ព័ត៌មានអន្ដរជាតិ

រដ្ឋមន្ត្រីអង់គ្លេស ប្រាប់ពលរដ្ឋខ្លួនឲ្យទិញសម្ភារៈបង្ការសម្រាប់សង្គ្រាមលោកលើកទី៣

បានផុស

៥ ខែ មុន

នៅ

ថ្ងៃអង្គារ ៣ មីនា ២០២៦

ដោយ

ក្រសួងចក្រភពអង់គ្លេសប្រាប់គ្រួសារនីមួយៗទិញសម្ភារៈប្រើប្រាស់ប្រភេទណាដែលប្រើបានយូរ ដើម្បីត្រៀមខ្លួនសម្រាប់ការផ្ទុះឡើងនៃសង្គ្រាមលោកលើកទី៣ ឬការរំខានធំៗផ្សេងទៀតដូចជាជំងឺរាតត្បាត ការដាច់អ៊ីនធឺណិត និងស្ថានភាពអាកាសធាតុធ្ងន់ធ្ងរ។

លោកស្រី Rachel Reeves រដ្ឋមន្រ្តីក្រសួងហិរញ្ញវត្ថុអង់គ្លេស។ រូបភាព៖ Reuters

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើយោងតាម JOE News, ចុះផ្សាយថ្ងៃទី០២ ខែមីនា ឆ្នាំ២០២៦ ក្នុងយុទ្ធសាស្ត្រសន្តិសុខក្នុងឆ្នាំ២០២៥ រដ្ឋមន្ត្រីរដ្ឋាភិបាល បាននិយាយថា ចក្រភពអង់គ្លេសឥឡូវនេះរកឃើញខ្លួនឯងនៅក្នុងយុគសម័យមួយប្រឈមមុខនឹងការគំរាមកំហែងដល់សន្តិសុខប្រទេសនេះ។

លើសពីនេះ រដ្ឋមន្ត្រីកំពុងអំពាវនាវឱ្យប្រជាជនមានភាពធន់ជាងមុន ហើយមានគម្រោងឱ្យពលរដ្ឋអនុវត្តភាពស៊ាំនេះ ជាមួយបញ្ហាជាសកល។

ក្នុងយុទ្ធសាស្ត្រលើកឡើងថា៖ «សត្រូវមួយចំនួនកំពុងដាំគ្រឹះសម្រាប់ជម្លោះនាពេលអនាគត ដោយដាក់ខ្លួនឱ្យធ្វើសកម្មភាពយ៉ាងឆាប់រហ័ស។ បង្កឱ្យមានការរំខានយ៉ាងខ្លាំងដល់ខ្សែសង្វាក់ថាមពល និងខ្សែសង្វាក់ផ្គត់ផ្គង់របស់យើងផ្ទាល់ ក្នុងការរារាំងយើងពីការទប់ទល់នឹងការឈ្លានពានរបស់ពួកគេ»។

ចំណែករបាយការណ៍ Express ថា៖ «ជាលើកដំបូងក្នុងរយៈពេលជាច្រើនឆ្នាំមកនេះ យើងត្រូវត្រៀមខ្លួនយ៉ាងសកម្មសម្រាប់លទ្ធភាពសម្រាប់មាតុភូមិចក្រភពអង់គ្លេសនឹងស្ថិតនៅក្រោមការគំរាមកំហែងដោយផ្ទាល់ ដែលអាចកើតមានក្នុងសេណារីយ៉ូសម័យសង្គ្រាម»។

យ៉ាងណាមិញ រដ្ឋាភិបាលបើកដំណើរការគេហទំព័រមួយ ដើម្បីរៀបចំឱ្យសាធារណជនចូលប្រើប្រាស់បាន រួមទាំងសង្គ្រាម អាកាសធាតុអាក្រក់ និងការវាយប្រហារតាមអ៊ីនធឺណិត។

លើសពីនេះរដ្ឋាភិបាលបញ្ជាឱ្យប្រជាជនទិញរបស់សំខាន់មួយគឺវិទ្យុប្រើខ្យល់។ ដោយសារតែវិទ្យុប្រភេទនេះមិនត្រូវការថាមពលពីបណ្តាញជាតិ ដែលអាចរំខានអំឡុងពេលមានវិបត្តិនោះទេ។

ដូច្នេះគ្រួសារនីមួយៗអាចប្រើប្រាស់វិទ្យុនេះ ដើម្បីទទួលបានព័ត៌មានបន្ទាន់ពីរដ្ឋាភិបាលពេលមានហានិភ័យអ្វីមួយកើតឡើង។

មិនតែប៉ុណ្ណោះរបស់របរផ្សេងទៀតដែលរដ្ឋាភិបាលអង់គ្លេសណែនាំនៅលើគេហទំព័រ UK Prepare រួមមាន ភ្លើងពិលដំណើរការដោយថ្ម ឬភ្លើងអាចបង្វិលបាន ថ្មបម្រុង ទឹកលាងដៃសម្លាប់មេរោគ ក្រដាសជូតសើម ដបទឹក អាហារស្ងួត និងសម្ភារៈទារកជាដើម៕

ប្រែសម្រួល៖ ណឺ មិនា