អ្នកចាំទីដៃស្អិត Joan García យល់ព្រមលក្ខខណ្ឌផ្លាស់ទៅក្លិប Barcelona

អ្នកចាំទីរបស់ Espanyol កីឡាករ Joan Garcia បានព្រមព្រៀងលក្ខខណ្ឌ ក្នុងការផ្លាស់ទៅចូលរួមជាមួយក្លិប​ Barcelona នៅរដូវក្តៅនេះហើយ។

យោងតាមការចុះផ្សាយដោយអ្នកកាសែត អ៉ីតាលី លោក Fabrizio Romano បានឱ្យដឹងថា អ្នកចាំទី Joan Garcia កាន់តែខិតជិត ក្នុងការផ្លាស់ទៅចូលរួមជាមួយ Barcelona នៅរដូវក្តៅនេះ បន្ទាប់ពីមានកិច្ចព្រមព្រៀងកើតឡើង។

ប្រភពដដែលបានបន្ថែមថា បច្ចុប្បន្នទាំងភាគីក្លិបទាំង​ពីរ និងសាមី​ខ្លួន​កីឡាករ កំពុង​ចរចាគ្នានៅដំណាក់កាលចុងក្រោយ អំពីការផ្ទេរអ្នកចាំទីសញ្ជាតិ អេស្ប៉ាញ​វ័យ ២៤ ឆ្នាំរូបនេះ ហើយការសម្រេចផ្លូវការនឹងរួចរាល់ក្នុងពេលឆាប់ៗនេះ។

គួរបញ្ជាក់ថា Joan Garcia គឺជាយុវជន ដែលបានកើតចេញពីថ្នាលរបស់ Espanyol តែម្តង ហើយរូបគេត្រូវបានក្លិបតម្លើងមកកាន់ក្រុមធំនៅខែ កក្កដា ឆ្នាំ ២០២១។ ក្នុងការបង្ហាញខ្លួន ៤ រដូវកាលមកនេះ អ្នកចាំទីវ័យ ២៤ ឆ្នាំពិតជាបង្ហាញសមត្ថភាពលេចធ្លោរមែនទែន រហូតទទួលបានការចាប់អារម្មណខ្លាំងពីក្លិបធំៗនៅ អឺរ៉ុប ជាពិសេស គឺ Barcelona។ យ៉ាងណា កិច្ចសន្យារបស់គេ គឺនៅសល់ ៣ រដូវកាលទៀត ជាមួយក្រុម Espanyol ពោលគឺដល់ខែ មិថុនា ឆ្នាំ ២០២៨៕

ប្រែសម្រួល៖ សេម កុសល
ប្រភព៖ Fabrizio Romano