កីឡា

កីឡាការិនីខ្មែរ-អាមេរិក Casandre ដ៏ស្រស់ស្អាតឈ្នះមេដាយមាស១ មុនស៊ីហ្គេមនៅកម្ពុជា

បានផុស

៣ years មុន

នៅ

ថ្ងៃព្រហស្បតិ៍ ១៣ មេសា ២០២៣

ដោយ

កីឡាការិនីតេក្វាន់ដូខ្មែរ-អាមេរិកជម្រើសជាតិកម្ពុជា ថិប កាសាន់ទ្រី នីកូល (Casandre Nicole Tubbs) បានត្រៀមខ្លួនរួចរាល់ហើយដើម្បីចូលរួមប្រកួតកីឡាស៊ីហ្គេម លើកទី៣២ ឆ្នាំ២០២៣ នៅកម្ពុជាជាមួយនឹងគោលដៅស្វែងរកមេដាយមាសឲ្យបានជូនជាតិ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Greg Tubbs ឪពុកបង្កើតរបស់ Casandre បានប្រាប់ពីសហរដ្ឋអាមេរិកថា កូនស្រីរបស់លោកបានទិញសំបុត្រយន្តហោះរួចរាល់ហើយ ប៉ុន្តែមិនទាន់ច្បាស់ពីថ្ងៃចេញដំណើរមកប្រទេសកម្ពុជាទេ។

លោកបន្តថា សម្រាប់ការត្រៀមខ្លួនប្រកួតស៊ីហ្គេម ឆ្នាំ២០២៣ Casandre ត្រៀមខ្លួនបានល្អណាស់ ក្នុងនោះថែមទាំងបានប្រកួតក្នុងព្រឹត្តិការណ៍ក្នុងស្រុកមួយនៅសហរដ្ឋអាមេរិក កាលពីថ្ងៃទី១ ខែមេសា។ កូនស្រីរបស់លោកធ្វើបានល្អមែនទែនដោយឆ្លងកាត់២ប្រកួត ឈ្នះដៃគូដោយពិន្ទុដាច់ទាំងពីរប្រកួត ហើយទទួលបានមេដាយមាស។ នាងបានត្រៀមខ្លួនរួចរាល់ហើយសម្រាប់ស៊ីហ្គេម នៅកម្ពុជា។

ពេលសួរថា ក្នុងនាមជាឪពុក តើលោកសង្ឃឹមទទួលបានលទ្ធផលយ៉ាងណាសម្រាប់ស៊ីហ្គេមនៅកម្ពុជាក្នុងនាមជាម្ចាស់ផ្ទះ? លោក Greg Tubbs បានឆ្លើយថា ៖«ខ្ញុំសង្ឃឹមទទួលបានមេដាយមាស ពីព្រោះការត្រៀមខ្លួនលើកនេះមើលទៅល្អណាស់ តែខ្ញុំមិនទាន់ដឹងទេថាតើស្ថានភាពប្រកួតយ៉ាងណានោះទេ។ រង់ចាំមើលទាំងអស់គ្នា»។

«Cassie មានកម្លាំងចិត្តខ្លាំងណាស់សម្រាប់ការប្រកួតស៊ីហ្គេម លើកនេះ ហើយក៏ខំប្រឹងហ្វឹកហាត់យ៉ាងខ្លាំង។ ខ្ញុំសូមអរគុណដែលកម្ពុជាផ្តល់ឱកាសឲ្យកូនស្រីខ្ញុំបានចូលរួមប្រកួតកីឡាស៊ីហ្គេម»។ លោកបានបន្ថែម។

គិតទាំងឆ្នាំ២០២៣នេះ ជាលើកទី៤ហើយដែល Casandre ចូលរួមប្រកួតស៊ីហ្គេម បន្ទាប់ពី៣លើកកន្លងមកតែងតែទទួលបានមេដាយ។ កាលស៊ីហ្គេម ឆ្នាំ២០១៧ នៅប្រទេសម៉ាឡេស៊ី នាងឈ្នះមេដាយសំរឹទ្ធ ឆ្នាំ២០១៩ នៅប្រទេសហ្វីលីពីន ឈ្នះមេដាយប្រាក់ និងឆ្នាំ២០២១ នៅប្រទេសវៀតណាម ឈ្នះមេដាយសំរឹទ្ធ៕

អត្ថបទ៖ វីរបុត្រ

Related Topics:កីឡាស៊ីហ្គេម Casandre Nicole Tubbs

ព័ត៌មានអន្ដរជាតិ១ ថ្ងៃ ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៣ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា