កីឡា

ធ្វើមែន! ថ្ងៃនេះ Thiago តំណាងគុនខ្មែរប្រកួតខ្សែក្រវាត់នៅអាល្លឺម៉ង់

បានផុស

១ ខែ មុន

នៅ

ថ្ងៃសៅរ៍ ១ មេសា ២០២៣

ដោយ

អ្នកប្រដាល់ប្រេស៊ីល Thiago Teixeira បានកាន់ទង់ជាតិកម្ពុជា និងតំណាងឲ្យគុនខ្មែរ ដើម្បីប្រកួតជាមួយកីឡាករអង់គ្លេស Joe Craven ដណ្តើមខ្សែក្រវាត់អន្តរជាតិ ថ្ងៃទី១ ខែមេសា ឆ្នាំ២០២៣ នៅប្រទេសអាល្លឺម៉ង់។

សម្រាប់ការថ្លឹងទម្ងន់ដែលទើបតែបញ្ចប់ទៅប៉ុន្មានម៉ោងមុននេះ Thiago Teixeira បានធ្វើដូចអ្វីដែលខ្លួនបានសន្យាមែនគឺលើកទង់ជាតិខ្មែរ និងប្រកួតតំណាងឲ្យគុនខ្មែរ បន្ទាប់ពីរូបគេបានស្គាល់ច្បាស់ពីក្បាច់គុនខ្មែរ ហើយទទួលបានការស្រឡាញ់ពេញចិត្តខ្លាំងពីអ្នកគាំទ្រកម្ពុជា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដៃគូរបស់ Thiago Teixeira គឺជាកីឡាករអង់គ្លេស Joe Craven ដែលពេញកម្លាំងម្នាក់ទើបអាយុ២៥ឆ្នាំប៉ុណ្ណោះ និងធ្លាប់ប្រកួតបាន៣៧ដង ក្នុងនោះឈ្នះ៣១ដង និងចាញ់៦ដង ប្រៀបធៀបជាមួយកីឡាករ Thiago Teixeira ដែលមានអាយុជិត៤០ឆ្នាំ និងធ្លាប់ប្រកួតប្រហែល១០០ដង។

កីឡាករអង់គ្លេស Joe Craven ប្រកួតចុងក្រោយបំផុតកាលពីខែកញ្ញា ឆ្នាំ២០២២ នៅសង្វៀន Liverpool Olympia ប្រទេសអង់គ្លេស ជាកន្លែងដែលរូបគេផ្តួលកីឡាករអ៉ីតាលី Jacopo Tarantino ឲ្យសន្លប់ក្នុងទឹកទី៣ ដើម្បីក្លាយជាម្ចាស់ខ្សែក្រវាត់អឺរ៉ុប MTGP ក្នុងប្រភេទទម្ងន់៧២.៥គីឡូក្រាម និងជាកីឡាករលំដាប់លេខ១នៅប្រទេសអង់គ្លេសលើប្រភេទទម្ងន់នេះ។

បើនិយាយពីចំណាត់ថ្នាក់កម្រិតពិភពលោកក្នុងប្រភេទទម្ងន់ Middleweight (៧២.៥គីឡូក្រាម) របស់សង្វៀន Thai Fight កីឡាករ Joe Craven ស្ថិតនៅលេខ៧ ខណៈកីឡាករ Youssef Boughanem ស្ថិតនៅចំណាត់ថ្នាក់លេខ១ និងកីឡាករគុនខ្មែរ ធឿន ធារ៉ា ចំណាត់ថ្នាក់លេខ២។

រូបគេជាកីឡាករពេញកម្លាំងស៊ុហ្វល្អ ហើយក៏មានអាវុធចេញល្អទាំងកណ្តាប់ដៃ ទាត់ ជង្គង់ និងកែងផងដែរ ដូច្នេះនឹងក្លាយជាដៃគូពិបាកមួយសម្រាប់កីឡាករ Thiago Teixeira ដែលត្រូវប្រកួតតំណាងឲ្យគុនខ្មែរ៕