កីឡា
Barcelona ធ្លាក់វគ្គ១៦ដំបូងក្នុង១៤ឆ្នាំចុងក្រោយ ឯ PSG និង Liverpool ឡើងវគ្គ៨ក្រុម UCL
ក្រុមអ្នកមានបុណ្យ Barcelona បានធ្លាក់ចេញពី Champions League ត្រឹមវគ្គ១៦ក្រុមចុងក្រោយលើកដំបូងគិតចាប់តាំងពីឆ្នាំ២០០៧មក បន្ទាប់ពីសរុបទាំងពីរជើងចាញ់ Paris Saint-Germain ដោយលទ្ធផល ៥-២។
សម្រាប់ការប្រកួតជើងទី២ក្រុមយក្ស Catalan ត្រូវធ្វើការធ្ងន់នៅក្រៅដីដើម្បីវាយបកទើបសង្ឃឹមឡើងទៅវគ្គបន្តបាន បន្ទាប់ពីជើងទី១ចាញ់ធ្ងន់កដោយលទ្ធផល ៤-១ក្នុងផ្ទះរបស់ខ្លួន។ ប៉ុន្តែយប់មិញនេះធ្វើមិនបានល្អទេដោយបញ្ចប់ទៅត្រឹមស្មើគ្នា១-១
នៅនាទីទី៣១ក្នុងវគ្គទី១ ក្រុមម្ចាស់ផ្ទះ PSG ទទួលបានបាល់ពិន័យ១១ម៉ែត្រដែលភារៈនេះធ្លាក់ទៅលើតារាវ័យក្មេង Kylian Mbappe ហើយស៊ុតបានសម្រេចនាំមុខ ១-០ ប៉ុន្តែត្រឹមតែ៦នាទីក្រោយ Barcelona តាមស្មើ ១-១ បន្ទាប់ពីតារាឆ្នើម Lionel Messi ស៊ុតពីចម្ងាយចូលទីបានសម្រេចដើម្បីផ្តល់ក្តីសង្ឃឹមដល់ក្រុមភ្ញៀវ។
នៅចុងវគ្គទី១ ក្រុមអ្នកមានបុណ្យទទួលបានបាល់ពិន័យ១១ម៉ែត្រ ប៉ុន្តែ Lionel Messi ស៊ុតមិនបានសម្រេចទេ បន្ទាប់ពីអ្នកចាំទី Navas ជួយសង្គ្រោះបាន។ លទ្ធផល ១-១ នេះនៅរក្សារហូតដល់ចប់៩០នាទី។
បើគិតចាប់តាំងពីឆ្នាំ២០០៧មក នេះជាលើកដំបូងហើយដែល Barcelona បានធ្លាក់ចេញពីពានរង្វាន់ធំលំដាប់លេខ១នៅអឺរ៉ុបក្នុងវគ្គ១៦ក្រុមចុងក្រោយពោលគឺមានរយៈពេល១៤ឆ្នាំ។
ងាកទៅក្រុមនៅអង់គ្លេសវិញ ហង្សក្រហម Liverpool ធ្វើមិនសូវបានល្អទេនៅលីគក្នុងរដូវកាលនេះ ប៉ុន្តែ Champions League ធ្វើបានល្អ។ ការប្រកួតជើងទី២យប់មិញក្នុងផ្ទះរបស់ខ្លួន Liverppool បានឈ្នះ RB Leipzing ២-០ ខណៈជើងទី២ក៏ឈ្នះ ០-២ ដែរ។ ដូច្នេះសរុបទាំងពីរជើងឈ្នះដោយមិនឲ្យតដៃរួច ៤-០។
រូបមកដល់ពេលរកឃើញ៤ក្រុមហើយឡើងទៅវគ្គ ៨ក្រុមចុងក្រោយនៃពាន UCL គឺ FC Porto របស់ព័រទុយហ្គាល់, Borussia Dortmund របស់អាល្លឺម៉ង់, Liverpool របស់អង់គ្លេស និង PSG របស់បារាំង។
អ្វីដែលគួរឲ្យសំគាល់មួយទៀតនោះគឺតារាឆ្នើមលើលោកទាំងពីរគឺ Christiano Ronaldo និង Lionel Messi លែងបន្តដំណើរទៅវគ្គ៨ក្រុមចុងក្រោយទាំងពីរនាក់ដូចគ្នា បន្ទាប់ Juvestus និង Barcelona អស់ឱកាសត្រឹមវគ្គ១៦ក្រុមដូចគ្នា៕
អត្ថបទ៖ វីរបុត្រ
ប្រភពរូប៖ Dailymail
-
សន្តិសុខសង្គម៦ ថ្ងៃ agoទុរេនរាប់តោននៅផ្សារភូពុយ អនុញ្ញាតឱ្យបន្តលក់ ក្រោយមន្ត្រីជំនាញប្រមូលសំណាក និងសាកសួរប្រភពនាំចូល
-
សេដ្ឋកិច្ច៤ ថ្ងៃ agoរដ្ឋាភិបាលហាមឃាត់ក្រុមហ៊ុនផលិតស្រា និងភេសជ្ជៈផ្ដល់រង្វាន់តាមក្រវិលកំប៉ុង ចាប់ពីដើមខែតុលា ឆ្នាំនេះ
-
ព័ត៌មានជាតិ៣ ថ្ងៃ agoក្រសួងវប្បធម៌ ព្រមានចាត់វិធានការច្បាប់លើជនដែលនៅតែបន្តកែច្នៃ ប្រើគ្រឿងលម្អយកគំរូគ្រឿងឥស្សរិយយស«ព្រះរាជមហាកណ្ឋាភណ្ឌគ្រងរាជសម្បត្តិ»
-
ព័ត៌មានជាតិ៥ ថ្ងៃ agoអ្នកជំនាញ ទាញសញ្ញាបន្ទាត់ក្រហម វិបត្តិនយោបាយផ្ទៃក្នុងថៃអាចផ្ទេរមកជម្លោះព្រំដែនសារជាថ្មី
-
ព័ត៌មានជាតិ៥ ម៉ោង agoក្រសួងសុខាភិបាល ត្រៀមបង្ការ និង ទប់ស្កាត់ការនាំចូលជំងឺឆ្លង ហាន់តា នៅអាកាសយានដ្ឋានអន្តរជាតិតេជោ
-
ព័ត៌មានជាតិ៣ ថ្ងៃ agoថៃលុបMoU 2001៖ សម្ដេចតេជោប្រាប់ថៃថា កុំបបួលកម្ពុជាចរចាទ្វេភាគីទៀត ត្រូវដឹកដៃគ្នាទៅរកយន្តការអន្តរជាតិ
-
ព័ត៌មានអន្ដរជាតិ១ ថ្ងៃ agoកូរ៉េខាងជើង ត្រៀមដាក់ពង្រាយកាំភ្លើងធំស៊េរីថ្មី នៅក្បែរព្រំដែន និងបង្អួតនាវាចម្បាំងខ្នាតយក្ស
-
ព័ត៌មានជាតិ៦ ម៉ោង agoប្រព័ន្ធហ្វឹកហ្វឺនអាវុធជាអំណោយរបស់ឥណ្ឌា នឹងរួមចំណែកលើកកម្ពស់សមត្ថភាពកងទ័ពជើងគោកកម្ពុជា