កីឡា

សហព័ន្ធកីឡាវាយសី បញ្ជូនកីឡាករ កីឡាការិនីឆ្នើម ៣រូបចូលរួមប្រកួតកីឡាសកលវិទ្យាល័យពិភពលោកនៅអាល្លឺម៉ង់

បានផុស

២ ម៉ោង មុន

នៅ

ថ្ងៃចន្ទ ២ មិថុនា ២០២៥

ដោយ

សហព័ន្ធកីឡាវាយសីកម្ពុជា នឹងបញ្ជូនកីឡាករ ២រូប និងកីឡាការិនី ១រូបទៅចូលរួមប្រកួតប្រជែងកីឡាសកលវិទ្យាល័យរដូវក្កៅពិភពលោកនៅប្រទេសអាល្លឺម៉ង់ ចាប់ពីថ្ងៃទី១៦ ដល់ ២៧ ខែកក្កដា ឆ្នាំ២០២៥។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក កែវ រស់ ជួបជាមួយកីឡាករ

អគ្គលេខាធិការសហព័ន្ធកីឡាវាយសី លោក កែវ រស់ បានឲ្យដឹងថា នៅប៉ុន្មានខែនេះសហព័ន្ធកម្មវិធី និងការបញ្ជូនកីឡាករ កីឡាការិនី ទៅចូលរួមប្រកួតក្នុងកម្មវិធីជាច្រើនពិសេសការប្រកួតសកលវិទ្យាល័យរដូវក្ដៅពិភពលោកដែលនឹងធ្វើនៅប្រទេសអាល្លឺម៉ង់។

កីឡាករ វ៉ាត វណ្ណធុន

ចំពោះកីឡាករ ២រូប និងកីឡាការិនី ១រូបនេះសុទ្ធតែជាក្រុមឆ្នើមដែលមានសមត្ថភាពខ្ពស់ និងធ្លាប់ឈ្នះបណ្ដាប្រទេសជិតខាងកម្ពុជាកន្លងទៅទៀត។ បន្ទាប់ពីទទួលបានដំណឹងពីខាង NOCC រួចមកក្រុមវាយសីបានចាប់ហ្វឹកហាត់មករយៈពេលប្រហែល ៤ខែមកហើយដើម្បីត្រៀមចេញទៅប្រជែងមេដាយនៅអាល្លឺម៉ង់លើកនេះ។ ក្នុងនាមសហព័ន្ធសង្ឃឹមជឿជាក់ថាក្រុមវាយសីកម្ពុជានឹងធ្វើបានល្អនៅការប្រកួតកីឡាសកលវិទ្យាល័យពិភពលោកនេះ។

ក្រុមជម្រើសជាតិកីឡាវាយសី

បញ្ជាក់ដែរថា ការប្រកួតកីឡាសកលវិទ្យាល័យរដូវក្ដៅពិភពលោក លើកទី៣២ នេះនឹងធ្វើឡើងនៅឯប្រទេសអាល្លឺម៉ង់ ចាប់ពីថ្ងៃទី១៦ ដល់ ២៧ ខែកក្កដា ឆ្នាំ២០២៥។ កម្ពុជានឹងបញ្ជូន ៦ប្រភេទកីឡារួមមាន គុនដាវ អត្តពលកម្ម ហែលទឹក យូដូ វាយសី តេក្វាន់ដូ WT ដើម្បីចូលរួមព្រឹត្តិការណ៍ខាងលើនេះ។ សហព័ន្ធវាយសីបញ្ជូនកីឡាការិនី លឿង ម៉ាលីនិច្ច កីឡាករ វ៉ាត វណ្ណធុន កីឡាករ សុខ រីករាយ៕

អត្ថបទដោយ៖ នួន ស៊ីណា

Related Topics:កីឡាវាយសី