ចរាចរណ៍

រថយន្តស៊ិនទ្រីបុករះចូលឃ្លាំងស្លាប់មនុស្សទាំងព្រឹក

បានផុស

៥ years មុន

នៅ

ថ្ងៃព្រហស្បតិ៍ ៤ កុម្ភៈ ២០២១

ដោយ

រថយន្ដរបស់ក្រុមហ៊ុនប្រមូលសំរាមស៊ិនទ្រីមួយគ្រឿងរេចង្កូតបុករះរ៉ឺម៉កជួសជុលជួសជុលម៉ូតូតាមចិញ្ចើមផ្លូវរុញបុកចូលក្នុងឃ្លាំងបណ្ដាលឲ្យមនុស្សម្នាក់ស្លាប់នៅកន្លែងកើតហេតុ និងរងរបួសធ្ងន់ម្នាក់។

ករណីគ្រោះថ្នាក់ដ៏រន្ធត់នេះបានកើតឡើងនៅវេលាម៉ោង៧និង៣០នាទី ថ្ងៃទី៤ ខែកុម្ភៈ ឆ្នាំ ២០២១ ស្ថិតនៅចំណុចឃ្លាំងទំនេរមួយកន្លែងតាមបណ្ដោយផ្លូវ២១៧ សង្កាត់ដង្កោខណ្ឌដង្កោ រាជធានីភ្នំពេញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សពជនរងគ្រោះមានឈ្មោះ កែវ វុទ្ធី ភេទប្រុសអាយុ៥០ឆ្នាំ មុខរបរបើកគ្រឿងចក្រឈូសដី មានស្រុកកំណើតនៅភូមិ ចន្លាត់ដៃ ឃុំកំរៀង ស្រុកសំរោង ខេត្តកែវ។ អ្នករងរបួសមានឈ្មោះ ពន្លឺ ភេទប្រុសអាយុ២២ឆ្នាំ មានស្រុកកំណើតនៅភូមិរាំងដេក ឃុំគគីរធំ ស្រុកកៀនស្វាយ ខេត្តកណ្ដាល។

ព័ត៌មានពីកន្លែងកើតហេតុបានឲ្យដឹងថា មុនពេលកើតហេតុគេបានឃើញរថយន្តប្រមូលសំរាមក្រុមហ៊ុនស៊ីនទ្រីមួយគ្រឿងពាក់លេខសម្គាល់៨៥ពណ៌លឿងបើកបរដោយបុរសម្នាក់ធ្វើដំណើរតាមបណ្ដោយផ្លូវ២១៧ ក្នុងទិសដៅពីជើងទៅត្បូងខណៈមកដល់ចំណុចកើតហេតុបានរេចង្កូតមកស្ដាប់ដៃបុករ៉ឺម៉កជួសជុលម៉ូតូនៅតាមចិញ្ចើមផ្លូវរុញខ្ទប់បុកចូលក្នុងឃ្លាំងបន្តទៀតបណ្ដាលឲ្យកិនបុរសម្នាក់ដែលឈប់ម៉ូតូក្បែររ៉ឺម៉កជួសជុលម៉ូតូស្លាប់ភ្លាមៗ រីឯម្ចាស់រ៉ឺម៉ករងរបួសធ្ងន់។

ប្រភពបានបន្តថា ក្រោយពីបង្កហេតុអ្នកបើកបររថយន្តបានចុះរត់គេចខ្លួនបាត់ស្រមោលបន្សល់ទុកតែរថយន្តនៅកន្លែងកើតហេតុ។

ក្រោយកើតហេតុកម្លាំងសមត្ថកិច្ចមូលដ្ឋានបានចុះដល់ទីតាំងកន្លែងកើតហេតុធ្វើការវាស់វែង និងស្រាវជ្រាវរកសាច់ញាតិដើម្បីធ្វើកំណត់ហេតុប្រគល់សពឲ្យសាច់ញាតិយកទៅធ្វើបុណ្យតាមប្រពៃណី៕

អត្ថបទ ៖ តារ៉ាវុទ្ធ

Related Topics:

សេចក្ដីជូនដំណឹង៦ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា