ចរាចរណ៍
គ្រោះថ្នាក់ចរាចរណ៍លើផ្លូវហាយវេ បណ្តាលឲ្យស្លាប់២នាក់ភ្លាមៗ
ជនរងគ្រោះចំនួន២នាក់បានស្លាប់ភ្លាមៗនៅកន្លែងកើតហេតុ បន្ទាប់ពីមានការប៉ះទង្គិចគ្នារវាងម៉ូតូជាមួយរថយន្តធុនធ្ងន់។
គ្រោះថ្នាក់ចរាចរណ៍ដែលបង្កអោយមានការភ្ញាក់ផ្អើលនិងតក់ស្លុតជាទីបំផុតនោះ បានកើតឡើងនៅវេលាម៉ោង ៩និង០០នាទីព្រឹក ថ្ងៃទី១៣ ខែកក្កដា ឆ្នាំ ២០២២ តាមបណ្តោយផ្លូវជាតិលេខ៥ ត្រង់ចំណុចផ្លូវបំបែកផ្លូវហាយវេ ក្នុងភូមិស្វាយធំ ឃុំអូរដំបង២ ស្រុកសង្កែ ខេត្តបាត់ដំបង។
បើតាមប្រភពនៅកន្លែងកើតហេតុបាននិយាយថា ជនរងគ្រោះមិនទាន់ស្គាល់អត្តសញ្ញាណនៅឡើយដោយគ្រាន់តែដឹងថា អ្នកបើកបរម៉ូតូជាបុរសអាយុប្រហែលជាង៣០ឆ្នាំ ហើយបានឌុបស្ត្រីម្នាក់អាយុប្រហែលជាង៦០ឆ្នាំ បើកបរម៉ូតូម៉ាកឌ្រីមសង់ ព៌ណខ្មៅ ពាក់ស្លាកលេខ បាត់ដំបង ១T-៩៦៧៣ ដោយឡែកភាគីខាងរថយន្តប្រភេទដឹកទំនិញ ក្រោយហេតុការណ៍អ្នកបើកបរបានរត់គេចខ្លួនបាត់ស្រមោល។
អ្នកឃើញហេតុការណ៍បញ្ជាក់ថា ដំបូងគេឃើញរថយន្តបានបើកបរយ៉ាងលឿនក្នុងទិសដៅពីកើតទៅលិច រីឯភាគីម៉ូតូបានធ្វើដំណើរពីលិច ទៅកើត ក្នុងទិសដៅច្រាស់គ្នា លុះដល់ចំណុចផ្លូវបំបែកបានបុកគ្នាយ៉ាងពេញទំហឹងបណ្តាលឲ្យស្លាប់ភ្លាមៗក្នុងសភាពខ្ទេចសពជាបំណែកៗ បាក់ដៃ បាក់ជើង រីឯម៉ូតូត្រូវបានជាប់ពីមុខរថយន្តអូសទៅមុខជិត១០០ម៉ែត្រ ។
ភ្លាមៗនោះដែរសមត្ថកិច្ចបានត្រួតពិនិត្យទៅលើសាកសពទាំង២នាក់ គឺពុំមានអ្វីដែលជាប់នឹងខ្លួនដើម្បីបង្ហាញអោយស្គាល់ពីអត្តសញ្ញាណឡើយ គឺមានតែលុយចំនួន ១.៧០០ ដុល្លារតែប៉ុណ្ណោះ លុះអស់រយ:ពេលជាច្រើនម៉ោង ក្រោយពីស្រាវជ្រាវរកសាច់ញាតិឃើញ សមត្ថកិច្ចបានប្រគល់ឲ្យដើម្បីចាត់ចែងតាមប្រពៃណី៕
អត្ថបទ៖ សោ និយមរ័ត្ន
-
ចរាចរណ៍៥ ថ្ងៃ ago
ឆ្នាំ២០២៣ ខេត្តកំពង់ចាម មានអ្នកស្លាប់ព្រោះគ្រោះថ្នាក់ចរាចរណ៍ជាង១រយនាក់ និងរបួសជាង២រយនាក់
-
បច្ចេកវិទ្យា១០ ម៉ោង ago
វិធីប្លែកៗ ជនអានាមិកប្រើដើម្បីបោកបញ្ឆោត តាមប្រព័ន្ធបច្ចេកវិទ្យា
-
ព័ត៌មានអន្ដរជាតិ១ សប្តាហ៍ ago
យន្តហោះក្រុមហ៊ុនអាកាសចរណ៍ Jetstar មួយគ្រឿង បុកគ្នាជាមួយរថយន្តសន្តិសុខអាកាសយាដ្ឋាន
-
ព័ត៌មានជាតិ២ ថ្ងៃ ago
សម្តេចតេជោ ហ៊ុន សែន សម្រេចជួយកសាងកុដិ-ទិញដីពង្រីកវត្តសម្រាប់ព្រះសង្ឃ និងកូននេនសីហា
-
បច្ចេកវិទ្យា១ ថ្ងៃ ago
កុំពឹងផ្អែកលើប្រព័ន្ធសន្តិសុខ App ធនាគារទាំងស្រុង ត្រូវពង្រឹងសុវត្ថិភាពបន្ថែម
-
ព័ត៌មានអន្ដរជាតិ៦ ថ្ងៃ ago
រូបភាពបុរសម្នាក់លើឆ្នេរ អង់គ្លេស ក្លាយជាព័ស្តុតាងថា បានឆ្លងភពចូលមកឆ្នាំ ១៩៤៣
-
ព័ត៌មានជាតិ១ សប្តាហ៍ ago
មន្រ្តីក្រសួងបកស្រាយវីដេអូរថភ្លើងបើកលើផ្លូវជាតិ ពលរដ្ឋសង្ស័យបើកខុសបច្ចេកទេស
-
វប្បធម៌ ជំនឿ៣ ថ្ងៃ ago
ទំនាយលោកយាយ Baba Vanga ជិតក្លាយជាការពិតមួយទៀតហើយ