ព័ត៌មានជាតិ

ពលរដ្ឋរស់នៅភូមិថ្មី សង្កាត់ដង្កោ សប្បាយចិត្តពេលអាជ្ញាធរស្ថាបនាផ្លូវលំជាបេតុង ងាយស្រួលធ្វើដំណើរ

បានផុស

៧ ខែ មុន

នៅ

ថ្ងៃសុក្រ ១៩ ធ្នូ ២០២៥

ដោយ

ប្រជាពលរដ្ឋរស់នៅភូមិថ្មី សង្កាត់ដង្កោ ខណ្ឌដង្កោ រាជធានីភ្នំពេញ សប្បាយចិត្តជាខ្លាំង និងសាទរ ដែលអាជ្ញាធរចុះស្ថាបនាប្រែក្លាយផ្លូវលំពិបាកធ្វើដំណើរជាយូរឆ្នាំមកហើយ ឲ្យទៅជាផ្លូវបេតុង មានភាពងាយស្រួលឡើងវិញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្នកស្រី ឱ ចាន់លីដា ជាប្រជាពលរដ្ឋរស់នៅតំបន់ខាងលើ លើកឡើងថា ផ្លូវខាងលើខូចខាតជាង ១០ ឆ្នាំ មកហើយ ដោយសារតែទឹកភ្លៀងហូរច្រោះ។ នារដូវវស្សា ភ្លៀងមកម្តងៗ ផ្លូវនេះ លិចអស់ហើយ ធ្វើដំណើរមិនកើត ទឹកមិនងាយស្រក ដោយសារផ្លូវនេះទំនាបជ្រៅជាងគេ(ដូចបាតខ្ទះ) តែបើរដូវប្រាំងវិញ ដីហុយ មានជង្ហុកតូច-ធំ សំបុកមាន់ ពិបាកក្នុងការធ្វើដំណើរ និងរស់នៅប្រកបរបរផ្សេងៗ។

អ្នកស្រីបន្តថា ពេលនេះលែងព្រួយបារម្ភទៀតហើយ ដោយសារអាជ្ញាធរយកចិត្តទុកដាក់ស្ថាបនាផ្លូវក្នុងភូមិមួយនេះបានស្អាតល្អប្រសើរ។ អ្នកស្រី ក៏សូមអរគុណដល់អាជ្ញាធរផងដែរ ដែលបានគិតគូរដល់ប្រជាពលរដ្ឋក្នុងមូលដ្ឋាន។

អាជ្ញាធរ បញ្ជាក់ថា ផ្លូវខាងលើ មានប្រវែង ១២០០ ម៉ែត្រ ទទឹង ៦ ម៉ែត្រ ប្រើប្រាស់ថវិកាមូលនិធិអភិវឌ្ឍន៍សង្កាត់ឆ្នាំ ២០២៥ ហើយនៅពេលនេះស្ថាបនាបានប្រមាណ ៥០ ភាគរយហើយ៕

អត្ថបទ ៖ សុខា