កីឡា

ក្រុមកីឡាម៉ូតូទឹកកម្ពុជា ដណ្ដើមបានមេដាយ៥គ្រឿង នៃការប្រកួតនៅឯប្រទេសបែលហ្ស៊ិក

បានផុស

២ នាទីutes មុន

នៅ

ថ្ងៃចន្ទ ២៨ កក្កដា ២០២៥

ដោយ

ក្រុមជម្រើសជាតិកីឡាម៉ូតូទឹកកម្ពុជា បានដណ្ដើមេដាយចំនួន ៥គ្រឿងជូនជាតិមាតុភូមិក្នុងការប្រកួត នៃព្រឹត្តិការណ៍ WGP1 JET SKI WORLD SERIES ជុំទី២ ដែលទើបបញ្ចប់នៅឯប្រទេសបែលហ្ស៊ិក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

រួបភាព CGB Media

ការប្រកួតកម្រិតពិភពលោក WGP1 JET SKI WORLD SERIES ជុំទី២ នេះចាប់ធ្វើឡើងកាលពីថ្ងៃទី២៤ ដល់ ២៧ ខែកក្កដា ឆ្នាំ២០២៥ នៅប្រទេសបែលហ្ស៊ិក និងទើបតែបញ្ចប់កាលពីម្សិលមិញនេះ។ បើតាមការស៊ែរបស់លោក សាលី អ៊ូមើត អនុប្រធានសហព័ន្ធកីឡាម៉ូតូទឹកកម្ពុជានៅមុននេះគឺបានបញ្ជាក់ថា ក្រុមកម្ពុជាដណ្ដើមបានមេដាយ ៥គ្រឿងក្នុងនោះមានមេដាយមាស ១ ប្រាក់ ១ និងសំរឹទ្ធ ៣គ្រឿង។

រួបភាព CGB Media

កីឡាករ ម៉ីន អូស្មាន់ ដណ្ដើមបានមេដាយ ២គ្រឿង មាស ១ ប្រាក់ ១។ ចំណែកកីឡាករ សាលី ហ្វីលីន ដណ្ដើមបានមេដាយសំរឹទ្ធ ២គ្រឿង និងកីឡាករ កៃ វ៉ាន់ស៊ីដែន ដណ្ដើមបានមេដាយសំរឹទ្ធ ១គ្រឿងផងដែរពីការប្រកួតមួយនេះ។

ចំពោះការវិលត្រឡប់របស់ក្រុមជម្រើសជាតិកីឡាម៉ូតូទឹកកម្ពុជាមកកាន់មាតុភូមិវិញនៅថ្ងៃណានោះគឺមិនទាន់បានបញ្ជាក់នៅឡើយទេ៕ ប្រភពហ្វេសបុក សាលី អ៊ូមើត និង CGB Media