កីឡា

លោក ហែមថុន ពន្លឺ បានបញ្ចប់វគ្គគ្រប់គ្រងកីឡានៅចិន ជាជំនាញកម្រ

បានផុស

១២ ខែ មុន

នៅ

ថ្ងៃពុធ ២ កក្កដា ២០២៥

ដោយ

គ្រូបង្វឹកកីឡាហែលទឹកពាក់ជើងទា លោក ហែមថុន ពន្លឺ វគ្គបណ្ដុះបណ្ដាលនៅឯប្រទេសចិន Sports Events Management គឺល្អមានសារសំខាន់ធ្វើឲ្យសិក្ខាកាមមានចំណេះដឹងថ្មីលើការគ្រប់គ្រងការប្រកួតបែបអន្តរជាតិធំៗ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ហែមថុន ពន្លឺ

លោក ហែមថុន ពន្លឺ បានឲ្យពីប្រទេសចិនមកថា វគ្គនេះសិក្សាចាប់ពីថ្ងៃទី១០ ដល់ថ្ងៃទី៣០ ខែមិថុនា ឆ្នាំ២០២៥ ដែលមានសិក្ខាកាមចំនួន២៥នាក់ មកពីបណ្តាប្រទេសចូលរួមចំនួន ១១ប្រទេស។ វគ្គបណ្ដុះបណ្ដាលនេះរៀបចំដោយមហាវិទ្យាល័យពាណិជ្ជកម្មបរទេសសានទុង និងឧបត្ថម្ភគាំទ្រដោយ ក្រសួងពាណិជ្ជកម្ម នៃសាធារណរដ្ឋប្រជាមានិតចិន។

ទិដ្ឋភាពបញ្ចប់វគ្គ (រូបភាពអគ្គនាយដ្ឋានកីឡា)

គ្រូបង្វឹកហែលទឹកពាក់ជើងទារូបនេះបន្ថែមទៀតថា សប្បាយចិត្តដែលបានរៀនវគ្គមួយនេះ និងទទួលបាននូវចំណេះដឹងថ្មីៗជាច្រើនពាក់ព័ន្ធការគ្រប់គ្រងលើការប្រកួតធំៗ។ នេះជាវគ្គដំបូងសម្រាប់លោកផ្ទាល់ដោយពីមុនមកពុំធ្លាប់បានចូលសិក្សាបែបៗនេះឡើយ។

សិក្ខាកាមកម្ពុជា

វគ្គនេះប្លែក និងលំបាកដែរនៅពេលចាប់ផ្ដើមសិក្សាដំបូងៗ ប៉ុន្តែក្រោយមកក៏ល្អប្រសើរ និងចាប់បាននូវការសិក្សានេះជាធម្មតាវិញ។ ខ្លឹមសារនៃការបណ្ដុះបណ្ដាលគឺបង្រៀនសិក្ខាកាមឲ្យចេះគ្រប់គ្រង់ការប្រកួតដោយប្រើប្រាស់ប្រព័ន្ធបច្ចេកវិទ្យាទំនើបៗ (System)។ អ្វីដែលស្ដាយនោះគឺបច្ចេកវិទ្យាទាំងនោះគឺប្រើប្រាស់លើការប្រកួតធំៗកម្រិតពិភពលោកឯណោះ ដូច្នេះមានតែសង្ខេបកែច្នៃឲ្យសមស្របផ្នែកណាមួយដើម្បីអាចយកមកប្រើប្រាស់នៅប្រទេសកម្ពុជាបាន។

ទិដ្ឋភាពបញ្ចប់វគ្គ (រូបភាពអគ្គនាយដ្ឋានកីឡា)

បញ្ជាក់ដែរថា គណៈកម្មាធិការជាតិអូឡាំពិកកម្ពុជា បានបញ្ចូនមន្ត្រីសហព័ន្ធ គ្រូបង្វឹក ចំនួន ៨រូបទៅសិក្សាវគ្គបណ្ដុះបណ្ដាល Sports Events Management នៅឯប្រទេសចិន រយៈពេល ២១ ថ្ងៃចាប់ពីថ្ងៃទី១០ ដល់ ៣០ ខែមិថុនា ឆ្នាំ២០២៥៕