កីឡា

អេលីត សាន់ ប្រកាសផ្តល់តម្លៃខ្លួនទាំងអស់ដល់មន្ទីរពេទ្យគន្ធបុប្ផា បើឈ្នះបានឡាន

បានផុស

១ year មុន

នៅ

ថ្ងៃព្រហស្បតិ៍ ៥ តុលា ២០២៣

ដោយ

អ្នកលេងគុនខ្មែរ អេលីត សាន់ បានប្រកាសផ្តល់ប្រាក់តម្លៃខ្លួនទាំងអស់ដល់មន្ទីរពេទ្យកុមារ គន្ធបុប្ផា ប្រសិនបើរូបគេបានឡើងដល់វគ្គផ្តាច់ព្រ័ត្រ និងទទួលបានជ័យជម្នះរហូតក្លាយជាម្ចាស់រថយន្តថ្មីសន្លាង។

ព្រឹត្តិការណ៍ ប៊ូសស្រ្តងជួយគុនខ្មែរ អ្នកខ្លាំងពូកែ ប៊ូសស្រ្តងឲ្យឡាន បានវិលត្រឡប់មកសាជាថ្មីដែលមានជើងខ្លាំងគុនខ្មែរចំនួន៧រូបដែលត្រូវប្រកួតជាមួយកីឡាករបរទេស។ ជើងខ្លាំងទម្ងន់ធ្ងន់ជាម្ចាស់មេដាយមាសស៊ីហ្គេម ព្រំ សំណាង តារាគុនខ្មែរទម្ងន់ស្រាលជាម្ចាស់មេដាយមាសស៊ីហ្គេម ប៉ឺត សង្ឃឹម, ឈុត សេរីវ៉ាន់ថង និង ឃីម បូរ៉ា។ អ្នកលេងចិត្តធំ អេលីត សាន់, ក្របីព្រៃ ពេជ្រ សម្បត្តិ និង ទូច ដេវីត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងចំណោមកីឡាករទាំង៧រូបនេះ មានតែ៤រូបប៉ុណ្ណោះត្រូវប្រកួតដើម្បីដណ្តើមពានរង្វាន់រថយន្តថ្មីសន្លាងគឺ អេលីន សាន់, ឃីម បូរ៉ា, ឈុត សេរីវ៉ាន់ថង និង ទូច ដេវីត។ បេក្ខភាពទាំង៤រូបសុទ្ធតែជួបដៃគូបរទេសនៅជុំទី១ មុនពេលយកអ្នកឈ្នះប្រកួតគូទី៨វគ្គផ្តាច់ព្រ័ត្រដើម្បីដណ្តើមរង្វាន់រថយន្ត។ លក្ខខណ្ឌផ្សេងទៀត អាចនឹងមិនមានការប្រកួតវគ្គផ្តាច់ព្រ័ត្រទេ ប្រសិនបើអ្នកលេងគុនខ្មែរមានតែម្នាក់ដែលទទួលបានជ័យជម្នះ។ លក្ខខណ្ឌមានច្រើនទៀតសម្រាប់ការប្រកួតដណ្តើមរថយន្តនេះ។

អេលីត សាន់ បានប្រកាសថា ៖«បើសិនជាខ្ញុំ អេលីត សាន់ បានឡើងទៅដល់វគ្គផ្ដាច់ព្រ័ត្រ ប្រកួតបានឡាន ខ្ញុំបាទនឹងយកតម្លៃខ្លួនទាំងអស់ជូនទៅមន្ទីរកុមារពេទ្យគន្ធបុប្ផា»។

ក្នុងព្រឹត្តិការណ៍នេះ ម្ចាស់មេដាយមាសស៊ីហ្គេមទម្ងន់ធ្ងន់ ព្រំ សំណាង ម្ចាស់មេដាយមាសស៊ីហ្គេម ប៉ឺត សង្ឃឹម និងម្ចាស់រថយន្តប៊ូសស្ត្រងលើកទី១ ពេជ្រ សម្បត្តិ មិនបានចូលរួមប្រកួតដណ្តើមរថយន្តទេ ប៉ុន្តែពួកគេប្រកួតមិត្តភាពអន្តរជាតិ។