សន្តិសុខសង្គម

ខ្យល់កន្ត្រាក់ បណ្ដាលឱ្យដើមជ្រៃក្រឹមមួយដើម រលំសង្កត់រ៉ឺម៉កកាហ្វេ និងកង់បីឥណ្ឌារងការខូចខាត

បានផុស

១ year មុន

នៅ

ថ្ងៃអង្គារ ៣ មិថុនា ២០២៥

ដោយ

ភ្នំពេញ ៖ នាល្ងាចថ្ងៃទី០២ ខែមិថុនា ឆ្នាំ២០២៥ មានភ្លៀងរលឹមស្រិចៗ លាយឡំនឹងខ្យល់កន្ត្រាក់បណ្ដាលឱ្យដើមជ្រៃក្រឹមមួយដើមយ៉ាងធំបាក់សង្កត់លើរ៉ឺម៉កលក់កាហ្វេ នឹងកង់បីឥណ្ឌា ធ្វើឱ្យភ្ញៀវផ្អើលរត់ព្រាត នៅតាមបណ្តោយផ្លូវលេខ ៥៥ ស្ថិតក្នុងសង្កាត់ បឹងរាំង ខណ្ឌដូនពេញ រាជធានីភ្នំពេញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើតាមប្រភពពីពលរដ្ឋបានអោយដឹងថា មុនកើតហេតុ មានខ្យល់កន្រ្តាក់បោកបក់ខ្លាំងមែនទែន ស្របពេលនោះ អ្នកឃើញហេតុការណ៍បានចេញមកខាងមុខផ្ទះ ស្រាប់តែបានឃើញដើមជ្រៃក្រឹម មួយដើមយ៉ាងធំ បានទ្រេតមកបន្តិចម្តងៗ ទៅសង្កត់លើរ៉ឺម៉កលក់កាហ្វេ នឹង កង់បីឥណ្ឌា កំពុងចតកៀនផ្លូវ រងការខូចខាត តែសំណាងល្អមិនបង្កឱ្យភ្ញៀវកំពុងអង្គុយផឹកកាហ្វេក្រោមដើមឈើនោះ រងរបួសនោះឡើយ។ ភ្លាមៗ ម្ចាស់កង់បីឥណ្ឌា នឹង ម្ចាស់រ៉ឺម៉កកាហ្វេ បាននាំគ្នាអូសយកចេញពីកន្លែងកើតហេតុ ដើម្បីយកជួសជុលខ្លួនឯង។