កីឡា

NOCC ប្រកាសរៀបចំ ព្រឹត្តិការណ៍ម៉ារ៉ាតុងអន្តរជាតិចក្រភពអង្គរ ថ្ងៃអាទិត្យនេះដដែល

បានផុស

៥ នាទីutes មុន

នៅ

ថ្ងៃអង្គារ ២៩ កក្កដា ២០២៥

ដោយ

គណៈកម្មាធិការជាតិអូឡាំពិកកម្ពុជា បានប្រកាសរៀបចំ ព្រឹត្តិការណ៍រត់ប្រណាំងម៉ារ៉ាតុងអន្តរជាតិ ចក្រភពអង្គរ លើកទី១០ នៅថ្ងៃអាទិត្យ ទី៣ ខែសីហា ឆ្នាំ ២០២៥ ដដែល នៅខេត្តសៀមរាប។

កាលពីថ្ងៃទី ២៧ ខែ កក្កដា ឆ្នាំ ២០២៥ ដោយគណៈកម្មាធិការជាតិអូឡាំពិកកម្ពុជាបានប្រកាសលើកពេល ដោយសារប្រទេសជាតិកំពុងមានសង្គ្រាមនៅព្រំដែនជាមួយប្រទេសថៃ។ ថ្នាក់ដឹកនាំ និងប្រជាពលរដ្ឋទូទាំងប្រទេសត្រូវការរួមកម្លាំងសាមគ្គីគ្នាដើម្បីជួយដល់កម្លាំងទ័ពជួរមុខដែលលះបង់ជីវិត និងកម្លាំងកាយចិត្តក្នុងស្មារតីការពារបូរណភាពទឹកដី។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទោះបីជាយ៉ាងណា នៅព្រឹកថ្ងៃទី ២៩ ខែកក្កដា ឆ្នាំ ២០២៥ គណៈកម្មាធិការជាតិអូឡាំពិកកម្ពុជា បាននប្រកាសរៀបចំ ព្រឹត្តិការណ៍រត់ប្រណាំងម៉ារ៉ាតុងអន្តរជាតិ ចក្រភពអង្គរ លើកទី១០ ដដែល តាមការគ្រោងទុក នៅថ្ងៃអាទិត្យ ទី៣ ខែសីហា។

ការប្រកាសដំណើរការព្រឹត្តិការណ៍ឡើងវិញនេះ បន្ទាប់ពី ប្រមុខរាជរដ្ឋាភិបាលកម្ពុជា និងភាគីថៃ បានឈានដល់កិច្ចព្រមព្រៀងលើបទឈប់បាញ់គ្នា នៅប្រទេសម៉ាឡេស៊ី កាលពីល្ងាចថ្ងៃទី២៨ ខែកក្កដា ឆ្នាំ ២០២៥ ដោយមានសហរដ្ឋអាមេរិក សហគមអាស៊ាន និងចិនចូលរួមក្នុងកិច្ចចរចា ដើម្បីស្តារសន្តិភាពឡើងវិញនៅតំបន់ព្រំដែនរវាងប្រទេសទាំងពីរ៕