ព័ត៌មានជាតិ

រយៈពេលជិត១ខែនេះ កម្មកររោងចក្រជាង១ពាន់នាក់ហើយ បានឆ្លងជំងឺកូវីដ១៩

បានផុស

៥ years មុន

នៅ

ថ្ងៃអង្គារ ២០ មេសា ២០២១

ដោយ

នៅក្នុងរយៈពេល១ខែនេះ មានបងប្អូនកម្មករកម្មការិនី ធ្វើការនៅតាមរោងចក្រសហគ្រាសនានាប្រមាណជាង១ពាន់នាក់ហើយ បានឆ្លងជំងឺកូវីដ១៩ ក្នុងព្រឹត្តិការណ៍សហគមន៍២០កុម្ភៈ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមរបាយការណ៍របស់អនុគណៈកម្មការស្រាវជ្រាវជំងឺកូវីដបានឲ្យដឹងថា គិតចាប់ពីថ្ងៃទី ២១ ខែមីនា ដល់ថ្ងៃទី១៩ ខែមេសា ឆ្នាំ២០២១ មានកម្មករកម្មការិនីបម្រើការងារនៅតាមសហគ្រាសនានាចំនួន១០២៣នាក់ហើយ ត្រូវបានរកឃើញមានវិជ្ជមាន កូវីដ១៩។ តាមរបាយការណ៍ដដែល បើគិតត្រឹមយប់ថ្ងៃទី១៧ខែមេសាឆ្នាំ២០២១កន្លងទៅនេះ មានរោងចក្រសហគ្រាសនៅភូមិសាស្ត្ររាជធានីភ្នំពេញចំនួន៦១ទីតាំងហើយ ដែលមានកម្មករនិយោជិតឆ្លងជំងឺកូវីដ១៩។ ក្នុងចំណោមរោងចក្រទាំង៦១នោះ រោងចក្រក្នុងវិស័យកាត់ដេរមានឆ្លងច្រើនជាងគេ ប្រមាណជិត១ពាន់នាក់ ដូចជារោងចក្រកាត់ដេរឌីនហាន មានកម្មករឆ្លងជាង៦០០នាក់និងរោងចក្រហ្វជួនណាមានឆ្លងជាង២០០នាក់។

មូលហេតុដែលបណ្តាលឲ្យកម្មករកម្មការិនីមានឆ្លងច្រើនបែបនេះ ដោយសារភាគច្រើនពួកគេបានប្រើប្រាស់មធ្យោបាយធ្វើដំណើររួមគ្នាច្រើន រីឯកន្លែងធ្វើការវិញមិនបានរក្សាគម្លាតឲ្យបានត្រឹមត្រូវតាមការណែនាំរបស់ក្រសួងសុខាភិបាលឡើយ។ ដោយសារមានផ្ទុះលើរោងចក្រសហគ្រាសនិងអាជីវករ នៅតាមផ្សារនានាបានធ្វើឲ្យរដ្ឋាភិបាលសម្រេចបិទខ្ទប់រាជធានីភ្នំពេញនិងក្រុងតាមខ្មៅខេត្តកណ្តាល រយៈពេល១៤ថ្ងៃ ចាប់ពីម៉ោងសូន្យថ្ងៃទី១៥ ខែមេសារហូតដល់ថ្ងៃទី២៨ ខែមេសា ឆ្នាំ២០២១។

គួរបញ្ជាក់ថា គិតត្រឹមព្រឹកថ្ងៃទី១៩ ខែមេសា ឆ្នាំ២០២១ មានអ្នកឆ្លងជំងឺកូវីដ១៩សរុបចំនួន៧០១៣ នាក់អ្នកជាសះស្បើយចំនួន ២៥២៤ នាក់អ្នកកំពុងព្យាបាលចំនួន៤៤៣៩ នាក់និងអ្នកស្លាប់ចំនួន៤៥ នាក់៕

អត្ថបទ៖ សំអឿន

សូមចុចអាន៖ លទ្ធផលចេញហើយ បិទផ្សារកណ្តាល តេស្តអាជីវករទាំងយប់ឆ្លងជិត ៥០ នាក់

Related Topics:កូវីដ-១៩ កម្មកររោងចក្រ

សេចក្ដីជូនដំណឹង៧ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា