វិធីច្បាស់លាស់ ក្នុងការពង្រីកវិសាលភាពនៃការទូទាត់ តាមរយៈឌីជីថល ក្នុងចំណោមអ្នកប្រើប្រាស់នៅកម្ពុជា​
Connect with us
Helistar Cambodia - Helicopter Charter Services

បច្ចេកវិទ្យា

វិធីច្បាស់លាស់ ក្នុងការពង្រីកវិសាលភាពនៃការទូទាត់ តាមរយៈឌីជីថល ក្នុងចំណោមអ្នកប្រើប្រាស់នៅកម្ពុជា​

បានផុស

នៅ

នៅថ្ងៃនេះ Visa ដែលជាក្រុមហ៊ុនបច្ចេកវិទ្យាទូទាត់សាច់ប្រាក់ តាមរយៈប្រព័ន្ធឌីជីថលឈានមុខគេ បានបង្ហាញពីសក្តានុពលដ៏ធំធេងនៃការរីកចម្រើនរបស់វិស័យធនាគារឌីជីថល និង​ការទូទាត់​ប្រាក់​នៅក្នុង​ប្រទេស​កម្ពុជា ខណៈពេលដែល​អ្នកប្រើប្រាស់​ទើប​ចាប់ផ្តើម​យល់ដឹង​ពី​ឥទ្ធិពល​នៃ​ការប្រើប្រាស់​ប្រព័ន្ធ​ឌីជីថល​។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

​តាមរយៈ​ការសិក្សា​[1] របស់​ក្រុមហ៊ុន Visa ស្តីពី “​ឥរិយាបថ​ក្នុងការ​ទូទាត់​ប្រាក់​របស់​អ្នកប្រើប្រាស់​” បាន​គូសបញ្ជាក់ថា ធនាគារ​ឌីជីថល និង​ការទូទាត់​ប្រាក់​តាមរយៈ​ប្រព័ន្ធ​ឌីជីថល ហាក់ដូចជា​នៅតែ​បន្ត​ជា​ទស្សនៈ​ថ្មី​សម្រាប់​ទីផ្សារ​កម្ពុជា​នៅឡើយ បើទោះបីជា​ចំណាប់អារម្មណ៍​របស់​អ្នកប្រើប្រាស់​មានការ​កើនឡើង ​ក្នុងអំឡុងពេល​មាន​ជំងឺ​កូ​វីដ១៩ ក៏ដោយ​។ ហេតុ​ដូច្នេះហើយ ការប្រមូលផ្តុំ​នៃ​ទិន្នន័យ​អ្នកប្រើប្រាស់​ហាក់ដូច​នៅមាន​កម្រិត​ដោយសារ​ចំនួន​អ្នកប្រើប្រាស់​នៅមាន​កំណត់ ទៅលើ​ដំណោះស្រាយ​ការទូទាត់​តាមរយៈ​សេវាកម្ម​ធនាគារ​ឌីជីថល និង​ពាណិជ្ជកម្ម​តាម​ប្រព័ន្ធ​បណ្តាញ​ទំនាក់ទំនង​សង្គម (​ទោះ​ក្នុង​កម្រិត​មូលដ្ឋាន​) ។

​អ្នកស្រី ជុំ ម៉ូ​នី​កា នាយិកា​គ្រប់គ្រង​ក្រុមហ៊ុន Visa ប្រចាំ​ប្រទេស​កម្ពុជា បាន​មានប្រសាសន៍ថា​៖ “ ការយល់ដឹង​របស់​អ្នកប្រើប្រាស់ នៅតែ​ជា​ឧបសគ្គ​ដ៏​ធំ​មួយ​សម្រាប់​ការពង្រីក​វិសាលភាព​នៃ​ការទូទាត់​តាមរយៈ​ប្រព័ន្ធ​ឌីជីថល ពោល​គឺមាន​អ្នកប្រើប្រាស់​តែត្រឹម​តែ ១៩ ភាគរយ ប៉ុណ្ណោះ​ដឹង​អំពី​ប្រព័ន្ធ​ធនាគារ​ឌីជីថល​។ នេះ​មានន័យថា​ យើង​មានឱកាស​ដ៏​ល្អ​ ដើម្បី​ជំរុញ​ការចាប់អារម្មណ៍ និង​បង្កើន​ការប្រើប្រាស់ ដោយ​គ្រាន់តែ​បន្ថែម​ការអប់រំ​ដល់​អតិថិជន​ឱ្យ​យល់ដឹង​ពី​ជម្រើស​ដែលមាន​ស្រាប់​។

​ជាការ​ពិតណាស់ ក្នុងចំណោម​អ្នកប្រើប្រាស់​ដែល​បាន​ស្គាល់​ពី​សេវាកម្ម​នៃ​ធនាគារ​ឌីជីថល មាន​ត្រឹមតែ ៣៤ ភាគរយ ប៉ុណ្ណោះ​ដែល​ចាប់អារម្មណ៍​ក្នុងការ​ប្រើ​វា​។ ខណៈពេលដែល​ទស្សនៈ​ថ្មីថ្មោង​នេះ ហាក់បី​អាចជា​គន្លឹះ​ដ៏​សំខាន់​ក្នុងការ​ទាក់ទាញ​អ្នកប្រើប្រាស់ កង្វះ​ភាព​យល់ដឹង​ជុំវិញ​ផល​លំបាក​ក្នុង​ការភ្ជាប់​សេវា​កម្មនេះ (​ក្នុងចំណោម​អ្នកប្រើប្រាស់​ប្រមាណ ៣២​ភាគរយ​) ក៏​អាចជា​មូលហេតុ​បណ្តាលឱ្យ​ការប្រើប្រាស់​នៅមាន​កម្រិត​ទាប​។

​និន្នាការ​ស្រដៀង​គ្នា​នេះ ក៏​សង្កេតឃើញ​មាននៅ​ក្នុង​ពាណិជ្ជកម្ម​តាម​ប្រព័ន្ធ​សង្គម ដែល​អ្នកប្រើប្រាស់​រហូត​ដល់​ទៅ ៣៣ ភាគរយ បាន​ព្យាយាម​ទិញ​ឥវ៉ាន់​តាមរយៈ​ពាណិជ្ជកម្ម​អន​ឡាញ​ប្រព័ន្ធ​បណ្តាញ​ទំនាក់ទំនង​សង្គម​ជា​លើកដំបូង ​ក្នុងអំឡុងពេល​កូ​វីដ​-១៩ ប៉ុន្តែ​មានតែ ២៤ ភាគរយ ប៉ុណ្ណោះ​ដែល​បានដឹង​ពី​ការទូទាត់​តាមរយៈ​ឌីជីថល​។ ដូចគ្នា​នឹង​សេវាកម្ម​ធនាគារ​ឌីជីថល​ដែរ ៤៥ ភាគរយ នៃ​អតិថិជន មានការ​ចាប់អារម្មណ៍​បំផុត ចំពោះ​ភាពងាយស្រួល និង​រហ័ស របស់​បណ្តាញ​ប្រតិបត្តិការ​នៃ​ការទូទាត់​នេះ ចំណែក ៣០ ភាគរយ គឺ​ទំនោរ​ទៅលើ​ការច្នៃប្រឌិត​ថ្មីៗ និង​ភាពទំនើប​របស់​វា​។

​អ្វីដែល​មិនមែនជា​ការភ្ញាក់ផ្អើល​នោះ​ គឺវិធីសាស្ត្រ​ទូទាត់​ប្រាក់​ដែល​កាន់តែ​ជឿនលឿន គឺ​នៅតែ​ជា​ភាព​ថ្មីថ្មោង​ចំពោះ​ទីផ្សារ ហើយ​ការយល់ដឹង​នៅមានកម្រិត​តិចតួច​។ ក្នុងនោះ​មានតែ ១៤ ទៅ​១៥ ភាគរយ ប៉ុណ្ណោះ​ដែល​ដឹង​អំពី​កាត​និម្មិត ការទូទាត់​ដោយ​ប្រើ​ជីវមាត្រ​តាមរយៈ​ការប្រើ​ស្កេ​ន​ស្នាម​ក្រយៅ​ដៃ ឬ​មុខ (biometric payments) ហើយ​មានតែ ១ ភាគ ៣ ប៉ុណ្ណោះ​ដែល​ចាប់អារម្មណ៍​ ក្នុងការ​សាកល្បង​ប្រើប្រាស់​វា ខណៈដែល​កាត​និម្មិត​បានទទួល​ការចាប់អារម្មណ៍​ច្រើន​បំផុត (៣៥ ភាគរយ​) ចំណែក​កាត​ដែល​គ្មាន​លេខ ទទួល​បាន​ការចាប់អារម្មណ៍​ទៅលើ​ការប្រើប្រាស់​យ៉ាងហោចណាស់ ២៨ ភាគរយ។

​មូលហេតុ​ចម្បង​ដែល​ជំរុញ​ចំណាប់អារម្មណ៍​អ្នកប្រើប្រាស់ ​ក្នុងការ​ទូទាត់​តាមរយៈ​ការទូទាត់​ដោយ​ប្រើ​ជីវមាត្រ (​ការ​ស្កេ​ន​ស្នា​ម​ក្រយៅ​ដៃ ឬ​មុខ​) និង​កាត​ដែល​គ្មាន​លេខ គឺ​ភាពងាយស្រួល (​ប្រហែល​៥៤​ភាគរយ​) និង​ភាព​រហ័ស (​ប្រមាណ ៤៥​ភាគរយ​) នេះ​បើ​យោង​តាម​ការ​ស្ទង់​ជាមួយ​អ្នកប្រើប្រាស់ ហើយ​មូលហេតុ​ផ្សេងទៀត​ គឺ​ការនិយម​តាម​គ្នា​លើ​ការទូទាត់​តាមរយៈ​ការ​ស្កេ​ន​ស្នា​ម​ក្រយៅ​ដៃ ឬ​មុខ ដែល​ក្នុងនោះ​មាន​ចំនួន ៣៧ ភាគរយ និង​ការចង់​ស្វែងយល់​ពីអ្វី​ដែល​ថ្មី​លើ​ការប្រើប្រាស់​កាត​ដែល​គ្មាន​លេខ មាន​ចំនួន ៤១ ភាគរយ។

​យោង​តាមរយៈ​ការសិក្សា​[2] របស់​ក្រុមហ៊ុន Visa ស្តីពី “​ឥរិយាបថ​ក្នុងការ​ទូទាត់​ប្រាក់​របស់​អ្នកប្រើប្រាស់​” បានបង្ហាញ​ពី​យុទ្ធសាស្ត្រ​ច្បាស់លាស់​មួយ​ក្នុងការ​លើកកម្ពស់​ការ​ទូទាត់​តាមរយៈ​ឌីជីថល​។ យុទ្ធសាស្ត្រ​ដែល​អាច​ជះឥទ្ធិពល​ដ៏​ខ្លាំងក្លា​បំផុត គឺ​ការ​ផ្តោតលើ​សេវាកម្ម​ដែល​សាមញ្ញ​ដូចជា​ការផ្ទេរ​ប្រាក់​តាម​រយៈ​ឌីជីថល​ទៅ​ក្រុមគ្រួសារ និង​មិត្តភក្តិ (​មាន​អ្នក​ចំណាប់អារម្មណ៍​ប្រហែល ៦៣%) ឬ​ការគាំទ្រ លើ​ប្រាក់​បញ្ញើ និង​ការដក​ប្រាក់ (​មាន​អ្នក​ចំណាប់អារម្មណ៍ ៦០%) ។ ស្របពេល​ជាមួយគ្នានេះដែរ​ ការអប់រំ​ផលិតផល​មូលដ្ឋាន រួមជាមួយ​ការលើកទឹកចិត្ត​ដែល​មិនមាន​ភាពស្មុគស្មាញ​ដូចជា ថ្លៃដើម​ទាប និង​ការផ្តល់​រង្វាន់​លើកទឹកចិត្ត អាច​នឹង​ទាក់ទាញ​អ្នកប្រើប្រាស់​កាន់តែ​ច្រើនឡើង ដោយ​ក្នុងនោះ ៤៥ ភាគរយ នៃ​អ្នកប្រើប្រាស់​បាន​និយាយថា ពួកគេ​នឹង​ប្តូរ​មក​ប្រើ​សេវាកម្ម​ធនាគារ​ឌីជីថល​ ដែលមាន​តម្លៃ​ទាប ហើយ ៤៥ ភាគរយ ទៀត គឺ​ដើម្បី​ទទួលបាន​រង្វាន់​លើកទឹកចិត្ត​បន្ថែម​។​

​អំពី​ក្រុមហ៊ុន Visa

Visa Inc. (NYSE: V) គឺជា​ក្រុមហ៊ុន​នាំមុខគេ​ ក្នុង​បច្ចេកវិទ្យា​ទូទាត់​សាច់ប្រាក់​តាមរយៈ​ឌីជីថល​។ បេសកកម្ម​របស់​យើង​ គឺ​ផ្សារភ្ជាប់​ពិភពលោក​ទាំងមូល​តាម​រយៈ​ការតភ្ជាប់​បណ្តាញ​ទូទាត់​ប្រាក់​ប្រកបដោយ​ភាព​ច្នៃប្រឌិត​ថ្មី អាច​ទុកចិត្តបាន និង​មាន​សុវត្ថិភាព​បំផុត ជាមួយ​អ្នកប្រើប្រាស់ អាជីវករ និង​ជួយ​ឲ្យ​សេដ្ឋកិច្ច​មានការ​រីកចម្រើន​។ បណ្តាញ​ទំនើប​ឈានមុខ​គេ​បំផុត​មួយ​របស់​ពិភពលោក​គឺ VisaNet របស់​យើង ផ្តល់​ការទូទាត់​ដែល​អាច​ទុកចិត្តបាន​ និង​មាន​សុវត្ថិភាព​នៅ​ទូទាំង​ពិភពលោក នឹងមាន​លទ្ធភាព​គ្រប់គ្រង​ប្រតិបត្តិការ​ជាង ៦៥,០០០​ប្រតិបត្តិការ​ក្នុង​មួយ​វិនាទី​។ ក្រុមហ៊ុន​ផ្តោត​ការយកចិត្តទុកដាក់​ឥត​ឈប់​ឈរលើ​ការច្នៃប្រឌិត ដែល​នេះ​ជា​កត្តា​ជំរុញ​ដល់​ភាព​រីកចម្រើន​យ៉ាង​ឆាប់រហ័ស​នៃ​ការធ្វើ​ពាណិជ្ជកម្ម​បែប​ឌីជីថល​ដែល​បាន​ផ្សារភ្ជាប់​ទៅនឹង​ឧបករណ៍​អេ​ទ្បិ​ច​ត្រូ​និក​ណា​ក៏បាន សម្រាប់​មនុស្ស​គ្រប់គ្នា​នៅ​គ្រប់​ទីកន្លែង​។ នៅពេលដែល​ពិភពលោក​ផ្លាស់ប្តូរ​ពី analog ទៅ​ឌីជីថល​ក្រុមហ៊ុន Visa ក៏​កំពុងតែ​ពង្រឹង​លើ​ស្លាក​សញ្ញា ផលិតផល បុគ្គលិក និង​បណ្តាញ​របស់ខ្លួន​រួចជាស្រេច​ដើម្បី​ចូលរួម​ជាមួយនឹង​ការផ្លាស់ប្តូរ​ពាណិជ្ជកម្ម​នា​ថ្ងៃ​អនាគត​។ ព័ត៌មាន​បន្ថែម​សូម​ចូលទៅ​កាន់​គេហទំព័រ visa.com/blog និង @VisaNews.

​ព័ត៌មាន​បន្ថែម សូម​ទំនាក់ទំនង​មកកាន់​៖

​កញ្ញា ត្រាង ង្វៀន (Trang Nguyen)​ ​

​ក្រុមហ៊ុន Visa Worldwide Pte. Limited​ ​

​ទូរស័ព្ទ ៖ (84) 28 3520 7439

​អ៊ី​ម៉ែ​ល ៖ [email protected]​ ​

​កញ្ញា គ្រី សុ​វណ្ណា​រី​

​ក្រុមហ៊ុន Red Dot (Cambodia) Co., Ltd តំណាង​ក្រុមហ៊ុន Visa Inc.

​ទូរស័ព្ទ ៖ (855) 11 733 368

​អ៊ី​ម៉ែ​ល ៖ [email protected]

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៤១ នាទី មុន

រដ្ឋបាល​រាជធានី​ភ្នំពេញ មាន​ការ​ធ្វើ​ចរាចរណ៍​ចំពោះ​ឡាន​ធំ ដឹកទំនិញ​ឆ្លងកាត់​ផ្លូវ​លេខ​២០​អា ខណៈ​មានទឹក​ហូរ​កាត់​នៅ​យប់​នេះ

ព័ត៌មានជាតិ២ ម៉ោង មុន

សម្តេច​តេ​ជោ ហ៊ុន សែន ​៖ ​តួនាទី​សំខាន់​៣​របស់​វិស័យ​ឯកជន​រួមចំណែក​សម្រេច​នូវ​ការងារ​អាទិភាព​និង​ផែនការ​ការងារ​អាស៊ាន​ក្នុង​ឆ្នាំ​២០២២

ព័ត៌មានជាតិ២ ម៉ោង មុន

ការស្ថាបនា​ផ្លូវ ៣៨​ខ្សែ ក្រុង​សៀមរាប សម្រេច​បាន ៨៣,៨៧% ក្នុង រយៈពេល​១១ ខែ (​គិត​ត្រឹម​ថ្ងៃ ១៥ តុលា ២០២១) គ្រោង​បញ្ចប់​ការស្ថាបនា ក្នុង​ចុងខែ​ធ្នូ ឆ្នាំ​២០២១

ព័ត៌មានជាតិ២ ម៉ោង មុន

អាវុធហត្ថ​ត្រៀម​កម្លាំង មធ្យោបាយ សម្ភារៈ​រួចជាស្រេច​ដើម្បី​សង្គ្រោះ​ប្រជាពលរដ្ឋ​ដែល​រងគ្រោះ​ដោយ​ទឹកជំនន់

ព័ត៌មានជាតិ៤ ម៉ោង មុន

ក្រុម​ហ៊ុន HEINEKEN Cambodia ឈ្នះ​ពានរង្វាន់​ធនធានមនុស្ស​ផ្នែក​អភិវឌ្ឍន៍​អាជីព​ល្អ​បំផុត​ប្រចាំ​តំបន់​អាស៊ី​ប៉ាស៊ីហ្វិក​

Sokha Hotels

ព័ត៌មានពេញនិយម

Helistar Cambodia - Helicopter Charter Services