ជនជាតិបរទេសវ័យជាង៤០ឆ្នាំ មិនដឹងមានវិបិត្តអ្វី លោតសម្លាប់ខ្លួន ធ្លាប់ចំជើងតាងស្ពានព្រះមុន្នីវង្សចាស់ស្លាប់

បុរសម្នាក់ជាជនជាតិបរទេស វ័យជាង៤០ឆ្នាំ ដើរមកលោតទឹកសម្លាប់ខ្លួន មិនចូលទឹកទន្លេ បែរមកធ្លាក់ចំជើងតាងស្ពាន ផ្អើលពលរដ្ឋចោមរោម ហេតុការណ៍នេះបានកើតឡើងនៅវេលាម៉ោង ០៣រសៀលថ្ងៃទី ២២ ខែមករា ឆ្នាំ២០២៦ នៅចំណុចស្ពានព្រះមុន្នីវង្សចាស់ ក្នុងសង្កាត់ច្បារអំពៅទី២ ខណ្ឌច្បារអំពៅ រាជធានីភ្នំពេញ។

ជនរងគ្រោះមិនស្គាល់អត្តសញ្ញាណ មានអាយុជាង៤០ឆ្នាំ ជាជនជាតិបរទេស ព្រោះនៅលើខ្លួនជនរងគ្រោះមិនមានអ្វីសម្គាល់ជាប់ខ្លួនឡើយ។

បើតាមការបញ្ជាក់ពីប្រជាពលរដ្ឋបានអោយដឹងថា គេបានឃើញបុរសខាងលើ ដើរដោយថ្មើរជើង ពីម្តុំផ្សារច្បារអំពៅ មិនដឹងថាមានវិបត្តិអ្វីនោះឡើយ ធ្វើដំណើរមកលើស្ពានព្រះមុន្នីវង្សចាស់ លុះមកដល់បានពាក់កណ្តាលស្ពាន ស្រាប់តែលោតចុះមកក្រោមសម្លាប់ខ្លួនតែម្ដង ប៉ុន្តែមិនបានចូលទឹកទន្លេ ក៏ជាប់ត្រឹមជើងតាងស្ពាន បណ្តាលអោយបែកក្បាលស្លាប់ភ្លាមៗ នៅនិងកន្លែងកើតហេតុ។

ក្រោយកើតហេតុ សមត្ថកិច្ចបានយកសពមកលើគោក នឹងបានយកទៅវត្តច្បារអំពៅ ដើម្បីអោយនគរបាលជំនាញផ្នែកកោសល្យវិច័យត្រួតពិនិត្យ រងចាំសាច់ញាត្តិមកទទួល៕ អត្ថបទ ៖ រដ្ឋា