«យុទ្ធសង្គ្រាម» កាន់តែបានការចាប់អារម្មណ៍ ក្រោយបង្ហាញឈុតខ្លីពី Ai ស្របនឹងន័យដៀលសត្រូវប្រវត្តិសាស្ត្រចំៗ

“យុទ្ធសង្គ្រាម” ( War Of Warriors ) ដែលជាការតែងនិពន្ធដោយលោក G-Devith និងច្រៀងដោយអ្នកនាង ទេព បូព្រឹក្ស ទទួលបានការចាប់អារម្មណ៍ជាថ្មី ក្រោយលោកសាស្ត្រាចារ្យ ណុប សម្បត្តិ ដែលមហាជនស្គាល់ថា ជាជើងចាស់ក្នុងវិស័យភាពយន្តខ្មែរនោះ បានបង្ហាញជាសាធារណៈនូវឈុតឆាកខ្លីផលិតពី Ai ដោយដកស្រង់ជាង ១នាទីជាមួយនឹងតថភាពល្អឯក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

“យុទ្ធសង្គ្រាម” ( War Of Warriors ) ជាចម្រៀងរៀបរាប់ពីសត្រូវប្រវត្តិសាស្ត្ររបស់កម្ពុជា ដែលតែងចិញ្ចឹមមហិច្ចតាឈ្លានពានទឹកដីខ្មែរមិនចេះចប់មិនចេះហើយរាប់ជំនាន់មកហើយ រហូតមកទល់នឹងបច្ចុប្បន្ននេះ។

តាមរយៈសារលើទំព័រហ្វេសប៊ុកជើងចាស់ក្នុងវិស័យភាពយន្តខ្មែររូបនោះ បញ្ជាក់ខ្លីថា ចម្រៀងបទ«យុទ្ធសង្គ្រាម» ច្រៀងដោយ Tep Boprek ឯវីដេអូ Ai ធ្វើដោយ Sambath (Pu Berry) ។

គិតត្រឹមថ្ងៃទី១ថ្ងៃ វីដេអូខ្លីនេះ មានអ្នកទស្សនាជាង ១លានដងលើទំព័រហ្វេសប៊ុកផេករបស់លោកសាស្ត្រាចារ្យ ណុប សម្បត្តិ និងមានការចែករំលែកព្រោងព្រាតផងដែរ។ ក្នុងនោះ សាធារណជនជាច្រើន បានបង្ហាញការពេញចិត្តឥតគណនា និងពោលថាអស្ចារ្យគ្រប់ៗគ្នា។