Connect with us

ព័ត៌មានអន្ដរជាតិ

កូរ៉េខាងត្បូង​រៀបចំ​ការ​បោះ​ឆ្នោត​បន្ទាប់​ពី​លោក Yoon ត្រូវ​បាន​បណ្តេញ​ចេញ​ ពាក់ព័ន្ធ​ការ​ប្រកាស​​ច្បាប់អាជ្ញាសឹក

បានផុស

នៅ

ប្រជាជនកូរ៉េខាងត្បូងបានធ្វើដំណើរទៅបោះឆ្នោតជ្រើសរើសប្រធានាធិបតីនៅថ្ងៃអង្គារនេះ បន្ទាប់ពីការទម្លាក់ប្រធានាធិបតី​បក្ស​អភិរក្សនិយមលោក Yoon Suk Yeol​ ដែលរងការចោទប្រកាន់ពីបទបះបោរទាក់ទងនឹងការប៉ុនប៉ងបរាជ័យរបស់លោកក្នុងការដាក់ច្បាប់អាជ្ញាសឹកកាលពីខែធ្នូឆ្នាំមុន។ នេះបើយោងតាមការចេញផ្សាយរបស់បុស្តិ៍ទូរទស្សន៍បារាំង France 24​ នៅថ្ងៃទី០៣ខែមិថុនានេះ។

(រូបភាព៖ Reuters)
សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការដកតំណែងរបស់លោក Yoon បានបង្កឱ្យមានការតវ៉ាយ៉ាងធំ និងវិបត្តិនយោបាយ​ពាសពេញ​ប្រទេស​កូរ៉េ​ខាង​ត្បូង ក៏​ដូចជា​ទាញ​សេដ្ឋកិច្ច​របស់​​ប្រទេស​ឱ្យ​ធ្លាក់​ចុះ និង​ប៉ះពាល់​ដល់​សកម្មភាព​ការទូត​នានា។

ការ​បោះ​ឆ្នោតជ្រើសរើប្រធានាធិបតី​នេះ​មានបេក្ខភាព​សេរី​និយមលោក Lee Jae-myung ប្រឆាំង​នឹងបេក្ខភាព​អភិរក្សលោក Kim Moon Soo។

លោក Lee គឺ​ជាអតីតអភិបាលខេត្ត និងធ្លាប់មានបញ្ហាជាមួយ​ករណី​ពុករលួយ និងទ្រព្យសម្បត្តិ តែទោះយ៉ាងណាលោកបានប្តេជ្ញាថានឹងផ្សះផ្សារ​ជាតិ ដោះស្រាយ​បញ្ហា​វិសមភាព និងរក្សាទំនាក់ទំនងដ៏រឹងមាំជាមួយ​សហរដ្ឋអាមេរិក ខណៈពេលដែលមានការប្រុងប្រយ័ត្នជាមួយនឹងពន្ធរបស់លោក Trump និងគោលនយោបាយកូរ៉េខាងជើង។

ចំណែកលោក Kim ដែលជាអតីតរដ្ឋមន្ត្រីការងារក្រោមការដឹកនាំរបស់លោក Yoon បានព្រមានថា ជ័យជម្នះរបស់លោក Lee នឹងនាំមកនូវការសងសឹកផ្នែកនយោបាយ និងការបង្រួបបង្រួមអំណាចហួសហេតុ។ លោកបានចោទប្រកាន់លោក Lee ថាមានបំណងចង់កាន់អំណាចផ្តាច់ការ ខណៈពេលលោក Kim សន្យាថានឹងមានទំនាក់ទំនងកាន់តែរឹងមាំជាមួយសហរដ្ឋអាមេរិក និងធ្វើកិច្ចប្រជុំកំពូលភ្លាមៗជាមួយលោក Donald Trump ។

(រូបភាព៖ VCG)

ប្រធានាធិបតីថ្មីនឹងស្បថចូលកាន់តំណែងភ្លាមៗសម្រាប់រយៈពេលប្រាំឆ្នាំ។ ចំនួនអ្នកទៅបោះឆ្នោតមានច្រើន ដោយមានជាង ១៥ លាននាក់បានបោះឆ្នោតមុនកាលកំណត់ និងរាប់លាននាក់ទៀតនឹងបោះឆ្នោតនៅពេញមួយថ្ងៃអង្គារនេះ។ អ្នកឈ្នះត្រូវបានគេរំពឹងថានឹងត្រូវបានប្រកាសនៅពាក់កណ្តាលអធ្រាត្រថ្ងៃអង្គារ។

សូមបញ្ជាក់ថា ការបោះឆ្នោតនេះគឺជាពេលវេលាដ៏សំខាន់មួយសម្រាប់លទ្ធិប្រជាធិបតេយ្យរបស់ប្រទេសកូរ៉េខាងត្បូង ដែលមានភាពតានតឹងដោយភាពចលាចលនយោបាយជាច្រើនខែ និងភាពមិនច្បាស់លាស់ដែលបន្តកើតមានចំពោះឯកភាពក្នុង​ប្រទេស គោលនយោបាយការបរទេស និងការស្តារសេដ្ឋកិច្ចឡើងវិញ៕

(រូបភាព៖ Reuters) លោក Lee Jae-myung
(រូបភាព៖ Reuters) លោក Kim Moon Soo

អត្ថបទ៖ ប៊ុន សុភាព

Helistar Cambodia - Helicopter Charter Services
Sokimex Investment Group
ព័ត៌មានជាតិ៣ នាទីutes មុន

៤ខែដើមឆ្នាំ២០២៥ បទល្មើសព្រហ្មទណ្ឌថយចុះជាង២០០លើក ធៀបនឹងឆ្នាំ២០២៤

ជីវិតកម្សាន្ដ៦ នាទីutes មុន

ពូជ្រួញ មានគម្រោងទៅ «ប្រាសាទតាមាន់ និងតាក្របី» ម្តងទៀត ដើម្បីផលិតវីដេអូនិងផ្តិតរូបភាព

ព័ត៌មានអន្ដរជាតិ៧ នាទីutes មុន

បុរសជនជាតិឥណ្ឌារត់ពន្ធពស់វែក ៤៧ក្បាលក្នុងវ៉ាលី ត្រូវបានចាប់ខ្លួននៅអាកាសយានដ្ឋាន Mumbai

ព័ត៌មានអន្ដរជាតិ១៥ នាទីutes មុន

កូរ៉េខាងត្បូង​រៀបចំ​ការ​បោះ​ឆ្នោត​បន្ទាប់​ពី​លោក Yoon ត្រូវ​បាន​បណ្តេញ​ចេញ​ ពាក់ព័ន្ធ​ការ​ប្រកាស​​ច្បាប់អាជ្ញាសឹក

ព័ត៌មានអន្ដរជាតិ២០ នាទីutes មុន

មនុស្ស១២នាក់រងរបួសក្នុងហេតុការណ៍ចាក់សម្លាប់នៅ​អង្គការ​ទី​ជម្រក​ជន​អនាថា​រដ្ឋ Oregon

Sokha Hotels

ព័ត៌មានពេញនិយម