតិអ៊ីរ៉ង់ ដែលមានខ្សែក្រវាត់ខ្មៅរហូតដល់៨ដាន់ កំពុងតាមដាន និងសង្កេតមើលនូវសមត្ថភាព បច្ចេកទេស ក៏ដូចជាធនធានកីឡាករ កីឡាការិនីកម្ពុជា ដើម្បីដុះខាត់ កែលំអ និងបង្ហាត់បង្ហាញរកវិធីសាស្ត្រ ធ្វើឱ្យកីឡាករ មានការរីកចម្រើនផ្នែកបច្ចេកទេស ក៏ដូចជាសមត្ថភាព ដើម្បីឈានទៅដណ្ដើមយកមេដាយនៅលើឆាកអន្តរជាតិ ។
លោកអគ្គលេខាធិការខេមរៈសហព័ន្ធការ៉ាតេដូកម្ពុជា បានមានប្រសាសន៍ទៀតថា កីឡាករឆ្នើម ហើយមានសមត្ថភាពបច្ចេកទេសខ្លាំង គឺស្ថិតនៅក្នុងក្រុមជម្រើសជាតិ គឺផ្ដើមចេញពីការប្រកួតជ្រើសរើសជើងឯកថ្នាក់ជាតិ ប្រចាំឆ្នាំ ដែលកីឡាករជាប់ចំណាត់ថ្នាក់ជើងឯក អាចនឹងត្រូវបានជ្រើសរើសចូលនៅក្នុងក្រុមជម្រើសជាតិ។
លោក វ៉ាត់ ចំរើន បញ្ជាក់ថា កម្រិតសមត្ថភាពបច្ចេកទេសលើវិស័យកីឡាការ៉ាតេកម្ពុជា បើប្រៀបធៀបទៅនឹងបណ្ដាប្រទេសទាំងអស់នៅក្នុងតំបន់(អាស៊ាន) គឺស្ថិតនៅក្រោមគេបង្អស់៕
អត្ថបទ ៖ វិសិទ្ធ
-
ព័ត៌មានជាតិ១ សប្តាហ៍ agoពិធី “រៀបមង្គលការលេង” មួយគូ នៅវត្តបឹងត្រាវ ប្រមូលថវិកាសាងសង់វត្ត អបអរបុណ្យចូលឆ្នាំខ្មែរ
-
ព័ត៌មានជាតិ៦ ថ្ងៃ ago៦ថ្ងៃក្នុងព្រឹត្តិការណ៍ «នគរសង្ក្រាន្ត» មន្ទីរសុខាភិបាលរាជធានីភ្នំពេញ បានពិនិត្យ និងព្យាបាលជូនពលរដ្ឋជាង២ពាន់នាក់
-
ព័ត៌មានអន្ដរជាតិ៣ ថ្ងៃ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
ព័ត៌មានអន្ដរជាតិ៤ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានជាតិ១ សប្តាហ៍ agoកម្ពុជារឹតបន្តឹង និងទប់ស្កាត់សំណល់អេឡិចត្រូនិក ខណៈអាស៊ីអាគ្នេយ៍កំពុងក្លាយជាគោលដៅថ្មី
-
ព័ត៌មានអន្ដរជាតិ៣ ថ្ងៃ agoវិមានក្រឹមឡាំង៖ ពូទីន ត្រៀមជួបហ្សេលេនស្គី ទាល់តែមានការចុះហត្ថលេខាលើកិច្ចព្រមព្រៀងសន្តិភាព
-
ព័ត៌មានជាតិ១ សប្តាហ៍ agoបដិសេធមិនឱ្យ សម រង្ស៊ី ចូលរួមការជួបជុំសមាគមខ្មែរនៅប៉ារីស គឺដើម្បីបញ្ចៀសការភ្ជាប់ជាមួយបុគ្គលនេះកំពុងជាប់ទោស
-
សន្តិសុខសង្គម២ ថ្ងៃ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ