កីឡា

សហព័ន្ធបាល់ទាត់កម្ពុជា មិនទាន់ទទួលបានព័ត៌មានអ្វីពីការស្នើសុំផ្លាស់ប្តូរម្ចាស់ផ្ទះ របស់ អ៊ីរ៉ាក់ ពាន U23 Asian Cup

បានផុស

១២ ខែ មុន

នៅ

ថ្ងៃអង្គារ ២៩ កក្កដា ២០២៥

ដោយ

សមាគមបាល់ទាត់ អ៉ីរ៉ាក់ បានដាក់លិខិតជាផ្លូវការ ដើម្បីស្នើសុំទៅ សហព័ន្ធកីឡាបាល់ទាត់អាស៊ី (AFC) ដើម្បីផ្លាស់ប្តូរម្ចាស់ផ្ទះដែលកម្ពុជា សម្រាប់ការប្រកួតវគ្គជម្រុះពានរង្វាន់ U23 ASIAN CUP ឆ្នាំ ២០២៥ ក្នុងពូល G និងស្នើជ្រើសរើសប្រទេសផ្សេងជំនួសវិញ ដោយសារពួកគេបារម្ភពីបញ្ហាសុវត្ថិភាពកីឡាករ បន្ទាប់ពីមានជម្លោះព្រំដែនរវាងកម្ពុជា និង ថៃ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មន្ត្រីរបស់សមាគមបាល់ទាត់អ៉ីរ៉ាក់ បានពន្យល់ថា៖ «ការសម្រេចចិត្តនេះបានកើតឡើង ដោយសារតែស្ថានភាពមិននឹងនររវាងកម្ពុជា និង ថៃ។ ជាពិសេស គឺគម្រោងរបស់យើង គ្រោងនឹងបោះជម្រុំហ្វឹកហាត់នៅប្រទេស ថៃ ដោយសារតែទីនោះកៀកនឹងប្រទេសធ្វើម្ចាស់ផ្ទះ»។

ជុំវិញការស្នើសុំផ្លាស់ប្តូរម្ចាស់ផ្ទះនេះ លោក កែវ សារ៉េត អគ្គលេខាធិការសហព័ន្ធកីឡាបាល់ទាត់កម្ពុជា ប្រាប់ «កម្ពុជាថ្មី» នៅល្ងាចថ្ងៃទី២៨ ខែកក្កដា ឆ្នាំ ២០២៥ បានឱ្យដឹងថា មកដល់ពេលនេះ សហព័ន្ធបាល់ទាត់កម្ពុជា មិនទាន់ទទួលបានលិខិតផ្លូវការអំពីការស្នើសុំប្តូរធ្វើជាម្ចាស់ផ្ទះក្នុងពានរង្វាន់ U23 ASIAN Cup ពី AFC នៅឡើយទេ។ ដូច្នេះទាល់តែសហព័ន្ធបាល់ទាត់កម្ពុជាទទួលបានលិខិតពី AFC សិន ទើបដឹងត្រូវធ្វើការសម្រេចចិត្តបែបណា។

កម្ពុជា ទទួលបានសិទ្ធិធ្វើម្ចាស់ផ្ទះវគ្គជម្រុះពូល G ដែលមានប្រទេស អ៉ីរ៉ាក់ អូម៉ង់ និង ប៉ាគីស្ថាន សម្រាប់ពានរង្វាន់យុវជនអាស៊ី AFC U23 ASIAN Cup ចាប់ពីថ្ងៃទី ១ ដល់ថ្ងៃទី ៩ ខែ កញ្ញា ឆ្នាំ ២០២៥៕

អត្ថបទ៖ វីរបុត្រ

Related Topics:AFC U23 Asian Cup