ចរាចរណ៍

រថយន្តបែនដឹកថ្ម បុករថយន្តក្រឡុកស៊ីម៉ងត៍ ធ្លាយធុងកៀបតៃកុងជាប់ រងរបួសធ្ងន់

បានផុស

៤ years មុន

នៅ

ថ្ងៃសុក្រ ២០ ឧសភា ២០២២

ដោយ

តៃកុងរថយន្តម្នា ក់រងរបួសធ្ងន់ធ្ងរ ខណៈពេលកំពុងបើករថយន្តលើកំណាត់ផ្លូវហាយវេ ក៏ស្រាប់តែមានរថយន្តក្រឡុកស៊ីម៉ងត៍បើកឆ្លងកាត់ពីមុខ។ ហេតុការណ៍នេះ បានកើតឡើង នៅថ្ងៃទី ២០ ខែឧសភា ឆ្នាំ ២០២២ វេលាម៉ោង ០៧ និង ៥០ នាទី ព្រឹក ត្រង់ចំណុចកំណាត់ផ្លូវប្រសព្វហាយវេ ស្ថិតក្នុងភូមិខ្សាច់ពោយ សង្កាត់វត្តគរ ខេត្តបាត់ដំបង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ករណីគ្រោះថ្នាក់ចរាចរណ៍នេះ បានកើតឡើងរវាង រថយន្ត ០១ គ្រឿង ម៉ាកហ្វុយសូ (ក្រឡុកស៊ីម៉ង់) ពាក់ស្លាកលេខ ភ្នំពេញ ៥A-០០៨៥ អ្នកបើកបរ ឈ្មោះ និល សានិត អាយុ ៣៥ ឆ្នាំ ភូមិចំការឬស្សី សង្កាត់ព្រែកព្រះស្តេច និង រថយន្ត ០១ គ្រឿងទៀតម៉ាកហ៊ីយ៉ាន់ដាយ (ប៉ែនដឹកថ្ម) អ្នកបើកបរដោយឈ្មោះ មិត នី ភេទប្រុស អាយុ ៣៦ ឆ្នាំ រស់នៅភូមិប៉ោយស្វាយ ឃុំតាគ្រាម ស្រុកបាណន់ ខេត្តបាត់ដំបង។ ករណីនេះបណ្តាលឲ្យអ្នកបើកបររថយន្ត ហ៊ីយ៉ាន់ដាយ រងរបួសធ្ងន់។

ក្រោយពីកើតហេតុ កម្លាំងជំនាញការិយាល័យនគរបាលចរាចរណ៍ផ្លូវគោក ដកហូតវត្ថុតាង រថយន្តចំនួន ០២ គ្រឿង ហើយបានបញ្ជូនអ្នកបើកបររថយន្តហ៊ីយ៉ាន់ដាយ មកមន្ទីរពេទ្យស្នងការនគរបាលខេត្តបាត់ដំបង។ តាមការពិនិត្យប្លង់កើតហេតុ រថយន្តម៉ាក ហ៊ីយ៉ាន់ដាយ (ប៉ែនដឹកថ្ម) បានបើកបរពីទិសខាងលិចទៅទិសខាងកើត ពេលមកដល់កន្លែងកើតហេតុ បានបុករថយន្តម៉ាកហ៊ីណូ (ក្រឡុកស៊ីម៉ង់) ដែលបើកបរឆ្លងកាត់ពីទិសខាងជើង ទៅទិសខាងត្បូង ចំចំហៀងខាងស្តាំតែម្តង បណ្តាលឲ្យកៀបជាប់តៃកុងតែម្តង៕