ចរាចរណ៍

រថយន្តដឹកដីលើមហាវិថីវិមានឈ្នះឈ្នះ បុកគ្នាពីក្រោយខូចខាតខ្ទេចមួយកំណាត់មុខ

បានផុស

៣ years មុន

នៅ

ថ្ងៃសុក្រ ៣១ ធ្នូ ២០២១

ដោយ

រថយន្ដដឹកដីធន់ធំពីរគ្រឿងបើកបុកគ្នាពីក្រោយពេញទំហឹងបណ្ដាលឲ្យខូចខាតខ្ទេចមួយកំណាត់មុខ តែមិនបណ្ដាលឲ្យមានអ្នករងរបួសនោះទេ។

ហេតុការណ៍គ្រោះថ្នាក់ចរាចរណ៍នេះបានកើតឡើងនៅវេលាម៉ោង០៩ព្រឹក ថ្ងៃទី៣១ ខែធ្នូ ឆ្នាំ២០២១ ស្ថិតតាមបណ្ដោយមហាវិថីឈ្នះឈ្នះ ក្នុងសង្កាត់គោករការ ខណ្ឌព្រែកព្នៅ រាជធានីភ្នំពេញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រភពព័ត៌មានបានឲ្យដឹងថា នៅមុនពេលកើតហេតុមានរថយន្តដឹកដីធុនធំជាច្រើនគ្រឿងបើកបន្តកន្ទុយគ្នា តាមបណ្ដោយមហាវិថីឈ្នះឈ្នះ ក្នុងទិសដៅពីលិចទៅកើត ខណៈកំពុងបើកបរ ស្រាប់តែមានរថយន្តដឹកដីដែលនៅខាងមុខបត់ឆ្លងផ្លូវ ធ្វើឲ្យរថយន្តដឹកដីបន្ទាប់អកហ្សឺទើបត្រូវរថយន្តដឹកដីមួយគ្រឿងទៀតមកពីក្រោយបានជ្រុលល្បឿនបុកពីក្រោយយ៉ាងពេញទំហឹងបណ្ដាលឲ្យខូចខាតផ្នែកខាងមុខស្ទើរទាំងស្រុង និងរថយន្តមួយគ្រឿងទៀតខូចខាតផ្នែកខាងក្រោយ តែមិនបណ្ដាលឲ្យមានមនុស្សរងរបួសឡើយ។

ក្រោយពេលកើតហេតុកម្លាំងសមត្ថកិច្ចបានចុះដល់ទីតាំងកើតហេតុ ធ្វើការវាស់វែងយករថយន្តចេញកន្លែងកើតហេតុដើម្បីបញ្ចៀសចរាចរណ៍ជៀសវាងបង្កការកកស្ទះ និងរង់ចាំតំណាងក្រុមហ៊ុនទាំង២មកសម្របសម្រួលគ្នា៕

អត្ថបទ៖ សុខុម