Connect with us

កីឡា

មកដឹងពីប្រវត្តិ-រូបមន្តប្រកួតជើងឯកអឺរ៉ូ EURO

បានផុស

នៅ

ព្រឹត្តិការណ៍បាល់ទាត់​ជើង​ឯក​អឺរ៉ូ UEFA Euro ជាកាប្រកួតលំដាប់ទី១ក្នុងទ្វីបអឺរ៉ុប តម្រូវឲ្យក្រុមទាំងអស់ក្នុងតំបន់អឺរ៉ុបចូលរួមធ្វើប្រកួតប្រជែងគ្នារៀងរាល់៤ឆ្នាំម្ដង ដើម្បីស្វែងរកជើងខ្លាំងប្រចាំទ្វីប។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ពានរង្វាន់​ UEFA European Football Championship មានឈ្មោះកាត់ហៅថា UEFA Euro ជាការប្រកួតបាល់ទាត់ រៀបចំដោយសហភាពសហព័ន្ធបាល់ទាត់អឺរ៉ុប (UEFA)។ ព្រឹត្តិការណ៍នេះជាការ​ប្រកួត​​មាន​អ្នក​ទស្សនា​ច្រើន​ជាង​គេ​លំដាប់ទី២​ក្នុង​ពិភពលោក​ បន្ទាប់​ពី FIFA World Cup។ ការប្រកួតវគ្គផ្តាច់ព្រ័ត្រ Euro ឆ្នាំ២០១៦ មានទស្សនិកជនទូទាំងពិភពលោកប្រហែល៦០០លាននាក់បានទស្សនា។ ការប្រកួតប្រជែងក្នុងពានរង្វាន់ UEFA Euro ត្រូវបានធ្វើឡើងរៀងរាល់៤ឆ្នាំម្តង គិតចាប់តាំងពីឆ្នាំ១៩៦០ ប៉ុន្តែលើកលែងតែឆ្នាំ២០២០ ត្រូវបានពន្យារពេល ហើយលើកមកធ្វើនៅឆ្នាំ២០២១ ដោយសារ​វិបត្តិ​កូវីដ-១៩ ប៉ុន្តែបានរក្សាឈ្មោះ UEFA Euro ឆ្នាំ២០២០ ដដែល។

ចាប់ផ្ដើមដំបូងនៅក្នុងឆ្នាំ១៨៨៣ កើតចេញពីការប្រកួតថ្នាក់តំបន់ប្រចាំឆ្នាំរវាងក្រុមជម្រើសជាតិទាំង៤ របស់ចក្រភពអង់គ្លេសគឺ អង់គ្លេស ស្កុតឡែន​ វែល និងអៀរឡង់ មុនពេលត្រូវបានផ្លាស់ប្ដូរជាការប្រកួតប្រចាំទ្វីបអឺរ៉ុប។ ការប្រកួតនេះត្រូវបានពង្រីកឲ្យមាន៨ក្រុមនៅក្នុងការប្រកួតឆ្នាំ១៩៨០ នៅពេលប្រទេសអុីតាលីធ្វើជាម្ចាស់ផ្ទះ។

នៅក្នុងឆ្នាំ១៩៩៦ នៅពេលប្រទេសអង់គ្លេសធ្វើជាម្ចាស់ផ្ទះ ព្រឹត្តិការណ៍នេះត្រូវបានពង្រីកឲ្យមានក្រុមរហូតដល់១៦ចូលធ្វើការប្រកួតប្រជែង។ ក្នុងព្រឹត្តិការណ៍ UEFA Euro ឆ្នាំ២០២០ ជាការប្រកួតដំបូងដែលប្រទេសចំនួន២ សហការគ្នាធ្វើជាសហម្ចាស់ផ្ទះគឺប្រទេសហូឡង់ និងបែលហ្ស៊ិក។

រូបមន្ដប្រកួតក្នុងពានរង្វាន់ UEFA EURO ពីឆ្នាំ១៩៦០ ដល់ឆ្នាំ១៩៧៦ មានក្រុមចំនួន៤ ចូលរួមហើយការប្រកួតធ្វើឡើងក្នុងវគ្គ៤ក្រុមចុងក្រោយតែម្ដង ក្នុងនោះក្រុមឈ្នះ២ក្រុមឡើងទៅផ្ដាច់ព្រ័ត្រ ក្រុមចាញ់២ក្រុមត្រូវប្រកួតយកលេខ៣។ នៅចន្លោះពីឆ្នាំ១៩៨០ ដល់ឆ្នាំ១៩៩២ ក្នុងការជុំចុងក្រោយមានការ​កែប្រែរូបមន្ដតម្រូវឲ្យមានក្រុមចំនួន៨ចូលរួម ហើយចែងចែកជា២ពូល ដោយក្រុមលេខ១និងលេខ២ ក្នុងពូលនីមួយៗបានឡើងទៅវគ្គ៤ក្រុមចុងក្រោយ។

ដោយឡែកពីឆ្នាំ១៩៩៦ ដល់ឆ្នាំ២០១២ ការប្រកួតជុំចុងក្រោយត្រូវពង្រីកឲ្យមានក្រុម១៦ មាន៤ពូល ក្រុមលេខ១និងលេខប្រចាំពូលនីមួយៗឡើងទៅវគ្គ៨ក្រុមចុងក្រោយ។ ចាប់តាំងពីឆ្នាំ២០១២ ដល់បច្ចុប្បន្នការប្រកួតជុំចុងក្រោយមានក្រុមចូលរួមរហូតដល់២៤ក្រុម ហើយបែងចែកជា៦ពូល ក្នុងនោះក្រុមលេខ១និងលេខ២ ប្រចាំពូលនីមួយៗនិងក្រុមលេខ៣ល្អបំផុតចំនូន៤ក្រុម ឡើងទៅវគ្គ១៦ក្រុមចុងក្រោយ៕​

អត្ថបទ៖ ផា រតនា

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ៦ នាទី មុន

ជន​ចំណាកស្រុក​​រាប់ពាន់​នាក់​សម្រុក​ចូល​ទឹក​ដីអាមេរិក​ឲ្យ​បាន​មុនការបោះឆ្នោត​

ព័ត៌មានជាតិ១ ម៉ោង មុន

UN៖ សម្ដេចតេជោ នាំឱ្យកម្ពុជាមានសន្តិភាពហើយ ថែមទាំងផ្ដល់សន្តិភាពដល់ប្រទេសក្នុងពិភពលោក តាមរយៈការបញ្ជូនកងទ័ពមួកខៀវ

បច្ចេកវិទ្យា១ ម៉ោង មុន

របាយការណ៍របស់ក្រុមហ៊ុនVisa សង្កេតឃើញការឆបោកតាមប្រព័ន្ធអនឡាញទូទាំងសកលលោក ហាក់មានការកើនឡើង ដែលអាចបង្ករផលប៉ះពាល់ដល់អ្នកប្រើប្រាស់ និងអាជីវករ  ពិសេសប្រភេទ Ransomware ឬ ​ការវិនិយោគឆបោក (Pig butchering) ជាដើម

សេដ្ឋកិច្ច១ ម៉ោង មុន

តម្លៃជ្រូករស់ផ្ដើមធ្លាក់ចុះបន្តិច ដែលនាំឱ្យកសិករប្រឈមការខាតបង់

ព័ត៌មានអន្ដរជាតិ១ ម៉ោង មុន

តៃវ៉ាន់ចាប់ផ្តើមធ្វើសមយុទ្ធប្រចាំឆ្នាំ ធ្វើត្រាប់តាមសមរភូមិជាក់ស្តែងជាមួយចិន​

Sokha Hotels

ព័ត៌មានពេញនិយម