កីឡា
៣ក្រុមដកចេញ ខណៈកំពង់ធំប៉ះបន្ទាយមានជ័យវគ្គជម្រុះថ្នាក់ជាតិពានសម្តេចតេជោរសៀលនេះ
វេលាម៉ោង៣:៣០នាទីរសៀល ថ្ងៃទី២៧ ខែធ្នូ ឆ្នាំ២០២៣ ក្រុមបាល់ទាត់ខេត្តកំពង់ធំ បើកទ្វារផ្ទះរបស់ខ្លួនទទួលក្រុមខេត្តបន្ទាយមានជ័យ វគ្គជម្រុះថ្នាក់ជាតិ ដើម្បីរកកៅអីឡើងទៅវគ្គ១៦ចុងក្រោយ ពានរង្វាន់សម្តេចអគ្គមហាសេនាបតីតេជោ ហ៊ុន សែន លើកទី១៧។
ការប្រកួតមានការផ្លាស់ប្តូរ ដោយក្រុមនៅលីគទី២ជាបុត្រសម្ព័ន្ធរបស់ក្រុមលីគកំពូលកម្ពុជា ត្រូវបានដកចេញពីវគ្គជម្រុះថ្នាក់ជាតិគឺ ក្រុម ISI ដង្កោសែនជ័យ (ខ) ក្រសួងការពារជាតិ (ខ) និង វិសាខា (ខ) ពីព្រោះពួកគេសុទ្ធតែមានក្រុមធំលេងនៅលីគកំពូល។ ក្រោយការដកក្រុមទាំង៣ចេញ ដូច្នេះការប្រកួតជម្រុះថ្នាក់ជាតិមានតែ១គូប៉ុណ្ណោះគឺ ក្រុមខេត្តកំពង់ធំ និងក្រុមខេត្តបន្ទាយមានជ័យ ដើម្បីរកកៅអីឡើងទៅវគ្គ១៦ក្រុមចុងក្រោយ ខណៈមាន១៥ក្រុមរង់ចាំនៅវគ្គថ្នាក់ជាតិ។
ក្រុមទាំង១៥ កំពុងរង់ចាំនៅវគ្គ១៦ក្រុមចុងក្រោយថ្នាក់ជាតិរួមមាន៖ ខេត្តកំពង់ចាម (ជើងឯកថ្នាក់ខេត្ត) ខេត្តត្បូងឃ្មុំ (ជើងឯករងថ្នាក់ខេត្ត) ក្រសួងមហាផ្ទៃ (លីគទី២) សៀមរាបអេហ្វស៊ី (លីគទី២) អង្គរស៊ីធី (លីគទី២) និងក្រុមលីគកំពូលទាំង១០មាន ភ្នំពេញក្រោន ព្រះខ័នរាជស្វាយរៀង វិសាខា អាយអេសអាយដង្កោសែនជ័យ បឹងកេត ណាហ្គាវើលដ៍ ព្រៃវែង អង្គរថាយហ្គឺរ ក្រសួងការពារជាតិ និងគិរីវង់សុខសែនជ័យ។
ការប្រកួត រវាងក្រុមកំពង់ធំ និងក្រុមបន្ទាយមានជ័យមាន២ជើង។ ជើងទៅ១ ប្រកួតនៅរសៀលថ្ងៃទី២៧ ខែធ្នូនេះកីឡដ្ឋានខេត្តកំពង់ធំ និងជើងទី២ ថ្ងៃពុធ ទី៣ ខែមករា ឆ្នាំ២០២៤ នៅទីលាន វិទ្យាល័យ ហ៊ុនសែន ខ្លាកូន ខេត្តបន្ទាយមានជ័យ៕
អត្ថបទ៖ ផា រតនា
-
ព័ត៌មានជាតិ៦ ថ្ងៃ ago៦ថ្ងៃក្នុងព្រឹត្តិការណ៍ «នគរសង្ក្រាន្ត» មន្ទីរសុខាភិបាលរាជធានីភ្នំពេញ បានពិនិត្យ និងព្យាបាលជូនពលរដ្ឋជាង២ពាន់នាក់
-
ព័ត៌មានអន្ដរជាតិ៣ ថ្ងៃ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
ព័ត៌មានអន្ដរជាតិ៤ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានអន្ដរជាតិ៤ ថ្ងៃ agoវិមានក្រឹមឡាំង៖ ពូទីន ត្រៀមជួបហ្សេលេនស្គី ទាល់តែមានការចុះហត្ថលេខាលើកិច្ចព្រមព្រៀងសន្តិភាព
-
ព័ត៌មានជាតិ១ សប្តាហ៍ agoបដិសេធមិនឱ្យ សម រង្ស៊ី ចូលរួមការជួបជុំសមាគមខ្មែរនៅប៉ារីស គឺដើម្បីបញ្ចៀសការភ្ជាប់ជាមួយបុគ្គលនេះកំពុងជាប់ទោស
-
សន្តិសុខសង្គម២ ថ្ងៃ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ
-
ព័ត៌មានជាតិ៦ ថ្ងៃ agoមន្រ្តីបរិស្ថានស្នើពលរដ្ឋកុំបរិភោគត្រីងាប់ និងផ្អាកប្រើប្រាស់ទឹកព្រែកត្រែង នៅស្រុករតនៈមណ្ឌល ខេត្តបាត់ដំបង
-
ព័ត៌មានអន្ដរជាតិ១៦ ម៉ោង agoចាប់ខ្លួនបានហើយ! ខ្មាន់កាំភ្លើង ដែលប៉ុនប៉ងបាញ់ប្រហារលោក ត្រាំ នៅសេតវិមាន