កីឡា

Messi បញ្ជាក់ពីអនាគតរបស់ខ្លួននៅ World Cup ឆ្នាំនេះ

បានផុស

១ year មុន

នៅ

ថ្ងៃសុក្រ ៧ តុលា ២០២២

ដោយ

Lionel Messi បានបញ្ជាក់ថា ការប្រកួតឆ្នាំនេះនៅប្រទេសកាតា នឹងក្លាយជាការប្រកួតបាល់ទាត់ពិភពលោក (FIFA World Cup) ចុងក្រោយ នៃអាជីពរបស់គេ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កីឡាករវ័យ ៣៥ ឆ្នាំ បានប្រកាសព័ត៌មានអំពីអនាគតរបស់ខ្លួន ជាមួយក្រុមជម្រើសជាតិអាហ្សង់ទីន កាលពីថ្ងៃព្រហស្បតិ៍។ ‘នេះនឹងក្លាយជា World Cup ចុងក្រោយរបស់ខ្ញុំ — ប្រាកដណាស់។ ថាការសម្រេចចិត្តនេះ ត្រូវបានធ្វើឡើងហើយ។ ’ Messi បានប្រាប់អ្នកកាសែតអាហ្សង់ទីន Sebastian Vignolo។

Messi នឹងចូលលេងក្នុង World Cup ជាលើកទី ៥ របស់គេ នៅប្រទេសកាតា ហើយរូបគេបានស៊ុតបញ្ចូលទីបាន ៦ គ្រាប់ ក្នុងការប្រកួត ៤ លើកមុនៗ។

៤ ក្នុងចំណោមនោះបានកើតឡើងក្នុងឆ្នាំ ២០១៤ នៅពេលដែលតារា PSG រូបនេះ បានជួយឲ្យអាហ្សង់ទីន ឈានដល់វគ្គផ្ដាច់ព្រ័ត្រដែលពួកគេបានចាញ់អាល្លឺម៉ង់ ១-០ បន្ទាប់ពីម៉ោងបន្ថែម។

កំណត់ត្រារបស់ Messi សម្រាប់អាហ្សង់ទីន គឺរកបាន ៩០ គ្រាប់ ក្នុង ១៦៤ ប្រកួត ដែលធ្វើឲ្យគេក្លាយជាអ្នកស៊ុតបញ្ចូលទីច្រើនជាងគេទី ៣ សម្រាប់ជម្រើសជាតិ បន្ទាប់ពី Cristiano Ronaldo (១១៧) និង Ali Daei របស់អ៊ីរ៉ង់ (១០៩)។

Messi ក៏ធ្លាប់បានប្រកាសចូលនិវត្តន៍ពីក្រុមជម្រើសជាតិ ក្នុងឆ្នាំ ២០១៦ បន្ទាប់ពីចាញ់ក្នុងវគ្គផ្ដាច់ព្រ័ត្រ Copa America ទល់នឹងស៊ីលី ប៉ុន្តែគេបានបដិសេធការសម្រេចចិត្តរបស់ខ្លួនវិញភ្លាមៗយ៉ាងឆាប់រហ័ស ហើយនៅតែជាប្រធានក្រុមតាំងពីពេលនោះមក។

អាហ្សង់ទីន ស្ថិតនៅពូល C ជាមួយ អារ៉ាប៊ីសាអូឌីត, ម៉ិកស៊ិក និងប៉ូឡូញ៕

ប្រភព ៖ dailymail.co.uk

អត្ថបទ ៖ មន្នីរ័ត្ន