កីឡា

ជយោ! បាល់ទះកម្ពុជាវាយបកឈ្នះថៃឡើងវគ្គមេដាយមាសជាលើកដំបូងក្នុងស៊ីហ្គេម

បានផុស

២ years មុន

នៅ

ថ្ងៃអាទិត្យ ៧ ឧសភា ២០២៣

ដោយ

ក្រុមបាល់ទទះជម្រើសជាតិកម្ពុជាបានបង្កើតកំណត់ត្រាថ្មីទៀតហើយក្នុងប្រវត្តិសាស្ត្រកីឡាស៊ីហ្គេម បន្ទាប់ពីបានយកឈ្នះក្រុមបាល់ទះជម្រើសជាតិថៃ ដោយលទ្ធផល ៣-២ ដើម្បីឡើងទៅកាន់កាន់វគ្គផ្តាច់ព្រ័ត្រជាលើកដំបូង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការប្រកួតនៅវគ្គពាក់កណ្តាលផ្តាច់ព្រ័ត្រដែលពេញដោយអ្នកគាំទ្រនៅវិមានពហុកីឡដ្ឋានជាតិអូឡាំពិក ក្រុមថៃធ្វើបានយ៉ាងល្អនៅសិតទី១ និងសិតទី២ ដែលធ្វើឲ្យអ្នកគាំទ្រកម្ពុជាហាក់ដូចជាស្ងប់ស្ងាត់បន្តិច ប៉ុន្តែនៅសិតទី៣ និងទី៤ ក្រុមម្ចាស់ផ្ទះធ្វើបានយ៉ាងល្អស្ទើរមិនគួរឲ្យជឿក្នុងការវាយបកដើម្បីយកឈ្នះ ហើយបន្តឈ្នះសិតទី៥សម្រាប់ការឡើងទៅកាន់វគ្គផ្តាច់ព្រ័ត្រ។

ពិន្ទុមានដូចជាសិតទី១ ថៃបានយកឈ្នះកម្ពុជា ១៨-២៥ និងសិតទី២បន្តឈ្នះម្ចាស់ផ្ទះ ២១-២៥ ប៉ុន្តែសិតទី៣ កម្ពុជាបានវាយបកយកឈ្នះវិញដោយពិន្ទុ ២៥-២១, សិតទី៤ ឈ្នះ ២៥-១៦ និងសិតទី៥ដែលជាសិតកាត់សេចក្តីចុងក្រោយឈ្នះ ១៥-១០។

នេះជាកំណត់ត្រាថ្មីមួយទៀតសម្រាប់ក្រុមបាល់ទះជម្រើសជាតិកម្ពុជាក្នុងប្រវត្តិសាស្ត្រកីឡាស៊ីហ្គេមសម្រាប់ការឡើងទៅកាន់វគ្គផ្តាច់ព្រ័ត្រជាលើកដំបូងដែលមានន័យថា កម្ពុជាបានកក់មេដាយប្រាក់ក្នុងដៃស្រេចទៅហើយ។ កាលឆ្នាំ២០២១ កម្ពុជាបានបង្កើតប្រវត្តិសាស្ត្រឡើងវគ្គពាក់កណ្តាលផ្តាច់ព្រ័ត្រលើកដំបូង ហើយពេលនោះបានឈ្នះមេដាយសំរឹទ្ធ។