កីឡា

ប្រដាល់សកលកម្ពុជាឈ្នះមេដាយកម្រិតអាស៊ី២គ្រឿងជាសមិទ្ធផលថ្មី

បានផុស

១ year មុន

នៅ

ថ្ងៃសុក្រ ២៧ មករា ២០២៣

ដោយ

កីឡាករប្រដាល់សកលជម្រើសជាតិកម្ពុជាបានឈ្នះមេដាយ២គ្រឿងពីការប្រកួតកម្រិតអាស៊ី ជើងឯកអាស៊ីអាយុក្រោម ២២ឆ្នាំ (ASBC Asian U22 Boxing Championship) នៅប្រទេសថៃដែលបានក្លាយជាប្រវត្តិថ្មីសម្រាប់កីឡាប្រដាល់សកលកម្ពុជា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មេដាយទាំងពីរគ្រឿងនោះគឺកីឡាករទម្ងន់ធ្ងន់ជាកូនខ្មែរ-អ៊ូសបេគីស្ថាន រ៉ាចាពៅ អាប់ឌុលឡា ទទួលបានមេដាយប្រាក់ បន្ទាប់ពីប្រកួតចាញ់កៅឡាករ អ៊ូសបេគីស្ថាន វគ្គផ្តាច់ព្រ័ត្រទម្ងន់៩២គីឡូក្រាមកាលពីថ្ងៃទី២៦ ខែមករា។ ជាមួយគ្នានេះ កីឡាករ ពេញ វ៉ាន់ថង ទទួលបានមេដាយសំរឹទ្ធ។

នេះជាមេដាយកម្រិតអាស៊ីជាលើកដំបូងសម្រាប់កីឡាប្រដាល់សកលកម្ពុជា បន្ទាប់ពីកន្លងមកមិនធ្លាប់បានឈ្នះមេដាយមេដាយកម្រិតអាស៊ីនេះឡើយ។

លោក ប៊ុយ សុភ័ណ្ឌ អគ្គលេខាធិការសហព័ន្ធកីឡាប្រដាល់កម្ពុជាមានប្រសាសន៍ថា ជោគជ័យរបស់កីឡាករកម្ពុជាក្នុងព្រឹត្តិការណ៍ធំៗបែបនេះជាសញ្ញាមួយដ៏ល្អ និងជាការបង្ហាញថា ជាការត្រៀមខ្លួនបានរួចរាល់សម្រាប់ស៊ីហ្គេម ឆ្នាំ២០២៣។ ទាំងនេះជាទិសដៅដែលសហព័ន្ធបានកំណត់ និងបានខិតខំប្រឹងប្រែងតាំងពីយូរណាស់មកហើយ៕