កីឡា

ឥណ្ឌូណេស៊ី ចង់ឲ្យអាហ្សង់ទីន នាំកីឡាករល្អៗបំផុតរួមទាំង Messi ពេលប្រកួតមិត្តភាពជាមួយគ្នាខែក្រោយ

បានផុស

១ year មុន

នៅ

ថ្ងៃចន្ទ ២២ ឧសភា ២០២៣

ដោយ

ជំនួយការគ្រូបង្វឹកនៃក្រុមជម្រើសជាតិឥណ្ឌូនេស៊ី លោក Nova Arianto ចង់ឱ្យក្រុមជម្រើសជាតិអាហ្សង់ទីនដាក់កីឡាករល្អបំផុតរួមទាំង Lionel Messi ផងដែរក្នុងការប្រកួតមិត្តភាព FIFA Matchday ខែមិថុនា ឆ្នាំ២០២៣ ខាងមុខ។

ក្រុមជម្រើសជាតិឥណ្ឌូណេស៊ី មានឱកាសប្រកួតសាកល្បងជាមួយម្ចាស់ជើងឯកពិភពលោក FIFA World Cup 2022 អាហ្សង់ទីន នៅថ្ងៃទី១៩ ខែមិថុនា ឆ្នាំ២០២៣ ខាងមុខ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អាហ្សង់ទីនគ្រោងធ្វើដំណើរកម្សាន្តមកកាន់ទ្វីបអាស៊ីនៅពាក់កណ្តាលឆ្នាំនេះ។ ក្រៅពីក្រុមជម្រើសជាតិឥណ្ឌូណេស៊ី ក្រុមដែលមានរហស្សនាមថា Albiceleste ក៏នឹងប្រកួតជាមួយនឹងក្រុមជម្រើសជាតិអូស្ត្រាលី ដូចគ្នា។

Nova បាននិយាយទៅកាន់ Bola.com នៅថ្ងៃច័ន្ទថា “ក្តីសង្ឃឹមរបស់ខ្ញុំគឺថា អាហ្សង់ទីនអាចនឹងនាំក្រុមដ៏ល្អបំផុតរបស់ខ្លួន ដូច្នេះយើងអាចប្រឈមមុខនឹងកីឡាករលំដាប់ពិភពលោក”។

លើសពីនេះ Nova បានបង្ហើបថា ក្រុមជម្រើសជាតិឥណ្ឌូនេស៊ី នឹងចាប់ផ្តើមរៀបចំការប្រកួត FIFA Matchday នៅដើមខែមិថុនា ឆ្នាំ២០២៣។ “ត្រូវហើយ ផែនការគឺនៅថ្ងៃទី០៥ ឬ ០៦ ខែមិថុនា ឆ្នាំ២០២៣” លោកបានបន្ថែម។

ក្រៅពីអាហ្សង់ទីន ក្រុមជម្រើសជាតិឥណ្ឌូណេស៊ី ក៏នឹងត្រូវជួបជាមួយក្រុមជម្រើសជាតិប៉ាឡេស្ទីន ផងដែរក្នុងការប្រកួត FIFA Matchday នៅកីឡដ្ឋាន Bung Tomo (GBT) Surabaya នៅថ្ងៃទី១៤ ខែមិថុនា ឆ្នាំ២០២៣។

គេចាំបានថា កាលពីឆ្នាំ២០១៧ អាហ្សង់ទីន ក៏ធ្លាប់ប្រកួតជាមួយក្រុមនៅតំបន់អាស៊ានមួយផងដែរ គឺសិង្ហបុរី ដោយពេលពុំមានវត្តមានរបស់ Messi ឡើយ ហើយបានយកឈ្នះ ៦-០៕

ប្រែសម្រួល៖ មន្នីរ័ត្ន

ប្រភព ៖ Bola.com